Yoana 12
12
Yesu ne:tirirvia amafuta amarange
(Mt. 26:6-13; Mk. 14:3-9)
1Mbe anu jariga jicasigaeo siku ita:nu na rumwi okukinga ku Pasaka, Yesu naja Betania, enu ariga:ri Lajaro, unu Yesu asu:ruye mu bafu:ye. 2Mbe nibamute:kerayo ebiryo bya mu ngeta, na Marita nakereketa, nawe Lajaro nbaba umwi bu banu bariga benyanjire nage ku nenda. 3Mbe Maryamu nagega ratiri imwi ya mafuta amarange ago bugusi burambu muno, nagabambaga ku bigere bya Yesu, nasinga ebigere byae na jifwiri jae. Inyumba ni:swira orurango rwa mafuta. 4Nawe Yuda Iskariote, niwe oumwi ku be:igisibwa bae, unu ariga nenda okumuromera iniku, na:ika ati, 5?Kubaki amafuta ganu barema oku-gaka:namo gaso:kamo siringi magana gasatu jo kugabira abataka? 6Mbe a:ikire kutyo, tari kwicuka abataka, nawe okuba ariga:ri mwifi, ka niwe ariga ambae isagwa, nagegaga binu batagamo. 7Mbe Yesu na:ika ati, Mumusige, agabikire orusiku rwo kusi:kwa kwani. 8Okuba abataka muri nabo siku jo:ne, nawe anye mutakuba nanye siku jo:ne.
9Mbe ecise cinene ca Bayaudi nibamenya ati ariwo, niba:ja, tari kurwa Yesu era, nawe ka barore Lajaro one unu asu:ruye mu bafu:ye. 10Nawe abagabisi abakuru nibarwaja okumwita Lajaro one. 11Okuba ba:fu ku Bayaudi nibagenda nibe:kirisya Yesu kubwae.
Yesu nengira Yerusalemi arinyire ku sikiri
(Mt. 21:4-9; Mk. 11:7-10; Lk. 19:35-38)
12Mwejo ecise cinene, banu bariga be:jire ku marya, wejire bongwa ati, Yesu ka:ja Yerusalemi, 13Nibagega amatabi ga makinda, nibagenda okumuramira niba:ikirira inguru ati,
Osana, Ana ribando unu ka:ja mwisi:na rya Ratabugenyi,
Niwe Omukama wa Israeli.
14Nawe Yesu ejire abona akasikiri, nakarinyako, rwa kutyo candikirwe ati,
15Siga ku:baya, awe muyara wa Sayuni.
Rora Omukama wao ka:ja arinyire ku mwana wa isikiri.
16Ebyo abe:igisibwa bae batasombo:keywe okwamba, nawe e:jire amara okukusibwa niwo nibe:cuka ati, ebyo byariga bimwandikiywe, na ka ati, bamukorere kutyo. 17Mbe ecise cinu cariga cinage, rurya abirikira Lajaro kuso:ka mu:fwa, namusu:rura mu bafu:ye, nibamwimako. 18Ecise kwocakorere nicigenda okumuramira, okuba bongu:ywe ati akorere ecibarikisyo eco. 19Mbe Abafarisayo niba:ikana ati, Omurora kutyo muri ngwago era. Rora ca:ro co:ne camuwereeko.
Abagiriki nibenda okurora Yesu
20Nawe bariga bario Abagiriki abandi mu banu bariga be:jire ku marya okuramya. 21Mbe abo niba:ja ku Filipo, unu aso:kere Betesaida ya Galilaya, nibamusabwa niba:ika ati, Mukaruka, ecenda okurora Yesu. 22Filipo naja nabwira Anderea. Anderea na Filipo nibabwira Yesu. 23Yesu naindura na:ika ati, Omwanya gwakinga, Omwana wo mu:nu akusibwe. 24Ni cimari cimari enibabwira ati, Injuma ya ingano ikagwa mu maaru nirema okufwa, eiba iri:yo era, nawe ikafwa, eitwasya matwasyo ma:fu. 25Unu kenda obuanga bwae kabubusya, nawe unu katamanganwa obuanga bwae mu ca:ro cinu, niwe aribwama kukinga ku buanga bwa kajanende. 26Omu:nu wo:ne akankorera, andu:be. Anu anye niri, eyo omukosi wani one niyo arabaga. Omu:nu wo:ne akankorera, Rata arimuyana ecibaro.
27Woryanu omwoyo gwani gwarumarumirwe. ?Ka naike ki? Rata nunkisye okunso:sya mu mwanya gunu. Nawe nikwo nakora ninkinga mu mwanya gunu. 28Rata, kusya risi:na ryao. Mbe, riraka niriso:ka mu rwire ati, Narikusisye, ka ndirikusya rindi. 29Mbe ecise cinu cariga ci:mereguyu ao, wejire baryungwa, niba:ika ati, Kugwejuma. Abandi niba:ika ati, Maraika niwe agwekwaika nage. 30Yesu naindura na:ika ati, Riraka rite:jiye anye, nawe nemwe ri:jiye. 31Woryanu i:si inu eitemerwa eci:na. Woryanu Omukuru wa i:si inu kajo:kuirisisibwa emwira. 32Anye ariba nasungwa ku ca:ro, ndikururira kwanye bo:ne. 33Nawe a:ikire kutyo, ne:resya okufwa kunu ariga najo:kufwa kutyo kuri. 34Mbe aba:nu nibamuindura ati, Eswe congu:ywe mu biragiro ati, Kristo kaba ario era kajanende na kajanende. ?Ka:we niki cinu ecikwaikya ati, Omwana wo mu:nu kumwiire okusungwa? ?Niwega unu Omwana wo mu:nu? 35Mbe Yesu nababwira ati, Jicasigaeo siku no:to obweru bucari kwimwe. Muribate mucari no bweru, ecisu:te casiga kubagwatira mu njira. Unu karibatira mu cisu:te atakumenya enu kagenda. 36Wora mucari no bweru, mwikirisye obweru, mube ba:na bo bweru. Mbe Yesu ejire amara okwaika ebyo, nagenda nabe:ibisa. 37Nawe nakabee kutyo ariga akorere ebibarikisyo byafu imbere yebwe, nawe batamwikirisisye. 38Korereki omusango gwo muragi Isaya ciku:misibwe cinu a:ikire ati,
Ratabugenyi, ?niga unu e:kirisisye misango jeswe?
?No kuboko kwa Ratabugenyi kwasweruriywe ga?
39Nikwo bakorere nibatamibwa okwikirisya, okuba Isaya a:ikire rindi ati,
Abaofufi:fye ame:so, nabakome:sya emitima jebwe,
Nibarema okurora na me:so gebwe,
No kusombo:kerwa ne mitima jebwe, bacu:ke korereki nibaonye.
41Ebyo nibyo a:ikire Isaya okuba arorere rikusyo ryae, namwaika. 42Nawe mu bakuru, ba:fu bamwikirisisye nawe batamutogoye kurwa Bafarisayo, bataja kukisibwa mu rikofyanyisyo. 43Okuba bendaga ecibaro ca ba:nu kukka ecibaro ca Nyamuanga.
44Yesu na:ikirira inguru na:ika ati, Unu kanyikirisya, atakwikkisya anye tari wuriya antumke. 45Unu kandora anye, kamurora wuriya antumire. 46Anye ne:jire okuba obweru bwa i:si, mu:nu wo:ne unu kanyikkisya asige kwikara mu cisu:te. 47Nawe unu kongwa emisango jani, narema okujigwata, anye nitakumutemera ci:na, okuba nite:jke kutemera i:si eci:na, tari kukisya i:si. 48Unu karema anye, narema okwikkisya emisango jani, ari na unu kamutemera eci:na. Omusango gunu na:ikire, nigwo gurimutemera eci:na ku rusiku rwa ku bute:ro. 49Okuba anye nita:ikaga kubwani, nawe Rata unu antumire, niwe andagiriye binu ena:ika na binu enigamba. 50Anye nimenyere ati, eckagiro cae nibwo buanga bwa kajanende. Mbe binu ena:ika anye, ena:ika rwa kutyo Rata ambwkiye.
Nu geselecteerd:
Yoana 12: KIJ1960
Markering
Deel
Kopiëren
Wil je jouw markerkingen op al je apparaten opslaan? Meld je aan of log in
Kijita New Testament © The British and Foreign Bible Society and The Bible Society of Tanzania, 1960.
