cēnisis 4
4
1ātam māka ki kiskēyimēw wiwa ip; ki ayāwēw māka, mina ki nihtāwikihēw kēna, omisi māka ki itwēw, ni ki ayāwāw nāpēw kā tipēyihcikēt ohci. 2mina ki ati nihtāwikihēw ociwāmiyiwa ēpila. ēpil māka ki kanawimāyatikwēw, māka wiya kēn ki atoskātam asiski. 3ēkosi ki ispayiw, kēn ki pētāw ē isi nihtāwikicikēt ē pakitinamawāt kā tipēyihcikēt. 4#hiparowa 11:4mina ēpil, wista ki pēsiwēw ē nistamosēyit okanawēyimakana asici ē wiyinowiyit. kā tipēyihcikēt māka ki kihcēyimēw ēpila, asici o pakitinasowin; 5kēn māka, mina o pakitinasowin nama ki kihcēyitamawēw. ēkosi kēn ki misi kisiwāsiw, ē ki pakicikwēpayit. 6kā tipēyihcikēt māka ki itēw kēna, tānēhki kā kisiwasiyan? tānēhki mina kā pakicikwēpayiyan? 7kispin ki miyo totēn, nama ci ki ka otinikowisin? kispin māka ēkā miyo totaman, macāyiwin pimihtin iskwātēmihk. kiya isa ki ka pakosēyitamāk, mina kiya ki ka tipēyimāw. 8#mātyo 23:35; lok 11:51; 1 cān 3:12ēkosi kēn ki wihtamawēw ēpila ociwāma; ēkosi ki ispayiw, ispi kistikānihk ē ayācik, kēn ki pasikōstawēw ēpila ociwāma, ē ki nipahāt.
9kā tipēyihcikēt māka ki itēw kēn, tāniwa kiciwām ēpil? omisi māka ki itēw, namawiya ni kiskēyitēn; niya ci ni kanawēyimāw niciwām? 10#hiparowa 12:24ēkosi omisi ki itēw, kēkway kā ki tōtaman? omihk kiciwām askihk nohci mawimostākowān. 11ēkwa māka ki nānipomikawin askihk ohci, anima kā ki tāwatimakahk ē ki otinamomakahk omihk kiciwām kicicihk ohci: 12ispi māka āta atoskātamani, namawiya ki ka nihtāwikitamākon; ki ka papāmamon mina ki kā macikāniwin ota askihk. 13kēn māka ki itēw kā tipēyihcikēt, nit itasowātikowin osam kosikwan kita ki pimiwitayan. 14cist, anohc kā kisikāk ki wayāwitisahon waskitaskamik ohci; mina ki ka kāsostawin; ēkosi māka ni ka papāmāmon mina ni ka macikāniwin ota askihk; ēkosi mina kata ispayiw piko awiyak kē miskawikwē kita nipahit. 15kā tipēyihcikēt māka ki itēw, ēwaka ohci awēna kē nipahakwē kēna, tēpakop tahtwāw kē otihtikot oyasowātikowin. ēkosi kā tipēyihcikēt ki kiskinawācihēw kēn, kakayē awiya miskākoci kata wi nipahikot.
16ēkosi kēn ki nakatam ita ē ayāyit kā tipēyihcikēt, ki wikiw anita nāt, wāpahnotāhk itēhkē itin. 17ēkosi kēn ki kiskēyimēw wiwa; ki ayāwēw ē ki nihtāwikihāt māka inak; ki osihtāw māka otēnaw ē ki isiyihkātahk anima otēnaw ēsiyihkāsoyit anihi okosisa inak. 18inak māka ki nihtāwikitamawāw warāt; warāt ki nihtāwikihēw miyocēēl; mina miyocēēl ki nihtāwikihēw mitosēēla; mina mitosēēl ki nihtāwikihēw lēmik.
19lēmik māka ki nisoskwēwēw: āta ki isiyihkāsoyiwa anihi pēyak, sila ki isiyihkāsoyiwa kotaka. 20āta māka ki nihtāwikihēw cēpēl; wiya kā oyohtāwimikot anihi kā omikiwahpiyit, mina kā ot awākāniyit. 21copal māka wiya ki isiyihkāsoyiwa ociwāma: wiya māka ki oyohtāwimik kahkiyaw kā nitākitocikēyit. 22sila māka, wista ki nihtāwikihēw topēlkēna kā kiskinohamākēt tahto kā nocitāyit osāwāpisk mina piwāpisk; nēama māka ki otawēmāw ana topēlkēn. 23lēmēk māka ki itēw wiwa, āta mina sila, natohtawik, kiyawāw wiwa lēmik pisicitamok ni pikiskwēwin; ni ki nipahaw ayisiyiniw ē miswākanikāsit; oskinikiw ē wisakahot. 24kispin kēn tēpakop tahtwāw ohci onasowasiwēhki, kēhcinā isa lēmik tēpakop tahto mitanaw mina tēpakop ati ayiwāk.
25ātam mina ki kiskēyimēw wiwa; ēkosi ki nihtawikihēw okosisa sēht māka ki isiyihkātēw: cikēmā ki itwēw, kisēmanito kotaka ni ki oyakitamāk ēpila kē tapiskamawāt kēn kā ki nipahāt. 26mina sēht ki nihtāwikitamawāw okosisa, inos māka ki isiyihkātēw; ēkospi ayisiyiniwak kā sipwē mawimostamwācik kā tipēyihcikēt o wiyowin.
Nu geselecteerd:
cēnisis 4: KKMR
Markering
Deel
Kopiëren
Wil je jouw markerkingen op al je apparaten opslaan? Meld je aan of log in
This Bible text is a transliteration of a corrected edition of the 1908 Western Cree Bible; it is in the public domain.
