ᒉᓂᓯᔅ 9
9
ᑭᔐᒪᓂᑑ ᑮᐊᔓᑕᒪᐙᒡ ᓅᐗᐗᓐ
1 # Gen 1.28. ᑭᔐᒪᓂᑑ ᑕᔥ ᐅᑮ ᐃᔑ ᔕᐌᓂᒫᓐ ᓅᐗᐗᓐ Noah ᒋᒥᓄᓭᓂᒡ ᐅᑯᓯᓯᓂ ᑲᔦ ᐁᑮᐃᓈᒡ, ᓂᑖᐎᑭᓈᐗᓱᒃ ᒋᓂ ᐹᑏᓄᔦᒃ, ᒥᓯᐌ ᐊᑮᕽ ᒋᓂ ᐊᔮᔦᒃ᙮ 2ᑲᑭᓇ ᓴ ᐊᔭᐋᐎᔕᒃ ᐅᐅᒫ ᐊᑮᕽ ᐁᔮᐙᒡ, ᑲᑭᓇ ᑲᔦ ᐱᓀᔒᔕᒃ ᐯᒥᓭᐙᒡ ᐃᔥᐱᒥᕽ; ᑲᑭᓇ ᑲᔦ ᑳᐱᒨᑌᐙᒡ ᒥᑕᑲᒥᒃ, ᑲᑭᓇ ᑲᔦ ᑭᓅᔐᒃ ᐊᓈᒦᑎᒻ ᐁᔮᐙᒡ, ᓂᑲ ᐃᔑᐋᒃ ᒋᑯᑖᓀᓂᒥᓀᒀ, ᒋᑲᒀᓂᓴᑫᓂᒥᓀᒀ ᑲᔦ; ᑲᑭᓇ ᓴ ᑮᓇᐙ ᑭᒦᓂᑰᐎᓯᒻ ᒋᑎᐯᓂᒣᒀ᙮ 3ᑲᑭᓇ ᑫᑰᓐ ᐌᑲᐐᒪᑲᒃ ᐯᒫᑕᒃ ᑭᒦᓂᓂᓂᒻ ᒋᐅᒦᒋᒥᒥᔦᒃ ᑳᑮ ᐃᔑ ᒦᓂᓇᑰᑭᐸᓐ ᑫᑰᓇᓐ ᓀᑖᐎᑭᑭᓐ ᒋᐅᒦᒋᒥᒥᔦᒃ᙮ 4#Lev 7.26,27; 17.10-14; 19.26; Deu 12.16,23; 15.23. ᐯᔑᑾᔦᒃ ᑕᔥ ᑫᑰᓐ ᑭᑲ ᒪᓈ ᒦᒋᒻ, ᒦ ᐃᐌ ᐐᔮᔅ ᑳᒥᔅᑸᐗᕽ, ᐋᓃᔥ ᒥᔅᑸᕽ ᐅᒌᒪᑲᓐ ᐱᒫᑎᓯᐎᓐ᙮ 5ᑮᔥᐱᓐ ᑕᔥ ᐊᐎᔭ ᓂᔑᐌᒡ, ᓃᓐ ᓴ ᓂᑲ ᑑᑕᐙ ᑫᐐᓐ ᒋᓂᓯᓐᒡ, ᒦᑕᔥ ᐯᔑᑾᓐ ᑫᐐᓐ ᐊᔭᐋᐎᔥ ᑫᔑ ᓂᓯᓐᒡ ᑮᔥᐱᓐ ᓂᓵᒡ ᐊᐎᔭᓐ ᐯᒫᑎᓯᓂᒡ᙮ 6#Exo 20.13; Gen 1.26. ᐊᐌᓀᓐ ᓴ ᐱᑯ ᓂᓵᒡ ᐊᐎᔭᓐ, ᐃᓂᓃᓈᕽ ᓴ ᑫᐐᓐ ᑕᐅᒋ ᓂᓵᑲᓂᐎ, ᐋᓃᔥ ᑭᔐᒪᓂᑑ ᐅᑎᔑᓈᑯᓯᐎᓂᕽ ᐅᑮ ᐃᔑᐋᓐ ᐃᓂᓂᐗᓐ᙮
7 # Gen 1.28. ᑮᓇᐙ ᑕᔥ ᐐᓐ ᓂᑖᐎᑭᓈᐗᓱᒃ ᒋᓂ ᐹᑏᓄᔦᒃ, ᒨᔥᑭᓀᔥᑲᒧᒃ ᐅᐅ ᒥᓯᐌ ᐊᑭ᙮
8ᒦᑕᔥ ᑲᔦ ᑳᐊᓂᐃᓈᒡ ᓅᐗᐗᓐ ᐅᑯᓯᓯᓂ ᑲᔦ, 9ᐃᓇᔥᑫ ᓴ ᓅᑯᒻ ᓂᐐ ᐊᔩᑕᑑᓐ ᑫᔑ ᐊᔓᑕᒫᐎᓇᑰᒃ, ᐃᑭ ᑲᔦ ᑭᐲᐌᓰᒥᐙᒃ ᑫᓂ ᐊᔮᐙᒡ, 10ᑲᑭᓇ ᓴ ᑯ ᐊᔭᐋᐎᔕᒃ ᑳᐐᒌᐎᓀᒀ, ᐱᓀᔒᔕᒃ, ᐊᐗᑳᓇᒃ, ᑲᑭᓇ ᐱᑾᒋ ᐊᔭᐋᐎᔕᒃ, ᐃᑭ ᓴ ᑲᑭᓇ ᑭᒋ ᒌᒫᓂᕽ ᑳᐐᒋᑲᐹᒥᓀᒀ, ᑲᑭᓇ ᓴ ᐱᑯ ᐯᒫᑕᒃ ᐅᐅᒫ ᐊᑮᕽ᙮ 11ᒦᑕᔥ ᐅᐅ ᐁᐅᓇᑑᔮᓐ ᑫᔑ ᐊᔓᑕᒫᐎᓇᑰᒃ; ᑳᐐᓐ ᓴ ᐐᑳ ᒦᓇᐙ ᑲᑭᓇ ᐊᐎᔭᒃ ᐯᒫᑎᓯᐙᒡ ᑳᔑ ᓂᑭᐸᔑᐌᒪᑲᒃ ᓂᐱ ᑕᐅᒋ ᓂᔑᐗᓈᑎᓯᓰᐗᒃ᙮ ᑳᐐᓐ ᒦᓇᐙ ᐐᑳ ᑕᓂᑭᐲᓯᓅᓐ ᐅᐅ ᐊᑭ ᒋᓂᔑᐗᓈᑕᒃ᙮ 12ᒦᑕᔥ ᑳᐊᓂ ᐃᑭᑐᒡ ᑭᔐᒪᓂᑑ, ᒦᑕᔥ ᐅᐅ ᑫᔑ ᑭᑭᓇᐙᒋᑑᔮᓐ ᐃᐃ ᑳᔑ ᐊᔓᑕᒫᐎᓇᑰᒃ, ᐃᑭ ᑲᔦ ᑲᑭᓇ ᐊᔭᐋᐎᔕᒃ ᑳᐐᒌᐎᒀ, ᐃᑭ ᑲᔦ ᑲᑭᓇ ᑫᓂ ᐊᔮᓂᑫ ᐱᒫᑎᓯᐙᒡ᙮ 13ᓂᑲ ᐅᓇᑑᓐ ᓴ ᑮᓯᓶᔮᑉ ᐗᑸᕽ, ᒦᑕᔥ ᐃᐃ ᐁᑭᑭᓇᐙᒋᑑᔮᓐ ᐅᐅ ᑳᔑ ᐊᔓᑕᒪᐗᒀ ᐅᐅᒫ ᐊᑮᕽ ᐁᔮᐙᒡ᙮ 14ᐊᐲ ᑕᔥ ᐃᑯ ᐅᔑᑑᔮᓐ ᐊᑭ ᒋᓂᑾᑾᒃ, ᑮᓯᓶᔮᑉ ᑕᔥ ᓈᑾᒃ, 15ᓂᑲ ᒫᒥᑲᐤ ᐃᑕᔥ ᐋᓃᓐ ᐁᔑ ᐊᔓᑕᒫᐎᓇᑰᒃ, ᐃᐃ ᑲᔦ ᑲᑭᓇ ᑫᑰᓐ ᐯᒫᑕᒃ᙮ ᑳᐐᓐ ᓴ ᒦᓇᐙ ᐐᑳ ᓂᐱ ᑕᓂᑭᐸᒋᑫᒪᑲᓯᓅᓐ ᒋᓂᔑᐗᓈᑕᒃ ᑲᑭᓇ ᑳᐱᒫᑕᒃ᙮ 16ᐊᐲ ᑕᔥ ᐃᑯ ᓈᑾᒃ ᑮᓯᓶᔮᑉ ᐗᑸᕽ, ᐙᐸᑕᒫᓐ ᐃᑕᔥ, ᓂᑲ ᒫᒥᑲᐤ ᓀᐱᒡ ᐃᑯ ᑳᔑ ᐊᔓᑕᒫᐎᓇᑰᒃ ᑲᑭᓇ ᑳᐱᒫᑕᒃ ᐅᐅᒫ ᐊᑮᕽ᙮ 17ᒦᔥ ᑳᐊᓂ ᐃᑭᑐᒡ, ᒦᑕᔥ ᐃᐃ ᐁᔑ ᑭᑭᓇᐙᒋᑑᔮᓐ ᐃᐃ ᐊᔓᑕᒫᑫᐎᓐ ᑳᑮ ᐅᓇᑕᒪᐗᒀ ᑲᑭᓇ ᑳᐱᒫᑕᒃ ᐅᐅᒫ ᐊᑮᕽ, ᐅᑮᐃᓈᓐ᙮
ᓅᐗ, ᐅᑯᓯᓴᐞ ᑲᔦ ᐁᑕᔑᒥᑣ
18ᓅᐗ Noah ᑕᔥ ᐅᑯᓯᓴᐞ ᑭᒋ ᒌᒫᓂᕽ ᑳᐅᒋ ᑲᐹᓂᒡ ᐅᐅ ᑮᐃᔑᓂᑳᓱᐗᐞ: ᔐᒻ Shem, ᐁᒻ Ham, ᒉᐸᑦ Japheth ᐃᑕᔥ᙮ ᐁᒻ ᑕᔥ ᑫᓇᓐ Canaan ᑮᐃᔑᓂᑳᓱᐗᓐ ᐅᑯᓯᓴᓐ᙮ 19ᒦᐗᐞ ᑕᔥ ᐅᐅ ᓅᐗ ᐅᑯᓯᓴᐞ ᑳᑮ ᓂᓯᓂᒡ 3, ᒦᑕᔥ ᐃᐃᒫ ᑳᐅᒌᓂᒡ ᑲᑭᓇ ᐯᒫᑎᓯᓂᒡ ᒥᓯᐌ ᐊᑮᕽ ᐁᔮᓂᒡ᙮
20ᓅᐗ ᑕᔥ ᑮᒫᒌ ᑭᑎᑫ, ᐁᑮ ᑭᑎᑳᓈᒡ ᔔᒥᓇᐞ᙮ 21ᐁᒥᓂᒀᑕᕽ ᑕᔥ ᔔᒥᓈᐴᓂ, ᑮᐊᓂ ᑮᐗᔥᑴᐲ᙮ ᐅᐸᒀᓀᑲᒥᑯᕽ ᑕᔥ ᑮᐱᒥᔑᓐ ᐁᑮᑭᑭᑯᓇᔦᓯᒃ᙮ 22ᐁᒻ ᑕᔥ ᑳᑮ ᐅᑯᓯᓯᒡ ᑫᓇᓐ ᐅᑮ ᐙᐸᒫᓐ ᐅᑌᑌᓐ ᐁᑭᑭᑯᓇᔦᓯᓂᒃ᙮ ᒦᔥ ᑳᐃᔑ ᐐᑕᒪᐙᒡ ᒥᒋᓃᔥ ᐐᒋᑭᐌᔭᐞ ᐊᑾᒌᕽ ᐁᔮᓂᒡ᙮ 23ᒥᒋᓃᔥ ᐃᑕᔥ ᔖᑰᒡ ᐐᒋᑭᐌᔭᐞ ᐅᑮ ᐅᑖᐱᓈᒥᓂ ᑲᔥᑮᑮᐎᓐ ᐅᑖᓈᕽ ᐃᓇᑫ ᐅᑎᓂᒫᑲᓂᐙᕽ ᐁᑮ ᐃᓂᓇᒧᐙᒡ᙮ ᑮᐊᔐᐅᓭᐗᐞ ᐃᑕᔥ ᐁᑮ ᐊᑾᓇᐙᓂᒡ ᐅᑌᑌᐙᓂ ᐁᑭᑭᑯᓇᔦᓯᓂᒃ᙮ ᓂᑯᒋ ᑕᔥ ᑮᐃᓂᑴᓂᐗᐞ ᒋᐙᐸᒫᓯᓂᒃ ᐅᑌᑌᓂ ᐁᑭᑭᑯᓇᔦᓯᓂᒃ᙮ 24ᐊᐲ ᑕᔥ ᓅᐗ ᑳᐋᑌᐲᒡ, ᐁᑭᑫᑕᕽ ᐃᑕᔥ ᐋᓃᓐ ᑳᑑᑖᑯᒡ ᐃᓂ ᒫᐗᒡ ᐌᔒᒣᔑᒫᐎᓂᒡ ᐅᑯᓯᓴᓐ, 25ᒦᐅ ᑳᐃᑭᑐᒡ,
ᑕᑲ ᑕᒪᒐᑭᒫ ᑫᓇᓐ Canaan!
ᐅᑲ ᐸᒦᑕᐙᐞ ᓴ ᐐᒋᑭᐌᔭᐞ᙮
26ᒦᑕᔥ ᑲᔦ ᑳᐊᓂ ᐃᑭᑐᒡ,
ᑕᒦᑴᒋᐌᓂᒫ ᑳᑎᐯᒋᑫᒡ,
ᔐᒻ ᑳᐅᑭᔐᒪᓂᑑᒥᒡ,
ᑕᑲ ᑫᓇᓐ ᐅᑲ ᐸᒦᑕᐙᓐ ᔐᒪᓐ᙮
27ᑕᑲ ᑭᔐᒪᓂᑑᓐ ᒉᐸᑦ Japheth ᐅᑲᓂ ᐹᑏᓄᐃᑰᓐ!
ᑕᑲ ᒉᐸᑦ ᐅᐲᐌᓰᒪᐞ
ᐅᑲᓂ ᑎᐯᑕᒥᓂ ᐁᔑᑖᓂᒡ ᔐᒥᕽ ᐌᒌᓂᒡ᙮
ᒉᐸᑦ ᐃᑕᔥ ᑲᔦ ᐅᑲ ᐸᒦᑖᑰᓐ ᑫᓇᓇᓐ,
ᑮᐃᑭᑐ ᓅᐗ᙮
28ᑳᐃᔥᒀ ᓂᑭᐲᓂᒃ ᑕᔥ ᓃᔣᒃ ᓈᓂᒥᑕᓇ 350 ᑕᓱ ᐱᐴᓐ ᑮᐱᒫᑎᓯ ᓅᐗ᙮ 29ᓅᐗ ᑕᔥ ᔖᑲᔂᒃ ᓈᓂᒥᑕᓇ 950 ᒫᒪᐤ ᑮᑕᓱ ᐱᐴᓉ, ᒦᔥ ᑳᑮ ᐃᔥᒀ ᐱᒫᑎᓯᒡ᙮
Nu geselecteerd:
ᒉᓂᓯᔅ 9: OJBS
Markering
Deel
Kopiëren
Wil je jouw markerkingen op al je apparaten opslaan? Meld je aan of log in
Ojibwe Shorter Bible (Syllabic Script) © 2008 Canadian Bible Society
