Populaire Bijbelverzen uit Mak 4

Deel

Yésus ŋá haanyúá, u ŋé eénde ehúne, u ŋá laána nuɔmɔ́ ne esise ɔsɛ : « Lésíkínyi mbuumu ! » Ehúne ŋeé lésíkínyi, mbuumu a ciáŋá nyɛfaaya eényí. Mbá Yésus ɔsɛ : « Anyíatɛ́ nu ŋe nú líkíme e ? Ɛ́cɛ anyía nú ti ŋé nú lúmitinine e ? »

Mbá ta híáná, baákɔ́nɛ́na ŋa bɔ́ bá bébú líkíméke buéŋí ; bá kɔ́ɔnaka beébe ne beébe báyɛ : « Ɔɔcɔ u háányɛ́ ooci ewú te ne ehúne na nuɔmɔ́ ŋa lɔ́kɔ́mɛ́na e ? »

Ekúlú eéyé, Yésus ŋaá bá waá hɛ́táka hiiné o onuti ú ɔkɔkɔ́, u maá tála aatɔ́ aá nyɛáta. Bááyɛ́ baákɔ́nɛ́na ŋé bu wuúci heényi, mbá báyɛ : « Taatá, bú ti ŋó yo yébi aana háyɛ túɔ́ cɔba o onyíme e ? »

Yésus ŋe túné beébe laana ɔsɛ : « Énu bíkékényíki na bɛsana abɛ́ nú ŋa nɔ́ lɔ́kɔ́ma, anyía a nyɛnamá anyɛ́ nu náŋa nuanɔ́ kɛ́laka bɔsɔ́ɔ́kɔ́, nyiínyi Bandɔ́mɛsɛ́ káá banɔ́ kɛ́laka tɔ́na, yɔ́ banɔ́ tálákɛ́na.

Yésus ŋa háná á kɔ́ɔna ɔsɛ : « *Butéŋí bɔ́ Bandɔ́mɛsɛ́ ŋaá hɔ́á mumiene moohó e mú ŋee míékíne moohó a yááyɛ́ esíéné. Ta muá hɛ́táka hiiné, te mué límekine mɔɔ́sɔ, ne nebutúé na nabuɔ́sɛ́ bɛnyɛ́ma eébí ŋaá lɔ́aka, bɛ́ɔ́ kɔ́máka, mumiene eémú ti menyi anyána bú ŋa bɛ́kɛ́la.

Mbɔ́kɔ ɔɔcɔ áŋa ne eetú cá ɔlɔ́kɔ́máka bɛsana, wá lɔ́kɔ́máka ! »