Populaire Bijbelverzen uit Mat 13

Deel

A bɔ́mɔtɛ́ bɔsɔ́ɔ́kɔ́ tɔ́na ŋa bɔ́ hɔ́á ambányɛ yɛ́ ɔmɛsɛ́. Bá ŋa bɔ́ lɔ́kɔ́má Bɛsana bɛ́ Bandɔ́mɛsɛ́, bó biíbi lɔ́kɔ́máka bɔmbányɛ ; bá hááka bɛtámá háyɛ bɛnyɛ́ma a bɛ́ ŋaá háá bɛtámá : Indíné ɛ́mɔtɛ́ bɛtámá etíne atáánɔ, a cɛ́mɔtɛ́ etíne átátɔ́, a cɛ́mɔtɛ́ tɔ́na nyitíne na bíɔ́hátá. »

Bɔsɔ́ɔ́kɔ́ ɔ bɔ́mɔtɛ́ tɔ́na ŋa bɔ́ hɔ́á haála ahá tɔlandɔna áŋa. Bá ŋa bɔ́ lɔ́kɔ́ma Bɛsana bɛ́ Bandɔ́mɛsɛ́ ; mbá asana ɔ́mɔtɛ́, ne ibíkéti ciéŋí na bɔnɔ́mɛ bɔ́ ɔmɛsɛ́ ŋaá bɛ́ɔ́tɔ́kɔ́kɛ́na Bɛsana bɛ́ Bandɔ́mɛsɛ́ eébí ɔ ɔkɔɔ́háma ayɛ́ bɛ́ tɛ ŋáa háá ta bɔkɔ.

Baacɔ a bá ŋa bɔ́ lɔ́kɔ́ma Bɛsana bí *Butéŋí bɔ́ Ɔmuaná, mbá bá tɛ hɔ́la o biíbi ɔlɔ́kɔ́ma, ŋa bɔ́ hɔ́á haála ahɛ́ moohó ŋa kuákɔ́na o ohónyí ɔ ɔmuaná. Sátan ŋa fáaya, yɔ́ waáŋíáka bɛsana bikime e cííbu ɛtɛ́má.

A bɔ́mɔtɛ́ baacɔ ŋa bɔ́ hɔ́á haála ahá akɔnja áŋa ; bá ŋa bɔ́ lɔ́kɔ́ma Bɛsana bɛ́ Bandɔ́mɛsɛ́, bó biíbi káha ne obíléne aabɔ́ ɛ ɛtɛ́má, mbá biíbi ta ɔwɔɔ́nɛ́na. Ɛ́ɛhɛ́ bé ŋe bú lúmítíníne e ekéti yí ekúlú ; mbá hí e ekúlú eyí muuyé é beébe hámɛ́na, ta anyía muyébínyi a mɔmɔtɛ́ a asana na Bɛsana bɛ́ Bandɔ́mɛsɛ́, bá ŋa bɔ́ bɛ́yúata ɔ ɔbɛ́yúata olumitinine.

« *Butéŋí bɔ́ Ɔmuaná ŋaá hɔ́á bɔnɔ́mɛ a bɔ́áŋa bɔnambánɔ́ e esíéné a yɛ́mɔtɛ́ ; ɔɔcɔ a wɔmɔtɛ́ é buúbu bɔ́ŋɔ, u ŋa námbɔtɔna, yó súéte ne obíléne weéŋí o okoótúéke bíáyɛ́ bɛnyɛ́ma bikime, mbá u kɔ ɔɔ́ndɔ́ esíéné eéyé. »

Mbá a mɔmɔtɛ́ tɔ́na ŋá kuakɔ́na a ambányɛ yɛ́ ɔmɛsɛ́, ma ŋá hááka bɛtámá : Indíné a cɛ́mɔtɛ́ etíne atáánɔ, a cɛ́mɔtɛ́ etíne átátɔ́, a cɛ́mɔtɛ́ tɔ́na nyitíne na bíɔ́hátá. »

Ánɔ nyɛ́ána bɛ́ a kɔ́máka ɔlɔŋɔ ɔ ɔkɔɔ́háma a masáŋá ; ekúlú eéyé ɛ ká mɛ laana basáŋa anyía bé túmíne ɔlɔba a aabɛ́ yí ehuti eéyé, bá ɔɔ́tɔ́kɔ́kɔ e eefú, bé lúliki. E elime eécí, bá sáŋáka ɛmbásɛ́kɛ, bá ka hákɛ́na aámɛ aá nɔɔ́la.” »