LUK 22
22
A tovotovo huri na mateana kai Jisas
(Mat 26.1-5; Mak 14.1-2; Sione 11.45-53)
1A taroki mo garagarani huri na kanikani lakua rau kwarekinia a Kanikani* na Bereti* hi a Is Tikei Lolona, vunu vake rau kwarekinia a Kanikani* na Tivekiana. #Eks 12.1-27 2Hikani a tangaloi* lingilingi lalakua mana tangaloi* kikikila na Uliuli* Kokona ramo soro haro na hala tavuniki kwara vae rana kwohi matei Jisas, huri rau mataku haburu kina tangaloi. #Mat 21.46; Mak 12.12; 14.1-2; Luk 19.47-48; 20.19; Sione 5.18; 7.30
I Sutas mo masinge kwara ne tiraki i Jisas tilo kaba na nona tavaluivuro
(Mat 26.14-16; Mak 14.10-11)
3Vunu i Setano* mo soro vaki lolo domi i Sutas u kwareki i Iskariot, aia katukwale tina ngwalagelo hangavulu dongwana kairua. #a Sione 13.2,27; b Bol 1.17 4Hikani i Sutas mo vano mo kwaha mana tangaloi* lingilingi lalakua vano hini mana kaitomuaki na kaitagahuri na Vanua* Kokona noi God, ramo vitiviti huri kwara vae ne tiraki kworohoki i Jisas tilo kabaga rana lavia. 5Hikani rau rongo rau lagwa haburu, rau masinge kwara rana volia ki mane*. 6I Sutas u masinge luna vake, mo soro haro na halaki kwara vae ne hagwe i Jisas aia kahea, a vao rahe hugu te maia, ne lavia ne tirakinia tilo kabaga.
A ngwalagelo noi Jisas kairua raru vai rarai huri na Kanikani na Tivekiana
(Mat 26.17-25; Mak 14.12-21; Sione 13.21-30)
7Hikani a rani tomuaki na Kanikani* na Bereti* hi a Is Tikei Lolona mo maravuti, lo rani aia hi kwara vae a tangaloi rana sio utu dodono na sivsivi* kwaririgi huri na Kanikani* na Tivekiana. #Eks 12.6,14,15 8I Jisas mo kwaha mai Pita mai Sione mo viti kwara, “Kuru vano kuru vai rarai na Kanikani na Tivekiana vae tana kani.” #Eks 12.8-11
9Raru mo uhia kwara, “?Ku lengaia kwara kenaru vano vaki ave keru ne vai rarai na Kanikani hi eia?”
10I Jisas mo viti kwara, “Kuru rongo na viti. Lolona kuru mo vano vaki lo gwatuivanua lakua kuru ne hagwe na ngwera katukwale u huni kwai. Vae mo soro tilolo ingwa, kuru mo huria takwa-hi mo soro eia, 11kuru mo uduhuri kina tangaloi na ingwa hini kwara, ‘A Tisa u hora na leo katukwale u viti kwara, “?A nogu tanotano ave kwara i nau mana nogu ngwalagelo kena kani a Kanikani na Tivekiana eia?” ’ 12Vae aia neri vosangikamurua kina tanotano lakua kairuaki aulu, a kinau savira rau raraiana lolona ba. Takwahini kuru neri vai rarai savi na kinau hurikita.”
13Hikani raru mo vano raru taga savi na kinau hokinia hi i Jisas mo viti lakwararua. Raru mo vai rarai savi na kinau huri na Kanikani na Tivekiana. #Luk 19.32
A kanikani kokona nona Hugwe
(Mat 26.26-30; Mak 14.22-26; 1 Kor 11.23-25)
14Lolona a taroki mo taritarisa i Jisas mo vano mo hugu hivo mana nona kaihora* kokona mana tevo na kanikani kwara rana kanikani. 15Hikani mo viti lakwara kwara, “Nu lengaia haburu kwara tana kanikani tabulutaki lo Kanikani* na Tivekiana hika, vunu nari rongo hati. 16Vae na viti lakwakamu, nanahe kani te lo kanikani hika taliku vae tarisaki hi a domiana na kanikani hika ne kworo, lo taroki hi i God ne hugwe koro na bulana tangaloi lo Vanuana Karagwa.” #Luk 13.29
17Vunu i Jisas mo lavi na laha waen, mo lagwaki God huria mo rovo, vunu mo viti “Tulu lavi na laha hikani, i kamu vunu tulu inumi na waen luna, 18huri na viti lakwakamu, u tinakaki lo taro hika vae nahe inumi na waen te hika taliku maikamu vae tarisaki hi i God ne hugwe koro na bulana tangaloi lo Vanuana Karagwa.”
19Vunu mote lavi na bereti* mo lagwaki God huria, mo volo utuutuhia mo betea lakwara mo viti kwara, “Hikani a tarabehigu #22.19-20: Lo Buku Kokona tuaki hinea a tangaloi rau ulira tuai, a leo lo ves 19, u tinakaki hike vake lo gweregwere ves 20, rau tikei luga. nana betea hurikamu. #22.19: Lo hala kairuaki a domidomi na leo hi lo duviki tomuaki na ves hi aia hokinia hika kwara Hikani a tarabehigu nu betea hurikamu. Tulu ne vai hokinia hikani, tulu ne domidomi-bibiau luna.” #Luk 24.30; Bol 27.35 20Lolona ramo kanikani mo rovo, mo bete na laha waen lakwara lo halaki hokinia nga mo viti “A laha waen hikani aia a leo harikiana karagwa noi God maikamu. A daigu ne huki hurikamu kwara ne vai na leo harikiana hi ne tu. #Eks 24.8; Jer 31.31; 32.40; Sek 9.11
21“Vae tulu taga. A tangaloi hi mo tovo na kagu, aia hike maiau lo tevo na kanikani hika. #Sam 41.9; Sione 13.21 22I nau a Natu* na Tangaloi vae na mate hokinia hini i God mo domiki, vae a tangaloi hinea ne tirakiau tilo kaba na nogu tavaluivuro, nu hakavia haburu.”
23Hikani ramo tinakaki ramo uhiuhira muleki, ramo viti kwara, “?Ihe hi tikita hi ne vai lavi na kinau hokinia hi?” #Sione 13.22
A viroroa huri na tangaloi hinea u lakua karakara
(Mat 19.28)
24Vunu a ngwalagelo ramo viroro mulekinira kwara ihe hi u lakua karakara tiura. #Mat 18.1; Mak 9.34; Luk 9.46 25Hikani i Jisas mo kwaha maira mo viti kwara, “A hugwe lalakua hinea rau hugwe koro na tangaloi na varamana rau hago huirana koro na noga tangaloi, vake a tangaloi tomutomuaki rau lengaia kwara a tangaloi rana viti hurira kwara aira a noga kaihago karea. 26I kamu tulu hatu vai hokinira. Vae a tangaloi hinea u lakua karakara tikamu, ne hoki na tangaloi ngwalagelo halaradu tikamu, vake a nomiu kaituruki ne hoki na tangaloi boloki. #Mat 23.11; Mak 9.35 27?Ihe u lakua karakara? ?Aia hi mo hugu lo tevo na kanikani, diko aia hi mo toko kwali kana hinaka? U matangwasara kwara aia hi mo hugu kwara ne kanikani aia u lakua karakara. Vae i nau hikani nu hugu maikamu, i nau hoki na kaikwali na kamiu hinaka. #Mat 20.25-27; Mak 10.42-44 #Sione 13.4-16
28“I kamu tulu tuku tu maiau lo nogu rongoana hati hinea ramo toko vai rongohiau. 29I Tamagu u rivukiau kwara nana hugwe koro na tangaloi doluaki lo Vanuana Karagwa, vae hokinia i nau nana rivukikamu, #Luk 12.32 30kwara vae tulu ne kanikani lai maiau vake tulu ne inuinu lai maiau lo tevo na kanikani lo taro hinea na mulemai kina Hugwe Lakua. Vunu tulu ne hugu lai lo hagehagele na hugwe lalakua, kwara vae tulu ne hugwe koro na tangaloi lo gwatuidamu hangavulu dongwana kairua nona gwaloana noi Isrel*.” #Mat 19.28
I Jisas mo viti terekaki kwara vae i Pita ne herevunikinia
(Mat 26.31-35; Mak 14.27-31; Sione 13.36-38)
31Vunu i Jisas mo viti kwara, “!Saemon, Saemon! Ko rongo na viti. I Setano* u uduhuri ki God ba kwara vae ne vai rongohikamu. Vae i God u tiraki lakwae kwara ne vile vohoki na tangaloi hati tikamu leletiu tiura hinea rau karea, hoki na tangaloi ramo toko vile vohoki na hogo na uit* tina biuki mo vohoki leletiukinira. #a 2 Kor 2.11; b Amos 9.9 32Vae nu tiutangaroa huriko, Saemon, kwara vae a nomu hauhuriana ne hatu sovi. Kona halebohi vaki maiau taliku, vunu kona rakati na domi i ratuamu rana huira taliku.”
33I Pita mo daraki mo viti kwara, “Hugwe*, i nau hika nu rarai kwara na huriko vaki lolo ingwa na gwarugwaru, vake na mate haragoki maiko.” #Luk 22.54
34I Jisas mo daraki mo viti kwara, “Pita, na viti lakwako, bongi hika a toa nehe tarere te radu nga, kona herevunikiau kona viti kwara kohe kikilaiau tea halana vakaitolu.” #Luk 22.61
A leo huri na baos, a tanga, mana bue
35Hikani i Jisas mo kwaha maira mo viti kwara, “?Lolona hinea nomo horakamu tivarea huri heretuva, lo taroki hini tulu he lai te baos na mane*, a tanga, diko te kaikwokwori na garumiu, vae tulu gwanugwanu te lo ha?”
Ramo daraki lakwae ramo viti kwara, “Kehe gwanugwanu te lo kinau.” #Mat 10.9-10; Mak 6.8-9; Luk 9.3; 10.4
36Vunu i Jisas mo viti “Hikani diko te tangaloi a nona baos na mane eia mana tanga, ne kwali. Diko a tangaloi a nona bue tikei, ne hokaki na lugwana kwara ne voli nona bue kinia. #Luk 22.49 37A Uliuli* Kokona u viti kwara, ‘Rau valu haragokinia mana tangaloi na magaraki tangwata.’ Nu viti lakwakamu a leo hika vae ne kworo lugu, huri savi na kinau hi a Uliuli Kokona mo vitira huriau vae rana mule luna.” #Aes 53.12; Luk 12.50
38A ngwalagelo noi Jisas vano hi ramo viti kwara, “!Tagaia, Hugwe*! A bue kairua eia maikami.”
Aia mo daraki mo viti kwara, “Tulu hatu lenga na kwahakwaha. U rusa ba.”
I Jisas mo tiutangaroa lo Vuti na Vikai a Violev
(Mat 26.36-46; Mak 14.32-42)
39I Jisas mo tiraki na gwatuivanua hini mo vano vaki lo Vuti na Vikai* a Violev, hokinia hi mo toko vai tigwaravu. A nona ngwalagelo rau huria vake. #a Sione 18.1; b Luk 21.37 40Lolona mo vanamai vaki lo tanotano hi mo kwaha maira mo viti kwara, “Tulu tiutangaroa kwara tulu nehe sovi te tilo sinasina hati.” #Luk 22.46
41Hikani mo vano gegeaki tiura kelekele he vakahao tea, kwara a tangaloi ne voho ne maravuti eia. Mo titiugwao hivo mo tiutangaroa. 42Mo viti kwara, “Mama, diko ku masinge ko lavi na laha na rongoana hati hika tiau, kwara vae na hatu inu luna. Aia ko hatu vai lo domigu vae ko vai lo domimu, hokinia hi ku lengaia vae ne mule luna.” #Mat 6.10 43A kaihora tina taetae mo maravuti maia mo ravani na huina. 44U rongo hati haburu u rongo u volohi na huina vae mo tiutangaroa vakevake kina domi mava. Hikani a raratona ramo turuturu ramo sovi vaki lo tano hoki na dai. #22.43-44: Lo Buku Kokona tuaki hinea a tangaloi rau ulira tuai a leo aira vano hi lo ves 43-44 rau tikei luga.
45Hikani mo tiutangaroa vae mo rovo, mo maraka mo mule taliku vaki mana nona ngwalagelo, mo hagwera rau maturu aira vunu, huri rau rongo hati haburu. 46Mo viti lakwara kwara, “?Kworoho tulu mo toko maturu hokinia hi? Tulu rada tulu tiutangaroa kwara tulu nehe sovi te tilo sinasina hati.” #Luk 22.40
Ramo lavi Jisas
(Mat 26.47-56; Mak 14.43-50; Sione 18.3-11)
47Vae lolona i Jisas mo toko kwaha radu nga mana nona ngwalagelo, a vao ramo mamaravutiki. I Sutas aia hi katukwale tina nona ngwalagelo hangavulu dongwana kairua, aia u tomuakinira. Hikani mo lakao henahena vaki mai Jisas kwara ne bobonia. 48I Jisas mo viti kwara, “Sutas. ?I nau a Natu* na Tangaloi vae kona boboniau kwara kona sineau huri kwara kona tirakiau tilo kaba na nogu tavaluivuro?”
49Vae lolona a ngwalagelo noi Jisas ramo tagai na kinau hi mo mule luna hokinia hi, ramo viti kwara, “?Hugwe*, kworohokinia? ?Kena taitaira kina nomai bue?” #Luk 22.36 50Hikani katukwale tiura mo maraka mo tai suati na matuai gwero na tangaloi boloki nona hugwe na tangaloi* lingilingi. #Sione 18.26
51Vunu i Jisas mo daraki mo viti kwara, “!U rusa ba!” Mo tau na kabana tilo gwero na tangaloi hi, mo karea taliku.
52Hikani i Jisas mo kwaha mana tangaloi* lingilingi lalakua mana kaitomuaki na kaitagahuri na Vanua* Kokona noi God, vake mana ngwarasea* aira hi ramo vanamai kwara rana lavia. Mo viti lakwara kwara, “?Kworoho tulu mo vanamai huriau tulu mo hago bue mana ngwasa, hokinia kwara i nau te tangaloi uauabalu tangaloi? #Luk 22.37 53I nau nu hugu maikamu vatavataha na rani lolo Vanua Kokona noi God, vae tulu he vai tea kwara tulu ne kwiribibiau. Vae hikani a taromiu mai Setano* hinea u hugwe korokamu kina huirana na dodoki.” #a Luk 19.47; 21.37; b Sione 7.30; 8.20; d Kol 1.13
I Pita mo herevuniki i Jisas
(Mat 26.57-58,69-75; Mak 14.53-54,66-72; Sione 18.12-18,25-27)
54Ramo kwiribibi Jisas ramo lavia vaki lolo ingwa na hugwe na tangaloi* lingilingi, i Pita mo toko huri tiutiukinia. #Luk 22.33 55Rau kahaki na kabu lo livuka na ara na ingwa hini, i Pita mo hugu maira hi ramo hugu dali na kabu. 56Vae a vavine boloki katukwale mo tagaia tilakwa na vavarama na kabu, mo taga madimadi luna vae mo taga bakotokinia, mo viti kwara, “!Ei! !A tangaloi hikani u tuku huria vake!”
57Hikani i Pita mo harovia mo viti kwara, “Tubui, a tangaloi hini i nau nahe kikilaia tea kwara aia ihe.”
58He tuai tea takuni tiua hi, a ngwera mote tagaia, mo viti kwara, “I nigo katukwale vake tina nona ngwalagelo.”
I Pita mo daraki mo viti kwara, “!Ii, kwara ihe hi! !I nau hetea, hete katukwale tiura!”
59Kwara te aoa katukwale koro, a tangaloi dolua vake mote tagaia mo viti kwara, “Kareaki a tangaloi hika u tuku huria huri aia a ngwera Galili*.”
60Vae i Pita mo daraki mo viti kwara, “!Ii, kwara ave hi! I nau nahe kikilai na kinau te hi komo toko vitira.” Heheriki vake lolona i Pita u tuku kwaha radu nga, a toa mo tarere. 61A Hugwe* i Jisas mo matabari vae mo taga vovohi Pita, i Pita mo domihagwe na leo na Hugwe hinea mo vitira kwara, “Vae bongi hika a toa nehe tarere te radu nga kona herevunikiau vakaitolu kwara kohe kikilaiau tea.” #Luk 22.34 62Vunu i Pita mo soro tivarea mo karuki na mena tinangi.
Rau vaivai tagai Jisas vake ramo toko vosa lalikinia
(Mat 26.67-68; Mak 14.65)
63A tangaloi aira vano hini ramo tagahuri i Jisas ramo toko vaivai tagaia ramo vosaia. 64Ramo kweti koro matana ramo tukwaia ramo viti kwara, “I nigo a tangaloi* duruduruki. !Ko viti lakwakami! ?Ihe hi mo tukwaiko?” 65Ramo viti na kinau rusa vake hinea rau hati vovohia.
I Jisas mo tu koro na nako na Tangaloi Tovotovo Lalakua
(Mat 26.59-66; Mak 14.55-64; Sione 18.19-24)
66Vunu lolona mo toko rani, a ngwarasea* nona gwaloana noi Isrel*, mana tangaloi* lingilingi lalakua, vake a tangaloi* kikikila na Uliuli* Kokona ramo bulu tabulutaki, ramo lavi Jisas mo tu koro na nako na noga Tangaloi* Tovotovo Lalakua. 67Ramo viti lakwae kwara, “?Ko viti lakwakami, i nigo i Vurae*?”
Aia mo daraki mo viti kwara, “Diko na viti lakwakamu, vae tulu nehe hauhuri te lugu, #a Sione 10.24; b Sione 3.12; 8.45 68vake diko na uduhuri a leo uhiuhi kikamu, vae tulu nehe daraki te lakweau vake. 69Vae hika u tinakaki hikani vae i nau a Natu* na Tangaloi, na vano na hugu lo matuai God, a God na Huirana.” #Sam 110.1; Bol 7.56
70Hikani aira vunu ramo uhia ramo viti “?I nigo hika i Natu i God?”
Aia mo daraki lakwara mo viti “Aia hokinia hi tulu mo viti.”
71Vunu ramo viti kwara, “I kita tahe lengai na hagoleo te vake. Hikani i kita tau rongo bakotoki tiua tina kwakwana.”
Nu geselecteerd:
LUK 22: HWT
Markering
Deel
Kopiëren
Wil je jouw markerkingen op al je apparaten opslaan? Meld je aan of log in
Havakinau New Testament © Bible Society of the South Pacific, 2016.
