Populaire Bijbelverzen uit Jøøn 12

Deel

'Ba ni näk da ŋat mo tïnynya aani, wär eni caath køøra. Ni kanyo ena yie, beeye kanyo en ŋat wø tïny aani yie thuwø. 'Ba ni näk da ŋat mo tïnynya aani, eno røøny Wära.

Ŋat wø mëër ki jwïëye, wø nyääga gø. 'Ba ŋat wø män ki jwïëye yi pinyi en, gwøga gø kiper kwøw mana näk adïëri mo bäŋ cuŋŋe.

Adïëri møn, acaana gø jïïu, ni näk waŋ bëëlö kär päth yïth ŋøøm ni thøøe, waŋ bëëllögø doo bëëdö keere. 'Ba ni näk mo othøw, beeye wø känne ki nyïëdi mo thööth.

Aana öö ni aana tar kiper piny, nee ŋato jïëy ki aani ni ŋääth aani nee ba dööŋe yi muudhö.

'Ba noo dee ŋat mo wïny luup moa caana ni ba gwøk geni, eni ba ŋøla wøk. Kiper a kär ö kuna ŋøla luup mo piny, 'ba a ööa kuna piema piny.

Ni ö Meeri ni lwöte ki maaw mo ŋeew ka gwel mo thööth, ni wïïr tiet Jecu ki gøøni, ni pøc gø ki jïëye. Ni ö øte bäre ni pääŋe ki ŋwääny maaw manøgø.

Kanyøgø gena käädö ki bäät tuue ni cige kuna røømge ki eni, ni ge rëëdö, ni «Odhaana! Pwøc en jï Jwøk! Gwïëth en ri ŋat ööi en ki nyeŋ Wuuö Jwøk, ni beeye na Nyeny jø Icriel.»

Ni løgi ya Jecu jïge, ni «Kanyo jiem Wär Dhaanhø yie kare acäännö.