Zlr 11
11
Gla ghəŋa mnduha ma Babila
1Ghalya, gwaɗa turtuktuk ta gwaɗ mnduha ta haɗik demdem. Ka skwa turtuk gwaɗa taŋ. 2Ka sliʼaftá həŋ nda ma mndəra luwa#11:2 Nda ma mndəra luwa: Sna a lu ta na gwaɗa na wa. Ka sliʼafta nda ma mndəra luwa tsi, ka dzaʼa nda ma mndəra luwa tsi wa. ka mbaɗa, ka slaftá həŋ ta sana daɓi ta haɗika Singhar,#11:2 Singhar: Tsa Singhar ya ta hgə lu ka Babila tahula tsa. ka nzatá həŋ hada. 3Ka həŋ mataba taŋ sani nda sani mantsa: « Mbaɗma tsaftá brika rɓisl ka drapta mu, » ka həŋ. Ka mag həŋ ta slna nda tsa brik ya ŋa da manaka pala. Kwalta guli, ŋa ndeʼay. 4« Mbaɗma ka bafta mu ta luwa mu, nda mghama həga ŋa dzaʼa tsukwa luwa, kada kulta lu ta amu, yaha mu da wutsatá vgha ta ghəŋa haɗik, » ka həŋ. 5Mbaɗa Yawe ka saha da nghanatá tsa luwa nda mghama həga ta bə mnda səla ya. 6Ka Yawe mantsa: « Nəna ɓa! Wana mndəra mndu turtuktuk həŋ, gwaɗa turtuk ta gwaɗ həŋ, ka manda na ka həŋ zlraftá magay katsi, haɗ skwi dzaʼa kurata həŋ ta magay, dzaʼa trapta həŋ wa. 7Mbaɗma, lama la da hwazlaɓanaftá gwaɗa taŋ, kada kwala həŋ ta snaŋtá gwaɗa ta gwaɗagapta sani nda sani, » kaʼa. 8Mantsa tama, ka wutsiŋtá Yawe ta həŋ ta ghəŋa haɗik demdem, ka zlaŋtá həŋ ta ba tsa luwa ya. 9Ka tsanaftá lu ta hga tsa luwa ya ka Babila, kabga hada hwazlaɓanafta Yawe ta gwaɗa ta haɗik demdem. Hada wutsanatá Yawe ta həŋ ta inda ghəŋa haɗik.
Mndəra Sem
10Wya rusa ta ghəŋa mndəra la Sem. Ta madərməka ima Sem, ka yatá tsi ta Arpahsat. Tahula vaku his manda laghwa tsa ima zlakwa luwa ya. 11Tahula yatá ni Arpahsat, ka zəglatá Sem ta imi hutaf dərmək, ka yayatá tsi ta zwana zgwana nda kuʼaha. 12Ta mahkən mbsaka ima Arpahsat ka yatá tsi ta Selah. 13Tahula yata ni ta Selah, ka zəglatá Arpahsat ta imi fwaɗ dərmək nda hkən, ka yayatá tsi ta zwana zgwana nda kuʼaha. 14Ta mahkən mbsaka ima Selah, ka yatá tsi ta Ghever. 15Tahula yata ni ta Ghever, ka zəglatá Selah ta imi fwaɗ dərmək nda hkən, ka yayatá tsi ta zwana zgwana nda kuʼaha. 16Ta mahkən mbsak fwaɗ mida ima Ghever, ka yatá tsi ta Peleg. 17Tahula yata ni ta Peleg, ka zəglatá Ghever ta imi fwaɗ dərmək nda hkən mbsak, ka yayatá tsi ta zwana zgwana nda kuʼaha. 18Ta mahkən mbsaka ima Peleg, ka yatá tsi ta Reghu. 19Tahula yata ni ta Reghu, ka zəglatá Peleg ta imi his dərmək nda təmbay, ka yayatá tsi ta zwana zgwana nda kuʼaha. 20Ta mahkən mbsak his mida ima Reghu, ka yatá tsi ta Serug. 21Tahula yata ni ta Serug, ka zəglatá Reghu ta imi his dərmək nda ndəfáŋ, ka yayatá tsi ta zwana zgwana nda kuʼaha. 22Ta mahkən mbsaka ima Serug, ka yatá tsi ta Nahur. 23Tahula yata ni ta Nahur, ka zəglatá Serug ta imi his dərmək, ka yayatá tsi ta zwana zgwana nda kuʼaha. 24Ta mahisambsak təmbay mida ima Nahur, ka yatá tsi ta Terah. 25Tahula yata ni ta Terah, ka zəglatá Nahur ta imi dərmək nda ghwaŋpəɗ təmbay, ka yayatá tsi ta zwana zgwana nda kuʼaha. 26Ta mandəfáŋ mbsaka ima Terah ka yayatá tsi ta i Abram, nda Nahur, nda Haraŋ.
27Wya rusa ta ghəŋa mndəra la Terah: Ka yatá Terah ta i Abram, nda Nahur, nda Haraŋ. Ka yatá Haraŋ ta Lut. 28Ka mtutá Haraŋ ma Ur, luwa kəl lu ka yata ta haɗika Kaldiya#11:28 Haɗika Kaldiya ná, tsaya ta hgə lu guli ka Babila. ma nzakwa da ni Terah ta ndiri. 29Ka hlaftá i Abram nda Nahur ta miʼi. Markwa Abram ná, Saray hga ni. Markwa Nahur guli ná, Milka hga ni, makwa Haraŋ. Haraŋ da ni ma Yiska guli. 30Ka dzəghəŋ Saray, ya a ta zwaŋ wa.
31Ka klaftá Terah ta zwaŋa ni Abram nda zigha ni Lut zwaŋa Haraŋ, nda ghwaʼala ni Saray makwa Abram zwaŋa ni, ka zlaŋtá luwa Ur ta haɗika Kaldiya, ŋa dzaʼa ta haɗika Kanʼana. Ɓhadaghata taŋ da luwa Haraŋ ya, ka nzaghutá həŋ hada. 32Gwata vakwa Terah ta ghəŋa haɗik ná, his dərmək nda hutaf. Ka mtutá tsi ma Haraŋ.
Nu geselecteerd:
Zlr 11: xed
Markering
Deel
Kopiëren
Wil je jouw markerkingen op al je apparaten opslaan? Meld je aan of log in
© Wycliffe Bible Translators, Inc. All rights reserved.
