Populaire Bijbelverzen uit Mateu 5

Deel

Po ashtu nuk ndizet një qiri për ta vënë nën babune, por për ta vënë mbi shandan, dhe t'u bëjë dritë të gjithë atyre që janë në shtëpi. Ashtu le të shndritë drita juaj para njerëzve, që të shohin veprat tuaja të mira dhe ta lëvdojnë Atin tuaj që është në qiej''.

Ju jeni drita e botës; një qytet i ngritur në majë të malit nuk mund të fshihet.

Lum ata që janë të pastër në zemër, sepse ata do ta shohin Perëndinë.

Lum ata që janë të uritur dhe të etur për drejtësi, sepse ata do të ngopen.

Por unë po ju them: "Duajini armiqtë tuaj, bekoni ata që ju mallkojnë, u bëni të mirë atyre që ju urrejnë, dhe lutuni për ata që ju keqtrajtojnë dhe ju përndjekin

''Lum skamësit në frymë, sepse e tyre është mbretëria e qiejve.

Lum ata që përpiqen për paqen, sepse ata do të quhen bij të Perëndisë.

Lum ata që vajtojnë, sepse ata do të ngushëllohen.

Lum ata që janë përndjekur për hir të drejtësisë, sepse e tyre është mbretëria e qiejve.

Lum ata që janë të mëshirshëm, sepse ata do të gjejnë mëshirë.

Lum ju kur do t'ju shajnë dhe do t'ju përndjekin dhe, duke gënjyer, do të thonë të gjitha të zezat kundër jush, për shkakun tim. Gëzohuni dhe ngazëllohuni, sepse shpërblimi juaj është i madh në qiej, sepse kështu i kanë përndjekur profetët që qenë para jush''.

Lum ata që janë zemërbutë, sepse ata do ta trashëgojnë tokën.

''Ju jeni kripa e tokës; por në qoftë se kripa bëhet e amësht, me se mund ta rifitojë shijen? Nuk vlen për asgjë, veçse për t'u hedhur dhe ta shkelin njerëzit.

Jini, pra, të përkryer, ashtu siç është i përsosur Ati juaj, që është në qiej''.

Por fjala jote të jetë: Po, po; jo, jo; gjithçka më tepër vjen nga i ligu.

Ju keni dëgjuar se qe thënë: "Sy për sy dhe dhëmb për dhëmb". Por unë po ju them: Mos i rezisto të ligut; madje, në qoftë se dikush të qëllon mbi faqen e djathtë, ktheja dhe tjetrën

Në qoftë se syri yt i djathtë të çon në mëkat, hiqe dhe flake larg teje, sepse është më mirë për ty që të humbësh një nga gjymtyrët e tua se sa të hidhet në Gehena gjithë trupi yt; dhe në qoftë se dora jote e djathtë të çon në mëkat, preje dhe hidhe larg teje, sepse është më mirë që të humbësh një nga gjymtyrët e tua se sa të hidhet në Gehena gjithë trupi yt.