Populaire Bijbelverzen uit Genesis 49

Deel

Dai mahahale an setro ki Juda, Asin sa mga kapagarakian niya, Sagkod na umabot an kagsadiri kaiyan Asin sa saiya makuyog an mga banwaan.

“Sarong mabinungang sanga si Jose, Sarong mabinungang sanga sa may burabod. Mangirhat siyang sinasalakay kan saiyang mga kaiwal Asin linalamag siya ninda kan saindang mga pana.

Alagad nagin masarig an saiyang pana; Pinakosog an saiyang braso Kan kapangyarihan kan Makakamhan na Dios ni Jacob, Kan Pastor, an Gapo nin Israel. An Dios nin saimong ama iyo an nagtatabang saimo An Makakamhan na Dios an nagbebendisyon saimo; Mga bendisyon nin uran hale sa itaas, Asin nin katubigan sa irarom nin daga, Bendisyon nin mga hayop saka nin mga aki.

“Juda, oomawon ka kan saimong mga tugang. Kakapotan mo sa liog an saimong mga kaiwal. Maduko kan saindang payo an saimong mga tugang. Si Juda arog sa sarong leon, Ginagadan niya an saiyang biktima dangan minapuli sa saiyang lungib, Minaunat kan saiyang lawas asin minahigda. Mayong nangangahas na magpukaw saiya.

“Ika Ruben, an sakong matua, an sakong kosog, An enot na bunga kan sakong pagkalalaki, Pinakamapaabaw-abaw asin pinakamakosog sa gabos kong aki. Garo ka sarong anggot na baha, Alagad bakong ika an pinakamahalaga, Huli ta dinorogan mo an sakong kasaroan Asin dinigtaan mo an higdaan kan saimong ama.