Populaire Bijbelverzen uit Génesis 15

Deel

Jix yaon oc Abram yin scꞌul tzet jix yal Jehová, yu jun tuꞌ, caw watxꞌ cꞌal jix yun scan naj yul sat Jehová.

Jaꞌ yet jix lawi ecꞌ wan tuꞌ xin, jix kꞌanabꞌ Jehová yetoj Abram yin weyicheal, jix yalon Jehová tet naj jaxca tiꞌ: —Jaach Abram, manche jaach xiwi, jain oj jaach jin coloꞌ, caw miman ja pajtzebꞌal oj ja chaꞌ, ẍi Jehová.

Catuꞌ jix iꞌle eltej Abram tuꞌ stiꞌ na yu Jehová, jix yalon tet jaxca tiꞌ: —Il ton abꞌ yili atoj satcan tuꞌ, bꞌiston abꞌ wan weycan tuꞌ, ta chi bꞌischa ebꞌ ja wu. Jaxca ton tuꞌ oj yun sbꞌisil ebꞌ ja wicꞌaal, ẍi Jehová.

Jix yalon Jehová tet naj Abram jaxca tiꞌ: —Cꞌamaj, jaꞌcaw jun ja cꞌaal oj iꞌon can ocoj, catuꞌ manaj naj comon ánima tuꞌ oj iꞌon can ocoj.

Jix lawi tuꞌ, jix yalon Jehová tet naj Abram jaxca tiꞌ: —Sowalil cha wotajne eloj tol jaꞌ ebꞌ ja wicꞌaal, oj toj caey ebꞌ bꞌey junojxa txꞌoj conobꞌal, catuꞌ oj oc ebꞌ yin yakꞌomaloj servil. Oj etex ebꞌ sicꞌlebꞌil yin 400 abꞌil.

Catuꞌ jix takꞌwi Abram jaxca tiꞌ: —Jaach Waawil jin Reyal, ¿tzet wal yopiso jun spajtzebꞌal tuꞌ wu an? Ja wotaj sicꞌlebꞌil tol cꞌam junoj wuninal jix ja wakꞌa, yet chi yiꞌon can oc masanil tzet ey, ey jin, yuxan jaꞌ mactxequel oj iꞌon can oc masanil jin tzetyetal tiꞌ, jaꞌton naj jin chejabꞌ Eliézer, naj a Damasco.

Jaꞌ yet jun cꞌual tuꞌ, jix yal can jun swa kꞌane Jehová yetoj Abram yin junelne, jix yalon jaxca tiꞌ: —Jaꞌ jun txꞌotxꞌ tiꞌ oj wakꞌ tet ebꞌ ja wicꞌaal, chi tit tacꞌal txꞌotxꞌ bꞌey jaꞌ jaꞌ bꞌey Egipto, masantaꞌcꞌal bꞌey jaꞌ miman Éufrates.

Yet scan tujanxa icꞌaaleal ebꞌ ja wicꞌaal oj ecꞌ eloj, catuꞌ oj meltzo pax tej ebꞌ junelxa titiꞌ, yutol jaꞌ ebꞌ Amorreo caan ecꞌ tinaniꞌ caw pena sbꞌeybꞌal ebꞌ, yuxan ey jun cꞌual oj wiꞌel ebꞌ an, ẍi Jehová.