Luka 21
21
Ebicapa byo mutumba
(Mk. 12:41-44)
1Mbe ne:namusya ame:so gae narora abani:bi banu bariga nibata isadaka yebwe mwibikiro. 2Narora omutumba oumwi mutaka natamo omwo bicapa bibiri. 3Na:ika ati, Ni cimari enibabwira ati, Omutumba unu omutaka atamo byafu kukira bo:ne. 4Okuba abo bo:ne bagwata ku bwafu bwe bi:nu byebwe nibatamo mu sadaka nawe oyo mu bukene bwae atamo byone binu ariga nabyo ebyo buanga bwae bwone.
Yesu nasimura ku ci:ma ca Mijeituni
(Mt. 24–25; Mk. 13)
Okukamburwa kwa iyekaru
(Mt. 24:1-3; Mk. 13:5-27)
5Mbe abandi wejire ba:ika ku bya iyekaru kutyo yacumirwe na mabui go bwana ne bigwatwa, na:ika ati, 6Ku binu omurora, mbe jisiku jiri:ja anu ritarisigarao ebui kwibui ryejabo rinu ritarifumibwa. 7Nibamu-bu:sya ati, Mwiigisya, ?jinu jiribao ri? ?Ne cibarikisyo ciriba kutiki ariba ejo jajo:kugwa?
Okusubo:ku:ja kwa Yesu
(Mt. 24:4-31; Mk. 13:5-27)
8Na:ika ati, Mwikenge mutariyabibwa, okuba ba:fu bari:ja mwisi:na ryani, niba:ika ati, Nanye oyo, na kandi ati, Omwanya gwafugee. Mbe mutabaru:baga abo. 9Emwe ariba mwongwa oburemo na injogere, mutarija kukangwa. Okuba ejo kwiire okwamba okubao, nawe obute:ro butari:ja aonao. 10Niwo nababwira ati, Riyanga ririja okurwana na riyanga ryejabo, no bukama burija okurwana no bukama bwejabo. 11Biribao ebiyararo binene andi na andi aamwi na injara na nyamugwa. Biribao ne bya makanyo ne bibarikisyo binene nibiso:ka mu rwire. 12Nawe ebyo byone bicari kubao, baribagwata, nibabanya: sya, nibabata mu mekofyanyisyo na mu mabubusi, nibabasira ku bakama na ku bakuru kurwa risi:na ryani. 13Nawe ejo jiriinduka okuba rusingiro kwimwe. 14Mbe mukome:re mu mitima jemwe, mwasiga kutangata kwiganirisya jinu muriindura. 15Okuba anye ndibayana omunwa no bwenge bunu abaremo bemwe bataritura kuyajana amwi kurema. 16Nawe murigwatwa na be:busi bemwe na ba:na ba:nyu na bo ruganda rwanyu, na basa:ni bemwe, na bandi kwimwe baribe:ta. 17Ba:nu bo:ne baribasoka emwe kurwa risi:na ryani. 18Nawe rufwiri rwa ku mitwe jemwe rutaribura na katyari. 19Muribona emyoyo jemwe kurwo kwigumirisya. 20Nawe ariba mwarora Yerusalemi gusingiywe ebise, mbe niwo mumenye ati, okusimagira kwagwo kuri yei. 21Mbe niwo banu bari mu Buyaudi be:rukire mu bi:ma, na banu bari aagati yagwo baguurukemo, na banu bari mu ndimiro basige kugwingiramo. 22Okuba ejo nijo jisiku jo kusubya orusima, korereki jinu jandikirwe jiku:muire jo:ne. 23Jiribabona banu baribaga na jinda na banu abanenia mu siku ijo! Okuba iriba nya:ko nene ku ca:ro, na risungu ririba ku ba:nu banu. 24Bari:twa no bu:gi bwe cinyambutu, nibasirwa ngwatwa mu maanga go:ne. Na Yerusalemi guritajirirwa aba:maanga kukinga amagoro ga ba:maanga anu gariku:mirira.
25Biribao ne bibarikisyo kwisu:ba na ku kwesi na ku njota, na ku ca:ro amaanga gariba na inya:ko, nigataŋaŋara ecirumo ca inyanja no kusa:ruma kwayo. 26Aba:nu barifwa cigutuko kurwo bu:ba na kurwo kurore:rera jinu ejenda oku:ja ku ca:ro. Okuba amanaga ga mu rwire garisingisibwa. 27Mbe niwo nibarora Omwana wo mu:nu ne:jira mu ri:re, ari na managa na rikusyo ryafu. 28Nawe emisango ejo jikamba okubao, mbe murore inguru, nimwinamusye emitwe jemwe, okuba okucungurwa kwemwe kwafugee.
Ecijekekanyo co mutini
(Mt. 24:32-33; Mk. 13:28-31)
29Nababwira ecijekekanyo ati, Murore omutini, na mati go:ne. 30Mbe wora gwasebuka, nimurora nimumenya emwe abe:ne:ra ati, woryanu omwaka guri yei. 31Mbe emwe one nikwo kutyo, mukarora ejo nijibao, mumenye ati, obukama bwa Nyamuanga buri yei. 32Ni cimari enibabwira ati, Riimbo rinu ritariwao na katyari kukinga ejo jo:ne anu jiriku:mirira. 33Orwire na i:si biriwao, nawe emisango jani jitariwao na katyari.
Ejo kutengeja
(Mt. 24:36-51; Mk. 13:32-37)
34Nawe mukabuke abe:ne, emitima jemwe jisige kusitoerwa no muru:ru, no kukorwa, no kuwera Omwoyo ebyo buanga bunu, korereki orusiku ruriya rwasiga kubatakya rwo muyeto. 35Okuba nikwo kutyo ruri:jira bo:ne banu be:kae ku ca:ro co:ne. 36Mutengeje kusiku, musabwega korereki muture okwiruka ejo jo:ne jinu jiribao, no kwimereguru imbere yo Mwana wo mu:nu.
37Mbe buri rusiku ariga ne:igisya mu yekaru mu mwisi. Na mu ngeta aurukaga, nama:ma ku ci:ma cinu catogwaga Ce mijeituni. 38Aba:nu bo:ne bamwejaga katondo okumu:jako mu yekaru okumutegeresya.
Nu geselecteerd:
Luka 21: KIJ1960
Markering
Deel
Kopiëren
Wil je jouw markerkingen op al je apparaten opslaan? Meld je aan of log in
Kijita New Testament © The British and Foreign Bible Society and The Bible Society of Tanzania, 1960.
