Piligu 9
9
Yawɛ lo Nuhu alikauli
1 #
Pil 1.28
Ka Naawuni daa niŋ alibarika niŋ Nuhu min’ o bidibisi la ni ka yɛli ba, “Dɔɣimiya n-nab’ pali dunia ŋɔ. 2Biŋkɔbiri balibu kam bɛn be dunia ŋɔ ni mini noonsi ni binnɛma bɛn gbamdi tiŋa ni zahim bɛn be teeku ni zaa ni zɔri ya. N zaŋ bɛ zaa niŋ yi nuu ni. 3Dimiya binnɛɔŋ kam. N ni zaŋ ʒiɛvari tin ya shɛm lala ka n zaŋ binshɛɣukam zaa tin ya. 4#Lɛv 7.26-27; 17.10-14; 19.26; Zal 12.16, 23; 15.23 Lee miriya ka yi ŋubi nimdi din ʒim bi yi di ni viɛnyɛliŋga. 5N ku chɛ yimaŋmaŋ’ nyɛviya yihibu biɛri bɔhibu. Ka biŋkɔbigu yi ku ninsala, bɛn’ kum o yo. Ka so yi ku o mabia, bɛn’ kum’ o yo. 6#Pil 1.26; Yibu 20.13 Naawuni daa nam ninsala ŋ-ŋmahindila omaŋa, dinzuɣu ŋunkam ku ninsala, bɛn’ kum’ o yo.
7 #
Pil 1.28
“Yi mi dɔɣimiya bihi pam, ka bɛ nabi pali dunia ŋɔ.”
8Di nyaaŋa ka Naawuni daa yɛli Nuhu min’ o bidibisi maa, 9“Nyamiya, n yɛn lola yi mini yi zuliya 10ni binnɛma zaa bɛn be yi sani, bɛn nyɛ noonsi mini niɣi ni mɔɣu ni biŋkɔbiri balibu kam bɛn be yi sani, ka doli ya yi ŋariŋ maa ni na alikauli. 11N lɔn ya alikauli ni n ku lan chɛ ka kom di binnɛma zaa, ka m mi ku lan chɛ ka kom di dunia ŋɔ yaha.” 12Yawɛ daa lan yɛli Nuhu, “N ni lo yi mini binnɛma zaa bɛn be yi sani ni ʒiɛman’ shɛŋa din kanna nim’ alikauli shɛli maa shihirili m-bɔŋɔ: 13N zaŋla sagani ŋɔ niŋ sagbana ni ni di nyɛ n ni lo dunia ŋɔ alikauli shɛli maa shihirili. 14N yi ti chɛ ka sagbana zibigi ka sagani booi sagbana maa ni, 15n ni teei n ni lo yi mini binnɛma zaa alikauli shɛli maa yɛla; ka kom mi ku lan niŋ kokpɛɣu n-di binshɛɣukam zaa. 16Saha shɛlikam n yi ti nya sagani sagbana ni, n ni teei alikauli shɛli din be man’ Yawɛ mini dunia ŋɔ binnɛma zaa sunsuuni, ka nyɛ din ku yiɣisi la yɛla.” 17Yawɛ daa lan yɛli Nuhu, “Alikauli shɛli din be m mini dunia ŋɔ binnɛma zaa sunsuuni la shihirili m-bala.”
Nuhu min’ o bidibisi
18Nuhu bidibisi bɛn daa yi ŋariŋ maa ni na n-daa nyɛ: Shɛm mini Ham ni Jafɛt. Ham daa nyɛla Keenan ba. 19Nuhu bidibis’ ata maa zuliya m-pali dunia ŋɔ zaa ŋɔ.
20Nuhu daa nyɛla pukpara, ŋuna n-daa nyɛ ŋun tuui biri wain tihi. O daa birila wain tihi. 21Ka o daa ti nyu tihi maa wain kuli n-do o zaɣim o suɣili ni. 22Ka Ham ŋun daa nyɛ Keenan ba la daa nya o ba ni do o zaɣim maa, ka yi samban’ ni nti yɛl’ o mabih’ ayi la. 23Ka Shɛm mini Jafɛt daa kpuɣi kparibu m-pa bɛ bɔɣusapima zuɣu n-tirisi bɛ nyaaŋa kpe nti zaŋ li pa bɛ ba zuɣu, ka bi nya bɛ ba zaɣim. 24Nuhu nini ni daa ti neei, ka bɛ yɛl’ o o bidibiga ŋun nyɛ biasani maa ni niŋ o shɛm. 25Ka o yɛli,
“N yɛli noli ti Keenan.
O ni nyɛla o biɛyanim’ dabili.”
26O daa lan yɛli,
“Yawɛ ŋun nyɛ n Naawuni ŋɔ
niŋm’ alibarika niŋ Shɛm ni;
ka chɛ ka Keenan nyɛ o dabili.
27Naawuni chɛ ka Jafɛt#9.27 JAFƐT: Hiburuli ni Jafɛt yuli maa mini bɛ ni booni “Pahibu” shɛm nyɛla yim. tɔŋ!
Naawuni chɛ ka o zuliya
mini Shɛm zuliya laɣim be;
ka chɛ ka Keenan nyɛ o dabili.”
28Kom ni daa di dunia maa nyaaŋa, Nuhu daa niŋla yuun’ kɔbisita ni pihinu pahi. 29Nuhu daa niŋla yuun’ kɔbisiwɛi ni pihinu, ka naanyi yi dunia yili.
Nu geselecteerd:
Piligu 9: DBwDB
Markering
Deel
Kopiëren
Wil je jouw markerkingen op al je apparaten opslaan? Meld je aan of log in
Dagbani Bible with Deuterocanonical Books © Bible Society of Ghana, 2011.
