ᒉᓂᓯᔅ 11
11
ᑳᑎᐯᒋᑫᒡ ᐯᐸᑳᓐ ᑮᐃᔑᑮᔗᐋᒡ ᑲᑭᓇ ᐯᒫᑎᓯᓂᒡ
1ᒫᐗᒡ ᑕᔥ ᐃᑯ ᓂᑕᒻ ᑲᑭᓇ ᑳᑮ ᐱᒫᑎᓯᐙᒡ ᐅᐅᒫ ᐊᑮᕽ ᐯᔑᑾᓐ ᑮᐃᔑᑮᔗᐗᒃ, ᐯᔑᑾᓐ ᑲᔦ ᐃᑭᑐᐎᓇᓐ ᐅᑮ ᐋᐸᒋᑑᓈᐙᓐ᙮ 2ᒦᑕᔥ ᐁᐸᐹᒥ ᐊᔮᐙᒡ ᐙᐸᓄᕽ ᐃᓇᑫ ᐁᐃᔖᐙᒡ, ᐅᑮ ᐅᑎᑖᓈᐙ ᐊᑮᓂ ᐁᐸᔥᒀᓂᒃ ᔖᐃᓇᕒ Shinar ᐁᑮ ᐃᔑᓂᑳᑌᓂᒃ᙮ ᒦ ᐃᒫ ᑳᐃᔑ ᑲᐯᔑᐙᒡ᙮ 3ᒦᑕᔥ ᑳᐃᑭᑐᐙᒡ ᐁᑲᑲᓅᓂᑎᐙᒡ, ᐊᐯᔪᒃ, ᑕᑲ ᐅᔑᐋᑖᓂᒃ ᑲᑲᑫᔮᐱᑲᓯᓃᒃ, ᒑᑭᔂᑖᓂᒃ ᑲᔦ ᒋᒪᔥᑲᐎᓯᐙᒡ᙮ ᒦᑕᔥ ᐃᐃ ᑲᑲᑫᔮᐱᑲᓯᓃᐞ ᑳᐋᐸᒋᐋᐙᒡ, ᐱᑭᐗᓐ ᑲᔦ ᐅᑮ ᐋᐸᒋᐋᐙᓐ ᑫᐅᒋ ᑭᒋᐙᐱᑭᔑᓂᓂᒡ ᐃᐃ ᐊᓯᓃᐞ᙮ 4ᑮᐃᑭᑐᐗᒃ ᑲᔦ, ᐊᐯᔪᒃ, ᑕᑲ ᐅᔑᑕᒫᓱᑖ ᑭᒋ ᐆᑌᓇ, ᐅᐸᑭᑑᑖ ᑲᔦ ᑫᑰᓐ ᒌᔥᐸᑭᑌᒃ, ᐗᑭᒐᔭᐄ ᒋᐅᑎᑖᑭᑌᒃ ᐌᑎ ᑭᒋ ᑮᔑᑯᕽ᙮ ᒦᑕᔥ ᑫᐅᒋ ᑭᑫᓂᒥᑰᔭᕽ, ᑳᐐᓐ ᑕᔥ ᑲᔦ ᒥᓯᐌ ᑭᑲ ᐃᔑ ᒥᓯᑌᔥᑳᓰᒥᓐ ᐅᐅᒫ ᐊᑮᕽ᙮
5ᑳᑎᐯᒋᑫᒡ ᑕᔥ ᑮᐱᓈᔒ ᐁᐐ ᐙᐸᑕᕽ ᐃᐃ ᑭᒋ ᐆᑌᓈᓂ, ᐃᐃ ᑲᔦ ᐃᔥᐹᐱᑭᓂᑲᓐ ᑳᑮ ᐅᔑᑑᓂᒡ ᐯᒫᑎᓯᓂᒡ᙮ 6ᑳᑎᐯᒋᑫᒡ ᑕᔥ ᑮᐃᑭᑐ, ᐃᓇᔥᑫ ᒥᒋ ᐯᔑᑴᐙᓇᑭᓯᐗᒃ ᐯᒫᑎᓯᐙᒡ, ᑲᑭᓇ ᑲᔦ ᐯᔑᑾᓐ ᐃᔑᑮᔗᐗᒃ᙮ ᒦᑕᔥ ᐅᐅ ᑳᒫᒌ ᐃᔑᒋᑫᐙᒡ, ᑳᐐᓐ ᑲᔦ ᑫᑰᓂᓂ ᐅᑲ ᑆᓇᐎᑑᓰᓈᐙ ᒌᔑᒋᑫᐙᒡ ᐋᓃᓐ ᐁᔑ ᐊᑕᐌᑕᒧᐙᒡ᙮ 7ᐊᐯ, ᑕᑲ ᓈᔕᔭᐄ ᐃᔖᑖ, ᐗᐙᓀᑕᒧᑖᐙᑖ ᐅᑎᔑᑮᔗᐎᓂᐙ, ᒋᓂᓯᑐᑖᑎᓯᒀ ᑲᑲᓅᓂᑎᐙᒡ᙮ 8ᒦᑕᔥ ᑳᑎᐯᒋᑫᒡ ᑳᑮ ᒥᓯᑌᓈᒡ ᐯᒫᑎᓯᓂᒡ ᒥᓯᐌ ᐅᐅᒫ ᐊᑮᕽ ᒌᔖᓂᒡ᙮ ᐅᑮ ᐴᓂᑑᓂ ᓴ ᐃᐃ ᑭᒋ ᐆᑌᓈᓂ ᑳᑮ ᐅᔑᑑᓂᐸᓐ᙮ 9ᐃᐃ ᑕᔥ ᑭᒋ ᐆᑌᓈᓂ ᐯᐸᓬ Babel#11.9 ᐯᐸᓬ Babel: ᐃᐃᐌ ᐃᑭᑐᐎᓐ ᐯᐸᓬ ᑳᐃᒋᑳᑌᒃ ᐗᐗᓀᑕᒥᑖᑾᓐ, ᒦ ᐃ ᐁᔑᓂᓯᑑᑕᒧᐙᒡ ᐄᐸᕒᐆᐗᒃ ᑳᐃᔑᑮᔗᐙᒡ᙮ ᑮᐃᔑᓂᑳᑌᓂ, ᐋᓃᔥ ᒦ ᐃᒫ ᑳᑎᐯᒋᑫᒡ ᑳᑮ ᐃᔑ ᐗᐙᓀᑕᒧᑑᒡ ᒫᒪᐤ ᑳᑮ ᐃᔑᑮᔗᓈᓂᐗᓂᓂᒃ ᒥᓯᐌ ᐅᐅᒫ ᐊᑮᕽ᙮ ᒦᑕᔥ ᑲᔦ ᐃᐃᒫ ᑳᑎᐯᒋᑫᒡ ᑳᑮ ᐅᒋ ᒥᓯᑌᓈᒡ ᐯᒫᑎᓯᓂᒡ ᒥᓯᐌ ᐅᐅᒫ ᐊᑮᕽ ᒌᔖᓂᒡ᙮
ᔐᒻ ᐅᐲᐌᓰᒪᐞ ᐁᑕᔑᓱᓂᒡ
10ᒦ ᐅᐅᐌᓂᐗᐞ ᐅᐲᐌᓰᒪᐞ ᔐᒻ ᐁᑕᔑᓱᓂᒡ: ᓃᔓ ᐱᐴᓐ ᓴ ᐁᐃᔑᓭᓂᒃ ᐊᐲ ᑳᐃᔥᒀ ᓂᑭᐲᒃ ᐊᑭ, ᔐᒻ ᓂᑯᑣᒃ 100 ᑮᑕᓱ ᐱᐴᓉ᙮ ᒦᔥ ᑳᑮ ᐅᑯᓯᓯᒡ, ᐊᕒᐸᑭᓵᑦ Arphaxad ᐁᑮ ᐃᔑᓂᑳᓈᒡ᙮ 11ᐊᐲ ᓴ ᑳᐃᔥᒀ ᐊᔮᐙᒡ ᐃᓂ ᐅᑯᓯᓴᓐ, ᑫᔮᐱ ᓴ ᓈᓍᒃ 500 ᑕᓱ ᐱᐴᓐ ᑮᐱᒫᑎᓯ᙮ ᑯᑕᒃ ᐃᑕᔥ ᑲᔦ ᐊᐱᓅᒌᔕᐞ ᐅᑮ ᐱ ᐊᔮᐙᐞ᙮
12ᐊᐊ ᓴ ᐊᕒᐸᑭᓵᑦ ᓂᓯᒥᑕᓇᔑᓈᓇᓐ 35 ᐁᑕᓱ ᐱᐴᓉᒡ ᑮᐅᑯᓯᓯ, ᔒᓬᐊ Shelah ᐁᑮ ᐃᔑᓂᑳᓈᒡ᙮ 13ᐊᐲ ᓴ ᑳᐃᔥᒀ ᐊᔮᐙᒡ ᐃᓂ ᐅᑯᓯᓴᓐ ᑫᔮᐱ ᓴ, ᓃᐙᒃ ᓂᓱᐱᐴᓐ 403 ᑮᐱᒫᑎᓯ᙮ ᑯᑕᒃ ᐃᑕᔥ ᑲᔦ ᐊᐱᓅᒌᔕᐞ ᐅᑮ ᐱ ᐊᔮᐙᐞ᙮
14ᐊᐊ ᓴ ᔒᓬᐊ ᓂᓯᒥᑕᓇ 30 ᐁᑕᓱ ᐱᐴᓉᒡ ᑮᐅᑯᓯᓯ, ᐄᐸᕒ Eber ᐁᑮ ᐃᔑᓂᑳᓈᒡ᙮ 15ᐊᐲ ᓴ ᑳᐃᔥᒀ ᐊᔮᐙᒡ ᐃᓂ ᐅᑯᓯᓴᓐ ᑫᔮᐱ ᓴ, ᓃᐙᒃ ᓂᓱᐱᐴᓐ 403 ᑮᐱᒫᑎᓯ᙮ ᑯᑕᒃ ᐃᑕᔥ ᑲᔦ ᐊᐱᓅᒌᔕᐞ ᐅᑮ ᐱ ᐊᔮᐙᐞ᙮
16ᐊᐊ ᓴ ᐄᐸᕒ ᓂᓯᒥᑕᓇᔑᓃᐎᓐ 34 ᐁᑕᓱ ᐱᐴᓉᒡ ᑮᐅᑯᓯᓯ, ᐲᓬᐁᒃ Peleg ᐁᑮ ᐃᔑᓂᑳᓈᒡ᙮ 17ᐊᐲ ᓴ ᑳᐃᔥᒀ ᐊᔮᐙᒡ ᐃᓂ ᐅᑯᓯᓴᓐ ᑫᔮᐱ ᓴ, ᓃᐙᒃ ᓂᓯᒥᑕᓇ 430 ᑕᓱ ᐱᐴᓐ ᑮᐱᒫᑎᓯ᙮ ᑯᑕᒃ ᐃᑕᔥ ᑲᔦ ᐊᐱᓅᒌᔕᐞ ᐅᑮ ᐱ ᐊᔮᐙᐞ᙮
18ᐊᐊ ᓴ ᐲᓬᐁᒃ ᓂᓯᒥᑕᓇ 30 ᐁᑕᓱ ᐱᐴᓉᒡ ᑮᐅᑯᓯᓯ, ᕒᐄᐅ Reu ᐁᑮ ᐃᔑᓂᑳᓈᒡ᙮ 19ᐊᐲ ᓴ ᑳᐃᔥᒀ ᐊᔮᐙᒡ ᐃᓂ ᐅᑯᓯᓴᓐ ᑫᔮᐱ ᓴ, ᓃᔣᒃ ᔖᑲᓱ 209 ᐱᐴᓐ ᑮᐱᒫᑎᓯ᙮ ᑯᑕᒃ ᐃᑕᔥ ᑲᔦ ᐊᐱᓅᒌᔕᐞ ᐅᑮ ᐱ ᐊᔮᐙᐞ᙮
20ᐊᐊ ᓴ ᕒᐄᐅ ᓂᓯᒥᑕᓇᔑᓃᔑᓐ 32 ᐁᑕᓱ ᐱᐴᓉᒡ ᑮᐅᑯᓯᓯ, ᓰᕒᐋᒃ Serug ᐁᑮ ᐃᔑᓂᑳᓈᒡ᙮ 21ᐊᐲ ᓴ ᑳᐃᔥᒀ ᐊᔮᐙᒡ ᐃᓂ ᐅᑯᓯᓴᓐ ᑫᔮᐱ ᓴ, ᓃᔣᒃ ᓃᔣᓱ 207 ᑕᓱ ᐱᐴᓐ ᑮᐱᒫᑎᓯ᙮ ᑯᑕᒃ ᐃᑕᔥ ᑲᔦ ᐊᐱᓅᒌᔕᐞ ᐅᑮ ᐱ ᐊᔮᐙᐞ᙮
22ᐊᐊ ᓴ ᓰᕒᐋᒃ ᓂᓯᒥᑕᓇ 30 ᐁᑕᓱ ᐱᐴᓉᒡ ᑮᐅᑯᓯᓯ, ᓀᐅᕒ Nahor ᐁᑮ ᐃᔑᓂᑳᓈᒡ᙮ 23ᐊᐲ ᓴ ᑳᐃᔥᒀ ᐊᔮᐙᒡ ᐃᓂ ᐅᑯᓯᓴᓐ ᑫᔮᐱ ᓴ, ᓃᔣᒃ 200 ᑕᓱ ᐱᐴᓐ ᑮᐱᒫᑎᓯ᙮ ᑯᑕᒃ ᐃᑕᔥ ᑲᔦ ᐊᐱᓅᒌᔕᐞ ᐅᑮ ᐱ ᐊᔮᐙᐞ᙮
24ᐊᐊ ᓴ ᓀᐅᕒ ᓃᔥᑕᓇᔑᔖᑲᓱ 29 ᐁᑕᓱ ᐱᐴᓉᒡ ᑮᐅᑯᓯᓯ, ᑏᕒᐊ Terah ᐁᑮ ᐃᔑᓂᑳᓈᒡ᙮ 25ᐊᐲ ᓴ ᑳᐃᔥᒀ ᐊᔮᐙᒡ ᐃᓂ ᐅᑯᓯᓴᓐ ᑫᔮᐱ ᓴ, ᓂᑯᑣᒃ ᒥᑖᔑᔖᑲᓱ 119 ᑕᓱ ᐱᐴᓐ ᑮᐱᒫᑎᓯ᙮ ᑯᑕᒃ ᐃᑕᔥ ᑲᔦ ᐊᐱᓅᒌᔕᐞ ᐅᑮ ᐱ ᐊᔮᐙᐞ᙮
26ᐊᐊ ᓴ ᑏᕒᐊ ᓃᔣᓯᒥᑕᓇ 70 ᐁᑕᓱ ᐱᐴᓉᒡ ᑮᐅᑯᓯᓯ, ᐁᐸᕒᐊᒻ Abram, ᓀᐅᕒ Nahor, ᐁᕒᐊᓐ Haran ᐁᑮ ᐃᔑᓂᑳᓈᒡ ᐃᐃ ᐅᑯᓯᓴᐞ᙮
ᑏᕒᐊ Terah ᐅᐲᐌᓰᒪᐞ ᐁᑕᔑᓱᓂᒡ
27ᒦ ᐅᐅᐌᓂᐗᐞ ᐅᐲᐌᓰᒪᐞ ᑏᕒᐊ Terah ᐁᑕᔑᓱᓂᒡ: ᒦ ᓴ ᐅᐅᐌᓂᐗᐞ ᑏᕒᐊ ᑳᑮ ᐅᑯᓯᓯᒡ; ᐁᐸᕒᐊᒻ Abram, ᓀᐅᕒ Nahor, ᐃᓂ ᑲᔦ ᐁᕒᐊᓐ Haran ᑳᑮ ᐃᔑᓂᑳᓱᓂᒡ᙮ ᐊᐊ ᑕᔥ ᐁᕒᐊᓐ ᐅᑯᓯᓴᓐ ᓬᐋᑦ Lot ᑮᐃᔑᓂᑳᓱᐗᓐ᙮ 28ᒣᒀ ᓴ ᐅᑌᑌᓐ ᑏᕒᐊᐗᓐ ᐁᐱᒫᑎᓯᓂᒡ, ᐁᕒᐊᓐ ᓴ ᑮᑕᔑ ᐃᔥᒀ ᐱᒫᑎᓯ ᐃᐃᒫ ᐁᕒ Ur ᐆᑌᓈᕽ, ᐹᐱᓬᐊᓐ Babylon ᐊᑮᕽ ᑳᑮ ᐅᒋ ᓂᑖᐎᑭᒡ᙮ 29ᐃᑭ ᑕᔥ ᒥᒋᓃᔥ ᐁᐸᕒᐊᒻ ᐊᐊ ᑲᔦ ᓀᐅᕒ ᑮᐐᐎᐗᒃ᙮ ᐁᐸᕒᐊᒻ ᓴ ᐐᐗᓐ ᓭᕒᐊᐄ Sarai ᑮᐃᔑᓂᑳᓱᐗᓐ᙮ ᐊᐊ ᑕᔥ ᐐᓐ ᓀᐅᕒ ᐐᐗᓐ ᒥᓬᑲ Milcah ᑮᐃᔑᓂᑳᓱᐗᓐ ᐅᑕᐌᒫᓂ ᐃᔅᑲ Iscah ᐁᑮ ᐃᔑᓂᑳᓱᓂᒡ᙮ ᐃᑭ ᑕᔥ ᐃᑴᐗᒃ ᓀᐅᕒ ᑮᐃᔑᓂᑳᓱᐗᓐ ᐅᑌᑌᐙᓐ᙮ 30ᐊᐊ ᓴ ᐐᓐ ᓭᕒᐋᐃ ᑳᐐᓐ ᐅᑮ ᑲᔥᑭᑑᓰᓐ ᒋᐅᓃᒑᓂᓯᒡ᙮ 31ᑏᕒᐊ ᑕᔥ ᐅᑮ ᒫᒌᓈᓐ ᐅᑯᓯᓴᓐ ᐁᐸᕒᐊᒪᓐ, ᐐᐎᓂ ᑲᔦ ᑳᑮ ᐅᔒᒥᓯᒡ ᓭᕒᐊᐄ ᐁᔑᓂᑳᓱᓂᒡ᙮ ᐆᔑᓴᓐ ᑲᔦ ᓬᐋᑦ ᐁᔑᓂᑳᓱᓂᒡ ᑳᑮ ᐅᑌᑌᓂᒡ ᐁᕒᐊᓇᓐ ᐅᑮ ᑕᑯ ᒫᒌᓈᓐ᙮ ᒦᑕᔥ ᑳᐃᔑ ᒫᒑᐙᒡ ᐁᑮ ᓇᑲᑕᒧᐙᒡ ᐁᕒ Ur ᐆᑌᓇ ᐁᔮᓂᒃ ᑳᓬᑏᔭ Chaldea ᐊᑮᕽ#11.31 ᑳᓬᑏᔭ Chaldea ᐊᑭ: ᒦ ᐯᔑᑾᓐ ᐃᐃ ᐊᑭ ᐹᐱᓬᐊᓐ ᑳᐃᒋᑳᑌᒃ᙮ ᐁᐐ ᐃᔖᐙᒡ ᑫᓇᓐ Canaan ᐊᑮᕽ᙮ ᐊᐲ ᑕᔥ ᐁᓂ ᑕᑯᔑᓄᐙᒡ ᐁᕒᐊᓐ ᐆᑌᓈᕽ, ᒦ ᐃᒫ ᑳᐃᔑ ᑲᐯᔑᐙᒡ᙮ 32ᒦᑕᔥ ᐌᑎ ᑏᕒᐊ ᑳᑕᔑ ᐃᔥᒀ ᐱᒫᑎᓯᒡ ᓃᔣᒃ ᓈᓇᓐ 205 ᐁᑮ ᑕᓱ ᐱᐴᓉᒡ᙮
Nu geselecteerd:
ᒉᓂᓯᔅ 11: OJBS
Markering
Deel
Kopiëren
Wil je jouw markerkingen op al je apparaten opslaan? Meld je aan of log in
Ojibwe Shorter Bible (Syllabic Script) © 2008 Canadian Bible Society
