LUK 24
24
I Jisas u maraka taliku tina mateana
(Mat 28.1-10; Mak 16.1-8; Sione 20.1-10)
1Hikani lo Sade sirovobongi bise a ravavine vano hi ramo vano vaki lo tabu, rau kwali a rau na vikai hi rau boniboni hinea ramo vai terekakinira. #Sione 20.19; Bol 20.7; 1 Kor 16.2 2Ramo vano ramo tagai na vatu hi u marihi tina matakihala na tabu hi, aia a malanga. 3Vae ramo hena tilolo tabu, rahe tagai na tarabehi na Hugwe* i Jisas tea. 4Ramo tu takwa-hi rau rongo lengalengakinia huri na kinau hi, vae heheriki ramo tagai na tangaloi kairua a lugwagaru rau kwaka haburu raru mo tu maira. #Bol 1.10 5Rau mataku haburu ramo tangwaduku, vae a tangaloi kairua hi raru mo kwaha maira raru mo viti kwara, “?Huri aha tulu mo toko soro haro na tangaloi hi u ahi lo tanotano na mateana hike? #Luk 2.9 6Aia u tikei hike, aia u maraka taliku. Tulu domihagwe na leo hinea mo viti lakwakamu lolona mo hugu radu nga lo vanua Galili*. 7Mo viti kwara, ‘I nau a Natu* na Tangaloi vae rana tauau tilo kaba na tangaloi vaivai hati, vunu rana duruau tilo kaibetu, vunu vaki takuni, na maraka taliku lo rani kaitoluki.’ ” #Mat 16.21; 17.22-23; 20.18-19; Mak 8.31; 9.31; 10.33-34; Luk 9.22; 17.25; 18.32-33; Bol 17.3
8A ravavine vano hi ramo domihagwe na leona, #Sione 2.22 9ramo mule tina tabu hi, ramo vitiviti huri na kinau hi lakwa na ngwalagelo noi Jisas hangavulu dongwana katukwale, mana tangaloi savira hinea ramo toko huri i Jisas vake. 10A hina na ravavine vano hi aira hika, i Meri a vavine Maktala, i Soana, vake i Meri i retahi i Semis. Aira mana ravavine ratuaki vake ramo toko viti na kinau vano hi lakwa na kaihora* kokona. #Luk 8.2-3 11Vae ramo rongo na leo na ravavine vano hi, rau domi kwara a leo lo mahaoki, vae rahe hauhuri te luga. 12Vae i Pita mo avu hake mo kwalakwalao heheri vaki lo tabu, mo olo vaki lo matakihala mo tagai na lugwa hi ramo lugwati na tarabehi i Jisas kinia rau eno vuroki. Vunu mo mule taliku mo toko domidomi lo kinau aira vano hi mo tagaira, mo rongora.
A tangaloi ramo lakao vaki Emeas
(Mak 16.12-13)
13Lo raniki aia hi nga, a tangaloi kairua tiura raru mo vano vaki lo gwatuivanua Emeas, a kilometa kwara te hangavulu dongwana katukwale tina gwatuivanua lakua Serusalem. 14Lolona raru mo toko lakao lo hala, raru tuku kwahakwaha raru vitiviti huri na kinau vano hi raru mo tagaira raru mo rongora. 15Vae raru mo toko kwahakwaha, i Jisas aia sibona mo maravuti mo lakao mairarua. #Mat 18.20; Mak 16.12 16Raru tagaia vae a kinau u vai kororarua, raru he taga kikilakinia tea. 17Hikani i Jisas mo uduhuri kirarua mo viti kwara, “?Kuru mo lakao kuru tuku kwahakwaha, kuru tuku vitiviti huri na havakinau?”
Raru mo tu butu a nakogaru mo hati. 18Hikani kairuaki a hinana i Kleovas, mo daraki lakwae mo viti kwara, “?I nigo katukwale vohoki ku hugu Serusalem, hinea kohe kikilai savi na kinau tea hika ramo toko vai hike a raniki he rusa tea rau vano ba?”
19Aia mo uduhuri mo viti kwara, “?A havakinau?”
Hikani raru mo daraki lakwae raru mo viti kwara, “A kinau hi a tangaloi ramo vai lakwai Jisas, a ngwera Nasaret. Lo nako i God, vake lo nako na tangaloi doluaki, aia a tangaloi* duruduruki lakua hinea a leona mana nona bolokiana a huirana luga. #Mat 21.11 20Vae a noda tangaloi* lingilingi lalakua mana kaitomuaki na tangaloi ramo taua tilo kaba i Paelet* kwara ne viti vae ne mate. Vunu a nona tangaloi ramo durua tilo kaibetu. 21Keu domi kwara a tangaloi aia hi vae ne kasatukuhikita a gwaloana noi Isrel* tina noda tavaluivuro. Vae hivoulu lo leoki hi ramo durua tilo kaibetu a rani kaitolu koro ba. #Luk 1.68; 2.38 22Vunu a ravavine ratuaki hinea aira lo nomai bulubulu, rau vaikami keu idila haburu. Ramo vano sirovobongi bise vaki lo tabuna. 23Vae rahe hagwe na tarabehina tea. Ramo mulemai taliku ramo viti kwara rau tagai na vakatabobo na kaihora kairua tina taetae raru viti lakwara kwara u ahi taliku. #Mat 28.1-8; Mak 16.1-8; Luk 24.1-11 24Hikani a nomai bulubulu tuaki ramo vano vaki lo tabuna, rau hagwe vatavataha na kinau rau hoki na leo nona ravavine vano hi ramo vitira, vae i Jisas rahe tagaia tea.” #Sione 20.3-8
25Vunu i Jisas mo viti lakwararua kwara, “?Ei, kworoho kuru mo reraka kwehini? A domimiru rau keokeo haburu kwara kuru ne hauhuri lo leo savia hini a tangaloi duruduruki ramo vitira. #Luk 24.44 26U taritarisa kwara i Vurae* ne rongo hati lo kinau aira vano hi, huri i God aia u domikinia kwehini kwara vae ne mule vaki lo nona karekarea taliku ne lavi na hina lakua.” #a Mat 16.21; Mak 8.31; Luk 9.22; 17.25; Bol 17.3; b Sione 7.39; 12.16,23; 13.31-32; 17.1,5; Bol 3.13 27I Jisas mo viti matangwasaraki lakwararua savi na domiana na leo hini lo Uliuli* Kokona hinea ramo toko vitiviti huria sibona. U tinakaki lo uliuli noi Mosis lalahia mana uliuli nona tangaloi duruduruki savira hinea tuai. #Dut 18.15; Sam 22.1-18; Aes 53; Luk 24.44
28Ramo vanamai vaki garagarani mana vanua hi raru mo toko vai kwara raru ne vano eia, raru taga kwara i Jisas ne lakao henahena. 29Raru mo kwaha suria raru mo viti kwara, “U karea kwara kona hugu te hike maikamirua. Hika u raviravi, u garagarani kwara ne bongi.” Vae mo soro mo hugu mairarua. 30Mo hugu mairarua lo tevo na kanikani, mo lavi na bereti*, mo lagwaki God huria, vunu mo volo utuutuhia, mo bete lakwararua. #Luk 22.19 31Hikani a matagaru mo matakahi mo karea, raru mo taga kikilakinia, vunu va tikei tina matagaru. 32Raru mo toko kwahakwaha mulekirarua, raru mo viti kwara, “!Kwi! !Tagaia! Lolona mo toko kwaha maikitarua lo hala, vunu lolona mo toko matangwasaraki na leo vano hi lo Uliuli Kokona, a leona rau karea haburu. A leo hi u kao na domidaru hoki na kabu nga.”
33Hikani raru mo ngwalua tina vanua hi bulu maia nga, raru mo mule taliku vaki Serusalem, raru mo tagai na ngwalagelo noi Jisas vano hi hangavulu dongwana katukwale, aira tabulutaki mana rabuluiga ratuaki vake. 34Ramo viti lakwararua kwara, “A noda Hugwe* u maraka taliku kareaki. U vosangia sibona lakwai Saemon, i Saemon mo tagaia.” #1 Kor 15.4-5
35Vunu raru mo vehuriki na nogaru vake lakwara, raru viti vunuvunuhi na kinau hi lo halagaru, vake raru mo viti huri kwara lolona i Jisas mo volo utuutuhi na bereti, raru mo taga kikilakinia.
I Jisas mo vosangia sibona lakwa na nona ngwalagelo
(Mat 28.16-20; Mak 16.14-18; Sione 20.19-23; Bol 1.6-8)
36Lolona ramo toko vitiviti huri na kinau vano hi, heheriki i Jisas mo tu lo livukaga mo viti kwara, “A magemuana ne eno maikamu.” #1 Kor 15.5
37Rau maruti, rau mataku haburu. Rau domi kwara, “!Ii! I kami hika keu tagai na tamate.” #Mat 14.26 38Hikani mo kwaha maira mo viti kwara, “?Huri aha a domimiu ramo boloki hokinia hi? ?Huri aha tulu mo domi kairua lolo domimiu? 39Tulu tagai na kabagu, mana garugu, tulu taga hika i nau vohoki. Tulu kihi rongohiau, vae tulu ne kikilai kwara i nau a tangaloi. Savi na tamate na tangaloi a vihikoga mana huiga tikei vae i nau a tarabehigu eia, hokinia tulu mo tagaiau hika.”
40Mo viti na kinau hi lakwara, vunu mo vosangira kina kabana mana garuna, kwara rana tagaira. 41Vae rahe hauhuri lai te radu nga huri u havutira haburu, rau idila vohoki. Hikani i Jisas u uhira mo viti kwara, “?Te kamiu hinaka eia hike maikamu?” #Sione 21.5 42Ramo bete na mahigwa na ika rangarangae lakwae, #Sione 21.9-10 43mo lavia mo kania lo nakoga.
44Vunu i Jisas mo viti lakwara kwara, “A kinau aira vano hikani, lolona nomo hugu maikamu radu nga nomo matangwasarakinira lakwakamu. Nu viti kwara savi na kinau vano hinea mo uliana huriau lo Tangwata* noi Mosis, vunu lo uliuli nona tangaloi* duruduruki doluaki, vake lo uliuli na bolo a Sam, vae rana mule luna. Vae aia kwehi kareaki.” #Luk 18.31; 24.27
45Vunu i Jisas mo vai na domiga mo matakahi, ramori rongo utuhaki na leo na Uliuli* Kokona. 46Hikani mo viti lakwara kwara, “A leo hi mo eno u viti hikwe kwara i Vurae* vae ne rongo hati lo tarabehina rovonaki ne mate, vae ne maraka taliku tina mateana lo rani kaitoluki. #a Aes 53; b Hos 6.2 47Vunu vake lo hinana ranari viti na leo hi kwara savi na tangaloi rana halebohi tina noga hatiana doluaki, vunu i God ne domidomi koro noga vaivai hati. A leo hi ne heretuvakiana lakwa na tangaloi savia lo varamana, vae ne tinakakiana hike tomua lolo gwatuivanua lakua Serusalem. #1 Tim 3.16 48I kamu a tangaloi na hago leo huri na kinau vano hi tulu mo tagaira. #Sione 15.27; Bol 1.8 49Vae i nau nari horae hinea i Tamagu mo tulikinia kwara vae ne vanamai tilumiu. Vae tulu hugu tarae lo gwatuivanua lakua hika, vae tarisaki a huirana na taetae ne vanamai tilumiu.” #Sione 14.16; 15.26; 16.7; Bol 1.4
I Jisas mo mule tagaulu vaki lolo taetae
(Mak 16.19-20; Bol 1.9-11)
50Vunu i Jisas mo lavira ramo vano tina gwatuivanua lakua hi Serusalem vaki lo gwatuivanua Betani, hikani mo hokaki na kabana, mo toreki na tangaroa karea lakwara. 51Lolona mo toko kwaha radu nga mo tirakinira mo mule hake vaki lolo taetae. #Bol 1.9 52Aira ramo sovi hivo vovohia kina domi mavakiana, vunu ramo mule taliku vaki Serusalem, lolo domiga u havutira haburu. #a Bol 1.12; b Sione 14.28; 16.22 53Rau hugu tigwaravu lolo Vanua* Kokona noi God, ramo toko kaluhaki God.
Nu geselecteerd:
LUK 24: HWT
Markering
Deel
Kopiëren
Wil je jouw markerkingen op al je apparaten opslaan? Meld je aan of log in
Havakinau New Testament © Bible Society of the South Pacific, 2016.
