भजनसंग्रह 36:5-8
भजनसंग्रह 36:5-8 नेपाली नयाँ संशोधित संस्करण (NNRV)
हे परमप्रभु, तपाईंको कृपा स्वर्गैसम्म फैलिएको छ, तपाईंको विश्वसनीयता आकाशसम्मै। तपाईंको धार्मिकता विशाल पहाड़हरूजस्तै छ, तपाईंको न्याय अगाध समुद्रजस्तै छ। हे परमप्रभु, तपाईंले मानिस र पशुलाई जोगाइराख्नुहुन्छ। तपाईंको अडिग कृपा कति अनमोलको छ! मानिसका सन्तानले तपाईंका पखेटाको छायामा शरण पाउँछन्। तपाईंका भवनको प्रचुरताबाट तिनीहरूले भोज गर्छन्, र तपाईंको सुख-चैनको नदीबाट तपाईंले तिनीहरूलाई पियाउनुहुन्छ।
भजनसंग्रह 36:5-8 पवित्र बाइबल, नेपाली समकालीन संस्करण (NCV)
हे याहवेह, तपाईंको अचुक प्रेम स्वर्गैसम्म फैलिएको छ, तपाईंको विश्वासयोग्यता आकाशसम्मै छ। तपाईंको धार्मिकता परमेश्वरका अति उच्च पहाडहरू जस्तै छन्; तपाईंको न्याय गहिरो समुद्रजस्तै छ। हे याहवेह, तपाईंले मानिस र पशुपक्षीलाई जोगाइराख्नुहुन्छ। हे परमेश्वर, तपाईंको अचुक प्रेम कति अनमोलको छ! मानव जातिहरूले तपाईंका पखेटाको छायामा शरण लिन्छन्। तिनीहरू तपाईंका भवनको प्रशस्तताबाट भोज गर्छन्; तपाईंको आनन्दको नदीबाट तिनीहरूलाई पिउन दिनुहुन्छ।
भजनसंग्रह 36:5-8 पवित्र बाइबल (NERV)
हे परमप्रभु, तपाईंको स्नेहपूर्ण करूणा आकाश भन्दा पनि उच्च छ। तपाईंको विश्वसनीयता बादलहरूभन्दा पनि उच्च छ। परमप्रभु, तपाईंको धार्मिकता सर्वोच्च पर्वत भन्दा पनि उच्च छ। तपाईंको न्याय अगाध समुद्र भन्दा गहिरो छ। परमप्रभु, तपाईंले मानिसहरू र पशुहरूलाई रक्षा गर्नुहुन्छ। तपाईंको प्रिय अनुग्रह भन्दा कुनै चीज पनि बहुमूल्य छैन। मानिस जाति र स्वर्गदूतहरू तपाईंकहाँ सुरक्षाको निम्ति आउँछन्। परमप्रभु! तिनीहरू तपाईंको घरमा राम्रो चीजहरूबाट नयाँ शक्ति पाउँछन्। तपाईंको आश्चर्यपूर्ण नदीबाट तिनीहरूलाई पिउन दिनु हुन्छ।
भजनसंग्रह 36:5-8 सरल नेपाली पवित्र बाइबल (सरल नेपाली)
परमप्रभु, तपाईंको अटुट प्रेम स्वर्गसम्म पुग्दछ, तपाईंको विश्वासयोग्यताले आकाशसम्म छुँदैछ। तपाईंको धार्मिकता पहाडहरूजस्तै उच्च छ, तपाईंको न्याय समुद्रजस्तो गहिरो छ, तपाईंले मानिस र जनावरको हेरचाह गर्नुहुन्छ। हे परमेश्वर! तपाईंको अटुट प्रेम कति अनमोल छ! तपाईंका पखेटाका छायाँमुनि हामीले सुरक्षा पाउँछौं। तपाईंले दिनुभएको प्रशस्त भोजन हामी खाँदछौं, आफ्नो भलाइको नदीदेखि तपाईंले पिउन दिनुहुन्छ।