Sɩngre 6
6
A Nowe zamaanẽ nebã yel-manesem
1 #
Zoob 1.6, 2.1 Ninsaalbã sẽn wa n sɩng n fɩɩgd n lebgd wʋsg dũniyã zugã, bãmb doga kom-pugli. 2Wẽnnaam kom-dibli wã gesame tɩ ninsaalbã kom-pugli wã yaa neeba, la bãmb baoo kom-pugli bãmb sʋkã n maan b pagba.
3Dẽ, Sẽn-Ka-Saab yeelame: «Mam sɩɩgã ka na n kell n pa ninsaal pʋgẽ wakat sẽn kõn sa yĩng ye. Bala, ninsaal yaa yĩng bala. Dẽ, yẽnda yʋʋmã na n yɩɩ koabg la pisi.» 4#Sõd 13.33Wakat-kãng tɩ nin-wobd bee dũniyã zugu, la b kell n zĩnda rẽ zugẽ me. Wẽnnaam kom-dibli wã sẽn wa n dɩgs ninsaalbã kom-pugli wã n maan b pagbã, b kẽe ne-ba, la b roga kamb n kõ-ba. Yaa kom-bãmb n dag n yaa kʋdem-wẽndẽ gãndaado, la b yɩɩ neb yʋʋr sẽn yi. 5#Mat 24.37, Luk 17.26, 1Pɩy 3.20Sẽn-Ka-Saab gesame tɩ ninsaalbã wẽngã lebga wʋsg dũniyã zugu, la daar fãa, ninsaal tagsda wẽng maaneg yell bala. 6Sẽn-Ka-Saab sũur sãama ne b menga, bãmb sẽn maan ninsaal n ning dũniyã zugã, la bãmb sũur sãama wʋsgo. 7Sẽn-Ka-Saab yeelame: «Mam na n menesa ninsaal mam sẽn maanã dũniyã zugu, la yaa sẽn sɩng ne ninsaal n tall n tɩ tãag rũmsã ne bõn-bãoonegã, la ne bõn-yɩgdɩ wã sẽn yɩgd yĩngrã. Bala, mam sũurã sãama ne mam sẽn naan bãmbã.» 8La a Nowe paama Sẽn-Ka-Saab nimbãan-zoeere.
A Nowe koom koglg maanego
9 #
2Pɩy 2.5
A Nowe yagensã la woto. A Nowe zamaanã neb fãa sʋka, yẽnda rag n yaa nin-tɩrga, n yaa burkĩna. A Nowe rag n tũuda Wẽnnaam.
10A Nowe roga kom-dibli a tãabo: A Sɛm ne a Kam, la a Zafɛte. 11Dũniyã rag n sãama Wẽnnaam nifẽ. Zĩiga fãa nebã rag n maanda taab pãnga. 12Wẽnnaam gesame tɩ dũniyã sãama zãnga. Bala, ninsaalbã fãa rag n tʋmda tʋʋm-beed dũniyã zugu. 13Woto, Wẽnnaam yeela a Nowe yaa: «Mam yãka yam n na n menes bõn-vɩɩsã buud fãa. Bala, bãmb kɩtame tɩ dũniyã pid ne tʋʋm-beedo. Woto yĩngã, mam na n naag-b-la ne dũniyã n sãame. 14Dẽ wã, bɩ f bao tɩɩg raad sẽn tar pãng n maan koom koglg f mengã yĩnga. Fo tog n maana koom koglgã, t'a tar pʋse. La f bao sũud n bol a pʋgã ne a yɩngã. 15Ad fo sẽn na n maan koom koglgã to-to: Koom koglgã woglem tog n yɩɩ kãntɩɩg kobs-tã, t'a yalmã yɩ kãntɩɩg pis-nu, t'a zãntlmã yɩ kãntɩɩg pis-tã. 16Fo tog n paga a yĩngrã, la pagdgã zãntlem tog n zẽk n taa kãntɩɩg a yembre, fo tog n paga koglgã yĩngri, t'a tẽn-sʋkã zẽk n ta kãntɩɩg a yembre, la f ning koom koglgã noor koglgã kɩrenga. Maan koglgã t'a yɩ ro-tomdem sẽn doglem taab a tãabo. Tẽngr roto, yiibẽ doto, la tãabẽ doto. 17La mam na n kɩtame tɩ sa-kẽeng ni dũniyã zugu, n sãam bũmb ning fãa sẽn vɩ, n vʋʋsd ne yõor n be saasã tẽngrã. Bũmb ning fãa sẽn be dũniyã zugã na n sãamame. 18La mam na n maana m kaool ne foom. Fo na n kẽe koom koglgã pʋga, foom ne f kom-dibli wã, la f pagã ne f bi-pagbã. 19Fo na n kɩtame me, tɩ bõn-vɩɩsã gill fãa wa kẽ koglgã pʋg yiib-yiib n naag foom n paam n vɩɩmde. Fo tog n kẽesa raoog ne yãanga, 20kãadem-kãadem, wa sẽn zems b buudã sẽn yaa to-to, bõn-yɩgdɩ wã, rũmsã, bõn-bãoonegã sẽn saagd tẽn-gãongã zugã fãa na n waa fo nengẽ, n tõog n vɩɩmde. 21La fo tog n baoo rɩɩb buud fãa sẽn tõe n dɩ, n bĩng f nengẽ, tɩ yãmb ne bãmb tõe n paamd rɩɩb n dɩtẽ.» 22#Ebr 11.7La a Nowe sɩd maana woto. A Nowe maana bũmbã fãa wa sẽn zems Wẽnnaam sẽn dag n yeel yẽnda wã kɛpɩ. A maana a woto.
Nu geselecteerd:
Sɩngre 6: MPBU
Markering
Deel
Kopiëren
Wil je jouw markerkingen op al je apparaten opslaan? Meld je aan of log in
Moore Bible © Bible Society of Burkina Faso, 2014.
