Populaire Bijbelverzen uit Mat 14

Deel

Mbá ekúlú ayɛ́ u ŋa lɛ́cá háyɛ ehúne ŋaá bá yé húnéke, bulíkílíki ŋé wuúci tímbíé ; u ŋé túme owoofine e menyífé. U ŋé túme ɔháya mukéké, u kɔɔnaka ɔsɛ : « Otéŋí a Waáŋá, cɔ́kɔ́lɛ, o mi nohiʼo ! » Hú a yaátɛ́ ekúlú, Yésus ŋé sundúne ɔɔbɔ́, u ŋé tímbie Bíel, mbá ɔsɛ nááyá : « Kuɔŋɔ́, ɔɔcɔ u olumitinine a wɔ́cɔ́ɔ́cɔ́ ; anyíatɛ́ ó moó suŋunyiki e ? »

Mbá ekúlú ayɛ́ u ŋa lɛ́cá háyɛ ehúne ŋaá bá yé húnéke, bulíkílíki ŋé wuúci tímbíé ; u ŋé túme owoofine e menyífé. U ŋé túme ɔháya mukéké, u kɔɔnaka ɔsɛ : « Otéŋí a Waáŋá, cɔ́kɔ́lɛ, o mi nohiʼo ! »

Mbá Yésus ŋá táŋɛ́ta ɔtáŋɛ́ta ɔsɛ : « Ánɔ bɛ́kɛ́ndɛ́na ! Yaŋɔ́ ya mɛ́ŋaʼo, nuti líkíméke. »

Ɛ́makɛ́la Bíel á lɔ́kɔ́ma aáná, mbá ɔsɛ né Yésus : « Otéŋí a Waáŋá, ɔ́kɔ kuɔŋɔ́ bɛ́muátá ɔ ɔ́ŋa, mi iínjíé makɛ́nda anyía yámɛ faáya nɔ́ɔ́wɔ, ɛ́ kandaka e menyífé ɔ ɔmuaná. » Yésus ŋaá bɛ́kámá ɔsɛ : « Faáya. » Bíel ŋá háma ɔ ɔkɔkɔ́, u ŋé túme ɔcɔba haála ehé Yésus ŋaá bá, u kandaka e menyífé ɔ ɔmuaná.

Aáná baákɔ́nɛ́na a bá ŋa bɔ́ bá ɔ ɔkɔkɔ́ noómi ŋe bú túmékíne Yésus eŋéndu, bá kɔ́ɔnaka báyɛ : « Aá taaká, ɔ ɔ́ŋa Ɔɔ́nɔ́ u Bandɔ́mɛsɛ́. »

Yésus ɔsɛ náábɔ́ : « Bú tɛ ŋɔ́ yɔ́ɔ́lɔ anyía bébú súétéke ; banɔ́ bɛ́muátá, énu beébe aafɛ́na ! » Mbá báyɛ : « Tua sɔ́ŋa aaha hú ne biléti bɛ́táánɔ na tuɔfɔ́ túfendí ! »

Mbá ɔsɛ : « Énu mi héléníne bɛnyɛ́ma eébí aaha. » E elime eécí, u ŋá laána nyɛkɔca nyɛ́ baacɔ anyía nyí é limékíne e bihuti. U ŋé hiíte ne biléti eébí bɛ́táánɔ na tuɔfɔ́ eétú túfendí, u ŋé bééti eése ɔ ɔmuaná o owiínjie Bandɔ́mɛsɛ́ bitéŋíti. U ŋá bákáka biléti eébí, nyiínjíékíne eényí ná baákɔ́nɛ́na ; aáná baákɔ́nɛ́na ŋá bɔ́ aafákɛ́na baacɔ.

Baacɔ bekime ŋá bɔ́ nyíáka, bó weécéke. Bá ŋá bándáka bikélékéti a bɛ́ ŋɔ́ lɔ́bɔ́kɔ ; bó nyióyísíki tɔnjatɛ́ túɔ́hátá ne túfendí.