नहेम्याह 9:32-33
नहेम्याह 9:32-33 नेपाली नयाँ संशोधित संस्करण (NNRV)
“यसकारण हे हाम्रा परमेश्वर, तपाईं महान्, पराक्रमी र भययोग्य परमेश्वर, जसले आफ्नो प्रेमको करार पूरा गर्नुहुन्छ। हाम्रा राजाहरू, अगुवाहरू, पूजाहारीहरू, अगमवक्ताहरू, पुर्खाहरू र तपाईंका सबै प्रजामाथि परिआएका कष्ट— अश्शूरका राजाहरूको समयदेखि आजको दिनसम्म पाएका कष्टलाई हलुका नसम्झनुहोस्। हामीमाथि सबै जे-जति परिआएका छन्, तिनमा तपाईंले न्यायसित काम गर्नुभएको छ। तपाईंले विश्वाससित काम गर्नुभएको छ, तर हामीले चाहिँ भूल गर्यौं।
नहेम्याह 9:32-33 पवित्र बाइबल (NERV)
अब, हे परमेश्वर, महान परमेश्वर, शक्तिशाली अनि भय योग्य परमेश्वर, जसले उहाँका करार प्रेममय विश्वाससँग पालन गर्नुहुन्छ, हाम्रो कष्टहरूलाई साधारण नसम्झनु त्यो कठिनाई हामीमाथि आएको थियो, हाम्रा राजाहरूले, हाम्रा पूजाहारीहरूले, हाम्रा अगमवक्ताहरूले, हाम्रा पिता-पुर्खाहरूले तपाईंका सम्पूर्ण मानिसहरूले अश्शूरका राजाहरूको समय देखि लिएर आज सम्म सहे। हामी माथि घटेका समस्त घटना प्रति तपाईं न्याय हुनु भएकोछ यद्यापि हामीले दुष्ट कार्यहरू गर्यौ।
नहेम्याह 9:32-33 सरल नेपाली पवित्र बाइबल (सरल नेपाली)
“हे परमेश्वर, हाम्रा परमेश्वर! तपाईं कति महान्, कति भययोग्य र कति पराक्रमी! तपाईंले प्रतिज्ञा गर्नुभएको आफ्नो करार विश्वासयोग्यतासाथ पूरा गर्नुहुन्छ। अश्शूरका राजाहरूले हामीलाई सताउन थालेको समयदेखि अहिलेसम्म हामीले अति दु:ख भोगेका छौं! हाम्रा राजा, अगुवा, पूजाहारी, अगमवक्ता, पुर्खाहरू र हाम्रा सबै प्रजाले दु:ख भोगेका छन्, हामीले कति दु:ख भोगेका छौं, सम्झनुहोस्! तपाईंले हामीलाई दण्ड दिनुभएर ठीकै गर्नुभयो, हामीले पाप गरे पनि तपाईं विश्वासयोग्य नै रहनुभएको छ।