នាវនតើម 5
5
នាវងក៝ចយៅនតើមឞើសអាដាម់ ត៝ត់មាក៝ននោអេ
1អ្យានាវមឞើសងក៝ចរាន៝យទែសអាដាម់ ។
នោកកោរាញឞ្រាសញជេងឞូនុយ្សនើស កោរាញឞ្រាសញជេងខាន់ពាង់កើតពាង់នើមងាន់។#នន ១:២៧-២៨ 2កោរាញឞ្រាសញជេងខាន់ពាង់គែសឞូក្លោឞូអូរ តានារនៃកោរាញឞ្រាសតេៈរាញាខាន់ពាង់«ឞូនុយ្ស» ជេសរីអ៝ន់នាវគែសជេងមាខាន់ពាង់ដ៝ង់។#មថ ១៩:៤; មក ១០:៦
3ត៝ត់អាដាម់ គែស ១៣០ នាម់ ពាង់ឞាៈទូហ្វេក៝នឞូក្លោតឹមឞានមាពាង់នើមកើតពាង់នើមងាន់ ជេសរីអាដាម់ តេៈរាញាពាង់«ឆេត »។ 4ជេសពាង់ឞាៈឆេត នៃ ឞើសកើយនៃពាង់ហោមរេសគែស ៨០០ នាម់ជឹត នហ៝ឞាៈអ៝សឞាៈក៝ន គែសក៝នឞូអូរក៝នឞូក្លោដ៝ង់។ 5ពាង់រេសទឹងលែៈគែស ៩៣០ នាម់ ជេសរីខឹត។
6ត៝ត់ឆេត គែស ១០៥ នាម់ ពាង់ឞាៈអេនោស #៥:៦៖ លែៈនាវតាងក៝ចយៅអ្យាលាសមោមឞើសនហេលលាសឞូអូរ លែៈឞូនុយ្សអីនៃជេងឞូក្លោទាទេ។។ 7ជេសពាង់ឞាៈអេនោស អីនៃ ពាង់រេសគែស ៨០៧ នាម់ជឹត នហ៝ឞាៈអ៝សឞាៈក៝ន គែសក៝នឞូអូរក៝នឞូក្លោដ៝ង់។ 8ពាង់រេសទឹងលែៈគែស ៩១២ នាម់ ជេសរីខឹត។
9ត៝ត់អេនោស គែស ៩០ នាម់ ពាង់ឞាៈខេនាន ។ 10ជេសពាង់ឞាៈខេនាន អីនៃ ពាង់រេសគែស ៨១៥ នាម់ជឹត នហ៝ឞាៈអ៝សឞាៈក៝ន គែសក៝នឞូអូរក៝នឞូក្លោដ៝ង់។ 11ពាង់រេសទឹងលែៈគែស ៩០៥ នាម់ ជេសរីខឹត។
12ត៝ត់ខេនាន គែស ៧០ នាម់ ពាង់ឞាៈមហាលេលអែល ។ 13ជេសពាង់ឞាៈមហាលេលអែល អីនៃ ពាង់រេសគែស ៨៤០ នាម់ជឹត នហ៝ឞាៈអ៝សឞាៈក៝ន គែសក៝នឞូអូរក៝នឞូក្លោដ៝ង់។ 14ពាង់រេសទឹងលែៈគែស ៩១០ នាម់ ជេសរីខឹត។
15ត៝ត់មហាលេលអែល គែស ៦៥ នាម់ ពាង់ឞាៈយារេត ។ 16ជេសពាង់ឞាៈយារេត អីនៃ ពាង់រេសគែស ៨៣០ នាម់ជឹត នហ៝ឞាៈអ៝សឞាៈក៝ន គែសក៝នឞូអូរក៝នឞូក្លោដ៝ង់។ 17ពាង់រេសទឹងលែៈគែស ៨៩៥ នាម់ ជេសរីខឹត។
18ត៝ត់យារេត គែស ១៦២ នាម់ ពាង់ឞាៈហេនុក ។ 19ជេសពាង់ឞាៈហេនុក អីនៃ ពាង់រេសគែស ៨០០ នាម់ជឹត នហ៝ឞាៈអ៝សឞាៈក៝ន គែសក៝នឞូអូរក៝នឞូក្លោដ៝ង់។ 20ពាង់រេសទឹងលែៈគែស ៩៦២ នាម់ ជេសរីខឹត។
21ត៝ត់ហេនុក គែស ៦៥ នាម់ ពាង់ឞាៈមឹថូឆាលាស ។ 22ជេសពាង់ឞាៈមឹថូឆាលាស អីនៃ ពាង់គុតឹមទេសតឹមទាច់ដាសកោរាញឞ្រាស នទ្រែលមាអ្យាត់នាវពាង់ដ៝ង់គែស ៣០០ នាម់ជឹត នហ៝ឞាៈអ៝សឞាៈក៝ន គែសក៝នឞូអូរក៝នឞូក្លោដ៝ង់។ 23ពាង់រេសទឹងលែៈគែស ៣៦៥ នាម់។#ហេឞ ១១:៥ 24ហេនុក គុតឹមទេសតឹមទាច់អ្យាត់នាវកោរាញឞ្រាសងាន់ ជេសរីពាង់រ៝សក្ល៝ក់ឞើសនែសនតូអ្យា យ៝រលាសកោរាញឞ្រាសឆ៝ៈគុនទ្រែលពាង់នើម។#ហេឞ ១១:៥; យដ ១:១៤
25ត៝ត់មឹថូឆាលាស គែស ១៨៧ នាម់ ពាង់ឞាៈលាមេក ។ 26ជេសពាង់ឞាៈលាមេក អីនៃ ពាង់រេសគែស ៧៨២ នាម់ជឹត នហ៝ឞាៈអ៝សឞាៈក៝ន គែសក៝នឞូអូរក៝នឞូក្លោដ៝ង់។ 27ពាង់រេសទឹងលែៈគែស ៩៦៩ នាម់ ជេសរីខឹត។
28ត៝ត់លាមេក គែស ១៨២ នាម់ ពាង់ឞាៈទូហ្វេក៝នឞូក្លោ 29ពាង់តេៈរាញាក៝នអីនៃ«នោអេ » ពាង់លាស៖ “ក៝នអ្យាពាង់មរាកើលឞ៝ញលែងលែៈនាវការជេរហេន លែៈនាវរាអាសហេនជានមីរ តាៈឞើសឞ្រាសយេហោវា ទែរាតាប់នែសអីអ្យានើស”#៥:២៩៖ រាញា «នោអេ»តានាវងើយហេឞ្រើតឹមឞានមា«ឞ៝ញលែង»។។ 30ជេសពាង់ឞាៈនោអេ អីនៃ ពាង់រេសគែស ៥៩៥ នាម់ជឹត នហ៝ពាង់ឞាៈអ៝សឞាៈក៝ន គែសក៝នឞូអូរក៝នឞូក្លោដ៝ង់។ 31ពាង់រេសទឹងលែៈគែស ៧៧៧ នាម់ ជេសរីពាង់ខឹត។
32ត៝ត់នោអេ គែស ៥០០ នាម់ ពាង់ឞាៈក៝នពែអឹ ឆិម ហាម់ នទ្រែលមាយាផែត ។
Nu geselecteerd:
នាវនតើម 5: cmoK
Markering
Deel
Kopiëren
Wil je jouw markerkingen op al je apparaten opslaan? Meld je aan of log in
© (Active) Wycliffe Bible Translators, Inc. All rights reserved.
