यहोशू 11:4-6

शेयर गर्नुहोस्

यहोशू 11:4-6 नेपाली नयाँ संशोधित संस्करण (NNRV)

उनीहरू र उनीहरूका सारा सेनासमेत, समुद्रका किनारका बालुवाजत्तिकै प्रशस्‍त घोड़ाहरू र रथहरूका साथमा खचाखच भएर निस्‍केर आए। यी सब राजाहरू जम्‍मा भए, र उनीहरूले आएर इस्राएलीहरूसँग लड़ाइँ गर्न मेरोम नाउँका तालको नजिक सँगै छाउनी लगाए। परमप्रभुले यहोशूलाई भन्‍नुभयो, “उनीहरूसँग नडरा, किनकि भोलि यसै बेला उनीहरू सबैलाई मारेर म इस्राएलीहरूका हातमा सुम्‍पिदिनेछु। तैंले उनीहरूका घोड़ाहरूका ढोड़नसा काटिदिनू, र उनीहरूका रथहरू आगोले जलाइदिनू।”

यहोशू 11:4-6 पवित्र बाइबल (NERV)

यसकारण यी सबै राजाहरूका सेनाहरू साथ आए। त्यहाँ अनेक योद्धाहरू, अनि अनेक घोडा एवं रथहरू थिए। यो एक अत्यन्त विशाल सेना खचाखच देखिन्थ्यो कि त्यहाँ समुद्रको किनारमा भएका बालुवाका कणहरू जस्तै अनेक मानिसहरू थिए। ती सबै राजाहरू इस्राएलको विरूद्धमा एक साथ जम्मा भए। तिनीहरू एक साथ आए अनि इस्राएलीसित युद्ध गर्न मेरोम नदी छेऊमा एक साथ छाउनी लगाए। तब परमप्रभुले यहोशूलाई भन्नुभयो, “त्यो सेनादलसित नडरा। भोलि यही समयमा तिमीहरूले तिनीहरूका घोडाहरूलाई लङ्गडा बनाइ सकेका हुनेछौ अनि तिनीहरूका सबै रथहरू जलाइसकेका हुनेछौ।”

यहोशू 11:4-6 सरल नेपाली पवित्र बाइबल (सरल नेपाली)

तिनीहरू आ-आफ्‍ना सैनिकहरू लिएर आए र एउटा यस्‍तो सेना भयो, जसमा समुद्र किनारको बालुवासरि असङ्‍ख्य सैनिकहरू थिए। तिनीहरूसित धेरै रथ र घोडाहरू पनि थिए। यी सबै राजाहरूले आ-आफ्‍ना सेना एकसाथ मिलाएर इस्राएलको विरुद्धमा लड्‍नलाई मेरोम खोल्‍सामा छाउनी हाले। परमप्रभुले यहोशूलाई भन्‍नुभयो, “तिनीहरूसित नडरा। भोलि यही बेलासम्‍ममा म इस्राएलको खातिर तिनीहरू सबैलाई मारिसक्‍नेछु। तिमीहरूले तिनका घोडाहरू खोरण्‍डे पारी रथहरू जलाइदिनुपर्नेछ।”