Sɩngre 2
2
1Yɩɩ woto la Wẽnnaam naan yĩngrã ne tẽngã, la bũmb nins sẽn be b pʋsẽ wã n sɛ.
2 #
Yik 20.11, Ebr 4.4,10 La sẽn wa n na n ta rasem a yopoe daarã, rẽ tɩ Wẽnnaam naana bũmbã fãa n sɛ. La rasem a yopoe daarã, Wẽnnaam vʋʋsa ne b tʋʋmã fãa.
3Woto, Wẽnnaam ninga rasem a yopoe wã daar barka, n welg-a toor b mengã yĩnga. Bala, bãmb vʋʋsa badaar ne tʋʋm nins fãa bãmb sẽn maanã.
Edɛn zẽedã zĩiga
4Yaa woto la b naan yĩngrã ne tẽngã b naanegã wakate.
Wẽnnaam Sẽn-Ka-Saab sẽn wa n naan yĩngr la tẽngã wakate, 5rẽ tɩ tɩɩg baa a yembr ka be tẽn-gãongã zugu, la mood me rag n nan ka yi wetã pʋs ye. Bala, Wẽnnaam Sẽn-Ka-Saab rag n nan ka kɩt tɩ saag ni dũniyã zug ye, la ninsaal me rag n ka be dũniyã zug n na n ko-a ye. 6La koom n dag n pusgd n yit n zãgsd tẽn-gãongã. 7#1Kor 15.45Wẽnnaam Sẽn-Ka-Saab yãka tẽngã tom n maan ninsaala. La Wẽnnaam fʋʋsa ninsaal yõ-bogdã pʋga, n ning vɩɩm ninsaal pʋgẽ. La ninsaal lebga nin-vɩɩga. 8Wẽnnaam Sẽn-Ka-Saab rag n maana zẽed zĩig n ning Edɛn tẽngã yaanga, la b rɩka ninsaal bãmb sẽn naanã n ning beenẽ. 9#Vẽn 2.7, 22.2,14Wẽnnaam dag n kɩtame tɩ tɩɩs yi. Yaa tɩɩs buud toay-toay sẽn yaa neeba, la sẽn tar bi-nood sẽn tõe n dɩ. La zẽedã zĩig tẽn-sʋka, Wẽnnaam ninga tɩɩg sẽn kõt vɩɩm, ne wẽng la sõmb bãngr tɩɩga. 10Ko-zoetem n dag n yit Edɛn tẽngã pʋg n zãgsd zẽedã zĩiga. La zẽedã zĩigẽ wã, ko-zoetmã welga ko-soay a naase. 11Pipi Ko-sorã yʋʋr boondame tɩ ‹Pison.› Ko-so-kãng gilga Havɩla tẽngã. Havɩla yaa tẽng sẽn tar sãnem. 12Havɩla tẽng sãnemã yaa sãnem halaale. Soolem-kãng pʋgẽ me, tɩɩs buud sũm sẽn tar yũ-noogo, la kugr buud b sẽn boond tɩ Onigs n be beenẽ. 13Ko-sor a yiibẽ soabã yʋʋr boondame tɩ ‹Gihon.› Ko-so-kãng zoetame n gilgd Kuus#2.13 Kuus tẽngã: Neb kẽer yetame tɩ Kuus tẽngã yaa tẽng sẽn be Mezapotami soolem, tɩ kẽer yetẽ tɩ yaa tẽng sẽn be Ezɩpt tẽngã nug-goabga. tẽngã.
14Ko-sor a tãabẽ soabã yʋʋr boondame tɩ ‹tɩɩgre.› Ko-so-kãng zoetame n teesd Asiiri tẽngã yaanga. La yaoolem ko-sorã sẽn yaa naasẽ soabã yʋʋr boondame tɩ Efrate. #2.14 Tɩɩgre: Zĩ-kãngã, kʋɩlgã (ko-sorã) yʋʋrã leb n tõe n boolame tɩ ‹Hidekɛlle.› Wẽnnaam sɛb kẽer ninga yʋ-kãnga.
15Wẽnnaam Sẽn-Ka-Saab talla ninsaal n tɩ ning Edɛn zẽedã zĩig pʋga, t'a ko-a la a ges a yelle. 16La Wẽnnaam Sẽn-Ka-Saab kõo ninsaal noor n yeele: «Fo tõe n dɩɩ tɩɩs nins fãa sẽn be zẽedã zĩig pʋgẽ wã biisi.» 17Bãmb leb n yeela ninsaala: «Yaa tɩɩg ning sẽn kɩtd tɩ ned bãng wẽnga, ne sõmb n bakã biis bal la fo ka tog n dɩ. Bala, daar ninga fo sẽn na n dɩ tɩ-kãngã bilã, fo na n kiime.»
18Wẽnnaam Sẽn-Ka-Saab yeelame: «A ka neer tɩ ninsaal zĩnd a yembr ye. Mam na n maana sõngd sẽn wẽnd yẽnda n kõ-a.» 19Wẽnnaam Sẽn-Ka-Saab rɩka tẽngã tom n maan we-rũmsã fãa, la bõn-yɩgdɩ wã fãa. Wẽnnaam talla bãmb n wa ninsaal nengẽ, n na n ges yẽnda sẽn na n pʋd b yʋyã to-to, tɩ bõn-vɩɩsã fãa yembr-yembr tõe n paam yʋʋr wa ninsaal sẽn na n kõ-a wã. 20Ninsaal pʋda yir dũmsã fãa yʋyã, la bõn-yɩgdɩ sẽn yɩgd yĩngrã yʋyã, la a pʋd we-rũmsã fãa yʋyã. La ninsaal ka tol n yãnd sõangd sẽn wẽnd yẽnda ye. 21Woto, Wẽnnaam Sẽn-Ka-Saab kɩtame tɩ gõe-kãseng yõk ninsaal t'a gũsi. Dẽ, Wẽnnaam yãka ninsaal sĩif kõbr a yembre, la b lebs nemdã n page.
22Wẽnnaam Sẽn-Ka-Saab rɩka sĩifã kõbr ning bãmb sẽn yãk ninsaalã sĩifẽ wã n naan pag n tall-a n wa ninsaal nengẽ. 23La ninsaal yeelame:
«Ade, moasã, yõwã yaa mam kõabã kõbre,
la mam yĩngã neongo.
B na n boonda yẽnda tɩ paga: #2.23 Paga: Gom-bilã tõnd sẽn boond tɩ pagã sã n yaa ne Ebre goamã, a rat n yeelame tɩ ‹rao-poaka.› Sẽn dat n togs tɩ pag yaa rao bogre.
Bala, b yãka yẽnda rao yĩngẽ.»
24 #
Mat 19.5, Mark 10.7-8, 1Kor 6.16, Efɛ 5.31 Yaa woto yĩng n kɩte, tɩ rao na n bas a ba ne a ma, n tɩ loe a meng ne a paga. La bãmb na n lebga yĩng a yembre. 25Raoã ne a pagã fãa rag n yaa b zaala, la b rag n ka mi yãnd ye.
Nu geselecteerd:
Sɩngre 2: MPBU
Markering
Deel
Kopiëren
Wil je jouw markerkingen op al je apparaten opslaan? Meld je aan of log in
Moore Bible © Bible Society of Burkina Faso, 2014.
