Populaire Bijbelverzen uit Matìyò 16

Deel

Yeso ya si ghà abə mə̀mə̀nənùg məd gha, “Wə̀d mɔ̀ʼɔ mə̀ kə̀b ni yaʼ àmə àmə̀nənùg, tengàŋ mənyìʼ ton inug mbe ne nyàmnyɔd məd ze ghə̀ʼrə̀ si bèʼì àzi azed abaʼri bèni abɔ̀ʼ inum.

Mə ghà tesiʼ ine gha, Àghò ya Pità. Àghò ya igho we ne mə̀ biri kɔd ifeti bəd Kristo igun. Chəyi ika inga aben iwu bəd biri bèrì ika ni nimni ifeti we.

Mə biri nàʼ afiʼì anug ìfɔ̀n ikaŋ ine. Anug ne àghò to̰ igun isəg, Ŋwiye biri bə ton ikaŋ àbɔ̀ŋɔ. Anug ne àghò bḛ igun isəg, Ŋwiye biri bə bḛ ikaŋ àbɔ̀ŋɔ”.

Aton ya gha, wə̀d ne kə̀bə̀ ni kyèmbì ìwi ìtḛ̀, tengàŋ bìri sam ìtḛ̀ we. Àsi wə̀d ne sami ìwi ìtḛ̀ imbə̀ʼ amə, tengàŋ biri jəg ìtḛ̀ we.

Wə̀d kə mə̀ bèrì ighi igun isəg aŋa ijìm si sam ìwi ìtḛ̀, chùd ne angu àkə aghə? Kə̀ aghi ne tì wə̀d nàʼ ni zon ìwi ìtḛ̀, àkə aghə?

Yeso ya biri inɔb gha, “Àsi mbə̰, mbə̀ kə gha mo ya we?” Sayimùn Pità ya ywìtì gha, “Àghò ya Wə̀d we ne Ŋwiye zɔ̀ʼi, Ŋwan ìwi Ŋwiye we ne yaʼi izɔm.”

Yeso ya ywìtì gha, “Ŋwiye ziye àbɔrɔ̀bɔd igun ine, àghò Sayimùn, ŋwan Jɔn imbə̀ʼ icheg ne kayi wə̀d-aku ghi àghò kyèri anug azo̰. À ya ìmə Mbaʼ ne yaʼi ikaŋ àbɔ̀ŋɔ ghi àghò kyèri.