Populaire Bijbelverzen uit - उत्पत्ति 14

Deel

धन्‍य आय परमपरधान यहोवा परमेसुर, जीने तोरे बैरियन हों तोरे बस में कर दओ आय।” तब अब्राम ने ऊहों सब बस्‍तों कौ दसमों हींसा दओ।

तब शालेम कौ राजा मलिकिसिदक, जो परमपरधान यहोवा परमेसुर कौ याजक हतो, रोटी और दाख कौ रस ल्‍याओ। ऊने अब्राम हों जौ आसीरवाद दओ, “परमपरधान यहोवा परमेसुर कुदाऊं सें, जो आकास और पृथ्‍वी कौ रचबेवारो आय, तें धन्‍य होए।

अब्राम ने सदोम के राजा सें कई, “परमपरधान यहोवा परमेसुर, जो आकास और पृथ्‍वी कौ रचबेवारो आय, ऊकी मैं जा कौल खात आंव, कि जो कछु तोरो आय ऊमें सें नें तौ मैं एक सूत, और नें पनईंयां हों कसबेवारी डोरी, नें कोऊ और चीज लैहों कि तें एैसो नें कै पाए कि ‘अब्राम मोरेई कारन पईसावारो भओ।’