ကမ္ဘာဦးကျမ်း 6
6
ဘုရားသားများနှင့်လူ့သမီးများ
1မြေပြင်ပေါ်တွင် လူတို့များပြားစပြုလာ၍ သူတို့၌ သမီးများမွေးဖွားလာကြသောအခါ 2ဘုရားသခင်၏သားတို့သည် လူ၏သမီးတို့အဆင်းလှသည်ကိုမြင်၍ မိမိတို့ကြိုက်နှစ်သက်သောသူ မည်သူ့ကိုမဆို မိမိတို့မယားအဖြစ်ယူကြ၏။ 3ထိုအခါ ထာဝရဘုရားက “ငါ၏ဝိညာဉ်သည် လူတွင်ထာဝရတည်#6:3 သို့မဟုတ် “လူနှင့်အစဉ်ဖက်ပြိုင်”။မည်မဟုတ်။ အကြောင်းမူကား လူသည် အသွေးအသားခန္ဓာသာဖြစ်သောကြောင့် လူ၏သက်တမ်းသည် အနှစ်တစ်ရာ့နှစ်ဆယ်ဖြစ်စေ”ဟု မိန့်တော်မူ၏။ 4ဘုရားသခင်၏သားတို့သည် လူ၏သမီးတို့ထံဝင်၍ ကလေးများကိုရကြသောကာလနှင့် ထိုကာလ၏နောက်ပိုင်း၌ မြေကြီးပေါ်တွင် ဧရာမလူ#6:4 မူရင်းစကားလုံး၏အသံထွက်အရ “နဖိလိမ်”။များရှိကြ၏။ ထိုသူတို့သည် ရှေးခေတ်လူစွမ်းကောင်းများ၊ နာမည်ကျော်စောသူများဖြစ်ကြ၏။
ကမ္ဘာကြီးကိုစီရင်ရန် ဆုံးဖြတ်ခြင်း
5မြေကြီးပေါ်တွင် လူ၏မကောင်းမှုများပြား၍ လူ့စိတ်နှလုံး၏တွေးတောကြံစည်မှုရှိသမျှတို့သည် အစဉ်အမြဲဆိုးညစ်ခြင်းသက်သက်သာဖြစ်ကြောင်းကို ထာဝရဘုရားမြင်တော်မူ၏။ 6ထိုအခါ ထာဝရဘုရားသည် မြေကြီးပေါ်တွင် လူကိုဖန်ဆင်းခဲ့သည်ကို ဝမ်းနည်း၍ စိတ်နှလုံးထိခိုက်တော်မူ၏။ 7ထို့ကြောင့် ထာဝရဘုရားက “ငါဖန်ဆင်းသောလူကိုလည်းကောင်း၊ လူမှစ၍ တိရစ္ဆာန်များ၊ တွားသွားသောတိရစ္ဆာန်များနှင့် မိုးကောင်းကင်ငှက်များကိုလည်းကောင်း မြေပြင်ပေါ်မှ ငါသုတ်သင်ပယ်ရှင်းမည်။ အကြောင်းမူကား သူတို့ကို ဖန်ဆင်းခဲ့သည်ကို ငါဝမ်းနည်း၏”ဟု မိန့်တော်မူ၏။ 8သို့သော် နောဧသည် ထာဝရဘုရားရှေ့တော်၌ မျက်နှာရသောသူဖြစ်၏။
နောဧအားသတိပေးခြင်း
9နောဧ၏အတ္ထုပ္ပတ္တိကား ဤသို့ဖြစ်၏။ နောဧသည် ဖြောင့်မတ်သောသူ၊ သူ၏မျိုးဆက်ထဲ၌ အပြစ်တင်စရာမရှိသောသူဖြစ်၏။ နောဧသည် ဘုရားသခင်နှင့်အတူသွားလာ၏။ 10နောဧသည် ရှေမ၊ ဟာမ၊ ယာဖက် ဟူသောသားသုံးယောက်ကိုရ၏။
11ထိုအချိန်၌ မြေကြီးသည် ဘုရားသခင်ရှေ့တော်၌ ယိုယွင်းပျက်စီးလျက်ရှိ၏။ မြေကြီးသည် ရက်စက်ကြမ်းကြုတ်မှုနှင့် ပြည့်နှက်လျက်ရှိ၏။ 12ဘုရားသခင်သည် မြေကြီးကိုကြည့်ရှုသောအခါ ယိုယွင်းပျက်စီးလျက်ရှိသည်ကို မြင်တော်မူ၏။ အကြောင်းမူကား မြေကြီးပေါ်တွင် လူအပေါင်းတို့သည် အကျင့်စရိုက်ယိုယွင်းပျက်စီးလျက်ရှိ၏။ 13ဘုရားသခင်က နောဧအား “လူအပေါင်းတို့၏အဆုံးသည် ငါ့ရှေ့မှောက်သို့ရောက်လာပြီ။ အကြောင်းမူကား မြေကြီးသည် သူတို့ကြောင့် ရက်စက်ကြမ်းကြုတ်မှုနှင့် ပြည့်နှက်လျက်ရှိ၏။ ကြည့်ရှုလော့။ ငါသည် သူတို့ကို မြေကြီးနှင့်အတူဖျက်ဆီးမည်။
14ဂေါဖရသစ်သားဖြင့် သင်္ဘောတစ်စင်းကို သင့်အဖို့တည်ဆောက်လော့။ သင်္ဘောအတွင်း၌အခန်းများဖွဲ့၍ အတွင်း၊ အပြင်ကို သစ်စေးနှင့်သုတ်လော့။ 15သင်္ဘောတည်ဆောက်ရမည့်ပုံစံမှာ ဤသို့ဖြစ်၏။ သင်္ဘောအလျားသည် အတောင်သုံးရာ#6:15 “5400 လက်မ သို့မဟုတ် 13500 စင်တီမီတာ”။၊ အနံသည် အတောင်ငါးဆယ်#6:15 “900 လက်မ သို့မဟုတ် 2250 စင်တီမီတာ”။၊ အမြင့်သည် အတောင်သုံးဆယ်#6:15 “540 လက်မ သို့မဟုတ် 1350 စင်တီမီတာ”။ရှိရမည်။ 16သင်္ဘောအတွက် အမိုး#6:16 သို့မဟုတ် “ပြတင်းပေါက်”၊ “လေဝင်ပေါက်”။လုပ်၍ ၎င်းကို ကိုယ်ထည်အထက် တစ်တောင်#6:16 “18 လက်မ သို့မဟုတ် 45 စင်တီမီတာ”။အမြင့်တွင်ရှိစေရမည်။ သင်္ဘော၏နံဘေးတွင် တံခါးပေါက်ကို လုပ်ရမည်။ သင်္ဘောကို ပထမထပ်၊ ဒုတိယထပ်နှင့်တတိယထပ်ဟူ၍ သုံးထပ်တည်ဆောက်ရမည်။
17ကြည့်ရှုလော့။ သက်ရှိသတ္တဝါအပေါင်းတို့ကို ကောင်းကင်အောက်မှ ဖျက်ဆီးရန် ငါကိုယ်တိုင် မြေကြီးပေါ်တွင် ရေလွှမ်းမိုးမှုဖြစ်စေမည်။ မြေကြီးပေါ်မှာရှိသမျှတို့သည် သေကြရမည်။ 18သို့သော် ငါသည် ငါ၏ပဋိညာဉ်ကို သင်၌တည်စေမည်။ သင်သည် သင်၏သား၊ မယား၊ ချွေးမတို့နှင့်အတူ သင်္ဘောထဲသို့ဝင်ရမည်။ 19သက်ရှိအပေါင်း၊ သတ္တဝါအပေါင်းတို့ထဲမှ အထီးအမတစ်စုံစီကိုယူ၍ သင်နှင့်အတူအသက်ချမ်းသာရရန် သင်္ဘောထဲသို့သွင်းရမည်။ 20ငှက်များထဲမှ အမျိုးအလိုက်၊ တိရစ္ဆာန်များထဲမှ အမျိုးအလိုက်၊ မြေပေါ်ရှိ တွားသွားသောတိရစ္ဆာန်အပေါင်းတို့ထဲမှ အမျိုးအလိုက် အထီးအမတစ်စုံစီတို့သည် အသက်ချမ်းသာရရန် သင့်ထံသို့လာကြလိမ့်မည်။ 21သင်သည် စားသုံးနိုင်သောအစားအစာအမျိုးမျိုးကိုယူ၍ သင့်ထံ၌သိုထားပြီး သင်နှင့်တိရစ္ဆာန်တို့၏စားစရာဖြစ်စေရမည်”ဟု မိန့်တော်မူ၏။ 22နောဧသည် ထိုသို့ပြု၏။ မိမိအားဘုရားသခင်မိန့်မှာတော်မူသမျှအတိုင်း ပြုလေ၏။
Nu geselecteerd:
ကမ္ဘာဦးကျမ်း 6: MSBU
Markering
Deel
Kopiëren
Wil je jouw markerkingen op al je apparaten opslaan? Meld je aan of log in
MYANMAR STANDARD BIBLE©
Copyright © 2012, 2014, 2017, 2021 by Global Bible Initiative
