भजनसंग्रह 73:23-26

शेयर गर्नुहोस्

भजनसंग्रह 73:23-26 नेपाली नयाँ संशोधित संस्करण (NNRV)

तैपनि म निरन्‍तर तपाईंसँगै छु, तपाईंले मेरो दाहिने हात थाम्‍नुभएको छ। आफ्‍नै सल्‍लाहमा तपाईंले मलाई डोर्‍याउनुहुन्‍छ, र पछि मलाई महिमामा लानुहुनेछ। स्‍वर्गमा तपाईंबाहेक मेरो अरू को छ र? र पृथ्‍वीमा पनि मैले चाहना गर्ने तपाईंबाहेक अरू केही छैन। मेरो तन र मन दुवै विफल होलान्‌, तर परमेश्‍वर सदासर्वदाको निम्‍ति मेरो हृदयको शक्ति र मेरो भाग हुनुहुन्‍छ।

भजनसंग्रह 73:23-26 पवित्र बाइबल (NERV)

म सधैँ नै तपाईंसँग साथमा छु। हे परमेश्वर, तपाईंले मेरो दाहिने हात पक्रनु भएकोछ। हे परमेश्वर, तपाईंले मेरो अगुवाई गर्नु हुन्छ अनि असल सल्लाह दिनुहुन्छ। त्यस पश्चात् महिमा तर्फ मलाई अगुवाई गर्नु हुन्छ। हे परमेश्वर, तपाईं बाहेक म स्वर्गमा कसलाई चाहन्छु। अनि म तपाईंसित पृथ्वीमा भएको बाहेक अरू केही इच्छा गर्दिनँ। मेरो तन र मन नष्ट हुन सक्छ, तर मसँग परमेश्वर छ जसलाई म प्रेम गर्छु। मसँग परमेश्वर सदा-सर्वदा हुनुहुन्छ!

भजनसंग्रह 73:23-26 सरल नेपाली पवित्र बाइबल (सरल नेपाली)

तरै पनि, म सधैँ तपाईंको नजिक बस्‍दछु र तपाईंले मेरो हात सह्माल्‍नुहुन्‍छ। तपाईंले आफ्‍नो शिक्षाले मलाई डोर्‍याउनुहुन्‍छ र अन्‍तमा मलाई आदरसाथ ग्रहण गर्नुहुनेछ। स्‍वर्गमा तपाईंबाहेक मेरो अरू को छ र? तपाईं हुँदाहुँदै मलाई पृथ्‍वीमा अरू कुन थोक चाहिन्‍छ र? मेरा शरीर र मन दुवै दुर्बल हुन सक्‍छन्, तर परमेश्‍वर मेरा सामर्थ्‍य हुनुहुन्‍छ, मलाई चाहिने उहाँ मात्र हुनुहुन्‍छ।