Populaire Bijbelverzen uit Genesis 50

Deel

Nagplano kamo nin maraot laban sako, alagad pinakarahay ini nin Dios tanganing ikaligtas an buhay nin dakul na tawo, na buhay sagkod ngunyan.

Alagad sinabihan sinda ni Jose, “Dai kamo matakot; huli ta dai ko pwedeng ibugtak an sadiri ko sa lugar nin Dios.

Kaya dai kamo matakot, aatamanon ko kamo sagkod an saindong mga aki.” Siring an pagranga ni Jose sa saiyang mga tugang.

‘Nakikimaherak ako na patawadon mo na an saimong mga tugang kan sala na naginibo ninda saimo.’ Kaya, nakikimaherak kaming patawadon mo na an kasalan kan mga oripon kan Dios nin saimong ama.” Kan makaabot ki Jose an mensahe, naghibi siya.

Sinabihan ni Jose an saiyang mga tugang, “Madali na akong magadan, alagad aatamanon kamo nin Dios asin papangenotan niya kamo paluwas sa dagang ini pasiring sa dagang ipinanuga niya ki Abraham, ki Isaac asin ki Jacob.”

Dangan pinasumpa ni Jose an mga kapagarakian ni Israel, “Magsumpa kamo sako na kun darahon na kamo nin Dios sa dagang panuga, na dadarahon nindo an sakong bangkay.”

Nagadan si Jose sa Egipto sa edad na syento dyes na taon. Pinag-embalsamar ninda an saiyang bangkay asin ilinaog sa sarong kabaong.