នាវនតើម 4
4
កាអីន ងខឹតអីអ៝សពាង់
1ជេសរីអាដាម់ គុដាសអេវា អីអូរពាង់រី អេវា នត្រែវគុអ៝សគែសក៝នង្វាយ ជេសរីអេវា លាស៖ “អ្យាឞ្រាសយេហោវា អ៝ន់គ៝ប់គែសទូហ្វេក៝នឞូក្លោ គ៝ប់ឞែតេៈរាញាពាង់«កាអីន #៤:១៖ តានាវងើយហេឞ្រើអេវា លាស៖ «...គ៝ប់ទើនក៝នឞូក្លោង្វាយ...» តានាវងើយនៃ«ទើន»ជេងតឹមឞានរាញា «កាអីន »។»”។ 2ជេសរីពាង់គែសតៃទូហ្វេក៝នឞូក្លោជឹត ពាង់តេៈរាញាអាបែល ។ ត៝ត់ខាន់ពាង់លែៈនទាម់ អីអ៝សរីឞូនុយ្សច្យាប់ឞែឞ្យាប់ អីនោរីឞូនុយ្សជានមីរ។ 3គែសទូនារអីនោឆ៝ៈបាៈនទើអីគែសតាៈឞើសមីរពាង់នើមនៃ ជេសរីញអោតញហើរអ៝ន់មាឞ្រាសយេហោវា ។ 4ល៝ង់អីអ៝សរីញហើរដ៝ង់ ពាង់ឆ៝ៈអីក៝នទាកឞោកតាផូងមពោមពា(ឆ្យុម)អីព្រែច្យាប់នៃបាៈ នទ្រែលមាអីងីតាឆាក់ ជេសរីពាង់ញហើរអ៝ន់មាឞ្រាសយេហោវា ។ នោកពាង់ញហើរនៃ ឞ្រាសយេហោវា រាម់ងាន់មាពាង់ នទ្រែលមានទើញហើរពាង់នៃ។#ហេឞ ១១:៤ 5តីសមាកាអីន អីនោពាង់រី ឞ្រាសយេហោវា មោរាម់អោស នទ្រែលមានទើញហើរពាង់។ នទ្រីទឹងកាអីន នូយ្សហោងាន់ មុសមាត់ពាង់ចាង់រាហ៝ញ់។ 6ឞ្រាសយេហោវា លាសមាពាង់៖ “ហើយកាអីន ម៝សនូយ្សមៃអីនៃ? ម៝សជានមុសមាត់មៃចាង់រាហ៝ញ់នៃមេស? 7លាសមៃជានអ្វែស គែសនាវរាម់ងាន់ លាសមៃមោអោសជានអ្វែស ជានងខើងនទើអ្យើសច្រាវ នាវអ្យើសអីនៃពាង់គុក៝ប់តាឞោកមពោងមៃនៃ តឹមឞានមាយៅគុញឆានក៝ប់ឆាហេកទូមល៝ម់មពោមពា(ឆ្យុម)។ នទើអ្យើសអុចជានកោរាញក៝ប់ដាៈមៃជានអ្យើស លាសនទ្រីអ៝ន់មៃទើយដាសនាវអ្យើសអីនៃហ៝ម់”។#រម ៦:១២
8កាសទូនារនៃ កាអីន ជាៈអីអ៝សពាង់នៃហាន់លោសអាមីរ។ ត៝ត់តាមីររី កាអីន រាទោសងខឹតលើយអ៝សពាង់នៃត៝ត់ខឹតរ៝។#មថ ២៣:៣៥; លក ១១:៥១; ១យហ ៣:១២-១៥ 9ជេសរីឞ្រាសយេហោវា អោប៖ “ហើយកាអីន អាសអ៝សមៃនៃមេស?” កាអីន អើស៖ “គឹតអែស គ៝ប់មោគឹតអោសកោរាញឞ្រាសមេ គ៝ប់គឹតមាឞូនុយ្សម៝ត់ពាង់លាស?” 10ជេសរីឞ្រាសយេហោវា លាស៖ “ម៝សឆីកោៈមៃជានកើតនៃមេស? យ៝រលាសមហាមអ៝សមៃអីមៃងខឹតនើសហ៝ចតានែស មហាមអីនៃតឹមឞានមានតែរក្វាល់ដាៈគ៝ប់កោសមៃងាន់។#ហេឞ ១២:២៤ 11អាបៃរីគ៝ប់រាតាប់មៃ នត្រុតមៃទូលោសងាយតាៈឞើសនតុកនែសអ្យាងាន់រ៝ ឞើសនតុកនែសអីមហាមអ៝សមៃហ៝ចអ្យានើស។#នក ៣៥:៣៣ 12មៃតៃលើសមីរជានឆ្រែ មោអោសគែសមោអោសជេងមាមៃដ៝ង់ មៃគុរេសងគ្លាៈងគ្លើតលាមនតុកអ្យានតុករី”។ 13កាអីន អើស៖ “អើកោរាញឞ្រាស ទោយ្សមៃតេៈមាគ៝ប់អ្យាជ៝ក់ងាន់ កោរាញឞ្រាសមេ គ៝ប់មោអោសទើយទោរ។ 14ល៝ង់នារអ្យាមៃនត្រុតគ៝ប់ទូឞើសនតុកនែសអ្យា ទូងាយឞើសមាត់មៃដ៝ង់ គ៝ប់គុរេសងគ្លាៈងគ្លើតលាមនតុកអ្យានតុករី លាសគែសឞូម៝ប់ ឞូមរាងខឹតគ៝ប់ងាន់រ៝”។ 15ឞ្រាសយេហោវា អើស៖ “មោអោស លាសឞូងខឹតមៃ គ៝ប់មរាព្លើងពាង់ពើសតឹ”#៤:១៥៖ «គ៝ប់មរាព្លើងពាង់ពើសតឹ» មោលាស៖ «គ៝ប់តេៈទោយ្សពាង់ពើសតឹ»។។ ជេសរីឞ្រាសយេហោវា ព្លាកែបទូមល៝ម់នទើតាកាលើកាអីន នៃ គៃមាលើយអោសអ៝ន់ឞូលើសងខឹតពាង់។ 16ជេសរីកាអីន ទូលោសឞើសនៃ ពាង់ទូឞើសមាត់ឞ្រាសយេហោវា ងាន់ គុតានតុកឞ្រីនោត មពែសលោសនារមានតុកអេដែន នទ្រីពាង់កាអីន អីរីហែស។
រាន៝យទែសកាអីន
17ជេសរីកាអីន គុដាសអីអូរពាង់រី អូរពាង់នត្រែវគុអ៝សទូហ្វេក៝នឞូក្លោ រាញាហេនុក ។ ជេសរីពាង់ជានទូមល៝ម់ប៝ន ពាង់ក្វាល់ប៝នអីនៃហេនុក កើតរាញាក៝នពាង់នើមដ៝ង់។ 18ជេសរីហេនុក គែសក៝នឞូក្លោរាញាអីរាត #៤:១៨៖ តាងក៝ចយៅលាសមោគែសម៝ស«ឞូអូរ»គឹតលាសឞូក្លោរ៝។ អីរាតឞាៈមហូយាអែល មហូយាអែល ឞាៈមាតូឆាអែល មាតូឆាអែល ឞាៈលាមេក ។ 19លាមេក គែសអូរឞារ អូរតើមរាញាអាដា អូរចោងរាញាឆីលា ។ 20អាដា គែសឞារអឹក៝ន អីនោរាញាយាបាល ពាង់អីឞូនុយ្សទាកឞោកគុតាចូន គុច្យាប់តានតុកអ្យានតុករី។ 21អីអ៝សយាបាល រាញាយូបាល ពាង់អីឞូនុយ្សទាកឞោកងក្រេសនទើតឹមឞានមាគ៝ងរេង នទ្រែលមាអោសនទើតឹមឞានមារាលែត។ 22ជេសរីឆីលា គែសក៝នដ៝ង់ រាញាតូបាល-កាអីន ពាង់អីឞូនុយ្សទាកឞោកឞ្លាវទ្រែបច្យារ់កោង នទ្រែលមាល៝យ្ស។ អ៝សឞូអូរតូបាល-កាអីន រាញានាអាមា ។
23ជេសរីលាមេក លាសមាលែៈឞារហៃអីអូរពាង់នៃ៖
“ហើយអាដា ឆីលា ខាន់អៃអ្យាត់នាវគ៝ប់ហ៝ៈ!
ហើយខាន់អៃ រាកេងហ៝ម់តោរអ្យាត់នាវគ៝ប់ងើយមឞ្រាមមាគឹត!
គ៝ប់ងខឹតឞូនុយ្សទូហ្វេឞូក្លោ យ៝រលាសពាង់នើសជានអ៝ន់គ៝ប់គែសឆោត
គ៝ប់ងខឹតទូហ្វេឞូនទាម់ យ៝រមាពាង់លើសគ៝ប់ឞុរ។#កល ២៤:១៩-២០
24លាសឞូងខឹតទូហ្វេកាអីន ឞូមរាព្លើងងខឹតពើសតឹ
យើនមាលាសឞូងខឹតលាមេក អ៝ន់ព្លើងងខឹតត៝ត់ ៧៧ តឹងាន់រ៝”។
25 អាដាម់ ហោមគុដាសអូរពាង់ជឹត ជេសរីអូរពាង់គុអ៝សតៃទូហ្វេក៝នឞូក្លោ ពាង់លាស៖ “ក៝នអ្យាកោរាញឞ្រាសអ៝ន់តៃមាគ៝ប់ គៃមានត្រ៝ៈអាបែល អីកាអីន ទែងខឹតនើស” កើតនទ្រីរាញាពាង់«ឆេត #៤:២៥៖ តានាវងើយហេឞ្រើ«អ៝ន់»ជេងតឹមឞានរាញា «ឆេត »។»។ 26ជេសរីឆេត ឞាៈទូហ្វេក៝នឞូក្លោ ពាង់រាញាក៝នអីនៃអេនោស ។ នតើមឞើសនៃឞូក្វាល់កោរាញឞ្រាស៖ «ឞ្រាសយេហោវា » នោកឞូយើកមឞាសពាង់។
Nu geselecteerd:
នាវនតើម 4: cmoK
Markering
Deel
Kopiëren
Wil je jouw markerkingen op al je apparaten opslaan? Meld je aan of log in
© (Active) Wycliffe Bible Translators, Inc. All rights reserved.
