2 RÊNGHAI 11
11
Juda rêngnu Athali
(2 Tsn 22.10—23.15)
1Reng Ahazia thina thu a nu Athali’n an hriatin chu rêng in sûng mihai an thattirhaia. 2Ahazia nâipa Joasa irchia mi ithat zoi loi, rêng Jorama nâinu Jehosebi, Ahazia farnu’n a thup inrûk a ni. A dontu leh tempil hmun khata hin Athali hmu thei loina hrangin thup inrûk a nia, thatpai theiloi a ni. 3Athali inlal zoro kum ruk sûng chu Jehosebi khan tempila thupin, a ienkol a ni.
4A kum sarina tena chu ochai inlaltak Jehoiada’n rêng hrungtu Keret sipai irzakhat hruaitu le rêng in hrungtu sipaihai chu a koibukhaia; an thiltho tum chu a hrilhaia, tempil sûnga khomâkirsâmin a sa a tipuia, rêng Ahazia nâipa Joasa chu a hmua. 5Khan ama’n, “Nin tho tum chu hiang hin a ni: nin laia irngam nia hong hranghai hi hmun thuma sena, hmun khatin rêng in chu hrung ri sehai.
6“Hmun thuma hmun khatin Sur lampui hrung unglân; a dang hmun khathaiin a hrungtuhai hnunga lampui hrung roi, 7a hrungtu pâl hni Sabat nia irngam hranghaiin rêng in hrung hrangin tempila an iom hrang a ni. 8Reng Joasa hi khandai kêlsua saia chôiin nin ihrung hrang a ni, a fena hmun tina zui unglân; a hong nâi murdi chu lei thathai roi,” a tia.
9Sipai hruaituin Jehoiada thu suak chu an zôma, an sipai Sabat nia irngam hranghai le sintho hranghai chu an hong hruaihaia. 10Tempil sûnga an ihrê insa rêng Davida ufei le a phohai chu sipai hruaituhai kuta an pêka. 11Tempil maton tiang khandai kêlsua sai chôiin rêng in hrung hrangin ar tângtirhaia. 12Jehoiada’n Joasa chu a hruai suaka, rêng lukhum chu an khumtira, rêng om hrang dân hrang irziakna bu chu a pêka; Joasa chu sahriak a pola, rêng a chang tâka. Mipuihaiin an kut an inbên dur dura, “Reng chu dam sôt ri se,” an tia.
13Rengnu Athali’n a hrungtuhai le sipaihai irhâi an hriatin, mipui irbukna tempil tiang inrang takin a fe suaka. 14#2 Rng 23.3 Reng thar chu rênghai ngîrna hmun hranga inkungna tempil lûtna bang bula khan a lei ngîra. Sipai hruaitu le bekul tum theihaiin an le’rhuala, mipuihai chu raifân takin an len nui dur dura. Bekul an tuma. Athali chardongin, a puan an potthêra, “An ni ihuang kêng a ni hi te,” a tia. 15Jehoiada’n tempil irkulna sûnga Athali that chu a sa ti maka, sipai hruaituhai kuang khan, “Sipai irtânghai laia hruai suak unglân, a san hranga hong murdi lei thatpaihai roi,” a tia. 16Athali chu an chela, rêng in tiang panin an hruaia, sakor mikot an itina hmuna khan an thatpai tâka.
Jehoiada-hai thilsiam insat
(2 Tsn 23.16-21)
17Ochai, Jehoiada’n rêng Joasa le mipui chu Rengpa mi ni hrangin chong an kungtirhaia. Reng le mipuihai kâra thuthung a siama. 18Mipuihai chu Baal tempila an fea, an insiata, maichâmhai insiatin, millimhai chu an vîk siathai vinga. Baal ochai Matana chu a maichâm kôla khan an thata.
Ochai Jehoiada’n tempil hrung hrangin mi a siaa. 19Reng hrungtu Keret sipai irzakhat hruaitu, rêng in hrungtu sipai hruaitu leh khan, tempil rengata rêng chu reng ina an hruaia, mipuiin an zuia. A hrungtuhai mikota Joasa chu a lûta, rêngtoihmunna khan a toi tâka. 20Mipuihai chu a sâna raiinfânin, Athali chu rêng ina an that sikin, kho sûnga ite buaina om ta mah. 21Khanchu Joasa khom kum sari a niin Judai rama rêng a chang tâka.
Nu geselecteerd:
2 RÊNGHAI 11: HRACLBSI
Markering
Delen
Kopiëren
Wil je jouw markerkingen op al je apparaten opslaan? Meld je aan of log in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.