Osey 3
3
Ausiya te obape susa:gida gwama menagi eyana
1 LODotena: dima a:negelayana, a: gwama wete a:dowali susa:gidima awe iwalela gi kekeminamlelo. Eta:mite oba iya:ta: iwaleleli gwama oba dala bilibilinapa susa:gi, ameta oba awele iwalolamalelo. Oba awele iwalo, ne Islaelana luma awele iwaleda:lowamena gi a:na:pile. Ameta na: obaite eta:mi idadali dima eseda:te balelada:mininina gita: gwama obaite awanana baya obai dima dapililina gita: gobale na: obai awele iwaledolowa.
2Na: 15 kipale gosata: 300 kilogla:m balita: wisale oba gwaliyamana. 3Amale na: oba anayamana, a: na:da kadepa waelabegala elamalelo, a: pa:pa gwama dala bilibili gi a:na:munamalelo, o eta dalagida ili gi a:na:minamalelo, na: a:da elamalowa.
4Gi ase waelabega kadepala Islaelana lumate kanaba bini, kanabape mata bini, nagala lopala bini, nagala lopala apila awana ba:kele bini, guwali kaliko bini, o ididali bini a: edelamadili. 5A:ma gi a:yatala Islaelana lumate LOD obaimunu Godota: Da:ibid obaimunu kanabata: uwaledelamadili. Obaite emoda LOD dima pa:da:madili, a:pite a:yatana kadepala obaite obape sa:kelamina gi gobama pa:da:madili.
Nu geselecteerd:
Osey 3: GBOTP
Markering
Deel
Kopiëren
Wil je jouw markerkingen op al je apparaten opslaan? Meld je aan of log in
Gogodala Bible Translation Project © Bible Society of Papua New Guinea, 2016.
