भजनसंग्रह 90:12-17
भजनसंग्रह 90:12-17 नेपाली नयाँ संशोधित संस्करण (NNRV)
हाम्रो आयु ठीकसँग गन्न हामीलाई सिकाउनुहोस्, र हामी बुद्धिको हृदय प्राप्त गर्न सकौं। हे परमप्रभु, नम्र हुनुहोस्, अझै कति बेर लाग्ने हो? आफ्ना दासहरूमाथि दया गर्नुहोस्। बिहान आफ्नो नटल्ने करुणाले हामीलाई तृप्त पार्नुहोस्, र हामी आफ्ना जीवनभरि रमाएर गाउन सकौं। जति दिन तपाईंले हामीलाई कष्ट दिनुभयो, र जति वर्ष दु:ख भोग्यौं, त्यत्ति दिन हामीलाई आनन्दित तुल्याउनुहोस्। तपाईंका कार्य तपाईंका सेवकहरूलाई प्रदर्शन गरिऊन्, र तपाईंको वैभव तिनीहरूका छोराछोरीकहाँ प्रकट होस्। हाम्रा परमप्रभु परमेश्वरको निगाह हामीमाथि रहोस्, र हाम्रा हातका कामहरू हाम्रा निम्ति दृढ़ पारिऊन्। हो, हाम्रा हातका कामहरू सुदृढ़ पारिदिनुहोस्।
भजनसंग्रह 90:12-17 पवित्र बाइबल, नेपाली समकालीन संस्करण (NCV)
हामीलाई हाम्रा दिनहरू गन्न सिकाउनुहोस्, ताकि हामीले बुद्धिको हृदय प्राप्त गर्न सकौँ! हे याहवेह, दयालु बनिदिनुहोस्; कहिलेसम्म तपाईं ढिलो गर्नुहुन्छ? आफ्ना सेवकहरूमाथि दया गर्नुहोस्! हरेक बिहानले मेरो निम्ति तपाईंको अचुक प्रेमको वचन ल्याओस्, र हामी सारा जीवनभरि रमाएर गीत गाउन सकौँ र खुशी हुन सकौँ। जति दिन तपाईंले हामीलाई कष्ट दिनुभयो, र जति वर्ष दुःख भोग्यौँ, त्यहीअनुसार हामीलाई खुशी तुल्याउनुहोस्! तपाईंका कार्यहरू तपाईंका सेवकहरूलाई देखाइयोस्, तपाईंको वैभव तिनीहरूका छोराछोरीकहाँ प्रकट होस्! प्रभु हाम्रा परमेश्वरको निगाह हामीमाथि रहोस्; हाम्रा हातका काम हाम्रा निम्ति सुदृढ पारिऊन्— हो, हाम्रा हातका कामहरू सुदृढ पारिऊन्!
भजनसंग्रह 90:12-17 पवित्र बाइबल (NERV)
हाम्रो जीवन कति छोटो छ भनेर हामीलाई सिकाउनु होस, ताकि हामी साँच्चि नै ज्ञानी हुन सकौं। हे परमप्रभु, सधैँ हाम्रो पछाडि आउनुहोस्। आफ्ना दासहरू प्रति दयालु हुनुहोस्। प्रत्येक बिहान आफ्नो प्रेमले हामीलाई भरिदिनु होस्। हामी सुखी रहौं र रमाइलो जीनव बिताऔं। तपाईंले हामीलाई हाम्रो जीवनमा अति उदासीनता र सङ्कटहरू दिनुभयो। अब हामीलाई खुशी वा सुखी पार्नुहोस्। तपाईंका दासहरूले आश्चर्यपूर्वक थोकहरू देखुन्, जुन तपाईंले तिनीहरूका लागि गर्न सक्नु हुन्छ, अनि उनीहरूका नानीहरूले तपाईंको महिमा देख्न सकुन्। हाम्रो परमप्रभु परमेश्वर, हाम्रो निम्ति कृपालु बन्नु होस्। हामी जे काम गछौ त्यो फलदायक होस, हामी जे काम गछौं परमेश्वरले सफल पारी दिऊन्।
भजनसंग्रह 90:12-17 सरल नेपाली पवित्र बाइबल (सरल नेपाली)
हामीलाई सिकाउनुहोस् कि हाम्रो जीवन कति छोटो छ र हामी बुद्धिमान् बन्न सकौं। अझै कति दिनसम्म तपाईंको क्रोध रहला? हे परमप्रभु! आफ्ना दासहरूलाई टिठ्याउनुहोस्। हरेक बिहान आफ्नो अनन्त प्रेमले हामीलाई भर्नुहोस् र हामी भजन गाउन सकौं र जीवनभरि आनन्द गर्न सकौं। अब हामीलाई त्यति नै आनन्द दिनुहोस्, जति तपाईंले हाम्रा कष्टका दिनमा हामीलाई खिन्नता दिनुभएको थियो। हामी तपाईंका दासहरूले तपाईंका सामर्थ्यका कामहरू देख्न पाऔं, हाम्रा सन्तानले तपाईंको गौरवपूर्ण सामर्थ्य देख्न पाऊन्। प्रभु, हाम्रा परमेश्वर, तपाईंको आशीर्वाद हामीमाथि रहोस्, हामीले गरेका सबै काममा हामीलाई सफलता दिनुहोस्।
