यर्मिया 1:17-19

शेयर गर्नुहोस्

यर्मिया 1:17-19 नेपाली नयाँ संशोधित संस्करण (NNRV)

“तँचाहिँ तयार हो! उठ्, र जे-जे कुराको म तँलाई आज्ञा दिन्‍छु ती तिनीहरूलाई भन्‌। तिनीहरूदेखि तँ नडरा, नत्रता म तँलाई नै तिनीहरूका सामुन्‍ने भयभीत पार्नेछु। आज यो सारा देश, यहूदाका राजाहरू, अधिकारीहरू, पूजाहारीहरू र देशका मानिसहरूका विरुद्धमा उभिनलाई मैले तँलाई एक किल्‍ला भएको सहर, फलामको खामो र काँसाको पर्खाल बनाएको छु। तिनीहरूले तेरो विरुद्ध युद्ध गर्नेछन्, तर तिनीहरू तँमाथि विजयी हुनेछैनन्, किनकि तँलाई बचाउनलाई म तेरो साथमा छु,” परमप्रभु भन्‍नुहुन्‍छ।

यर्मिया 1:17-19 पवित्र बाइबल (NERV)

“यर्मिया तिमी चाहिँ तैयार होऊ, उठ र मानिसहरूलाई भन। मैले दिएको प्रत्येक आज्ञाहरू तिनीहरूलाई भन। मानिसहरूसित नडाराऊ, नत्र म तिमीलाई भयभीत पार्नेछु। आज म तिमीलाई फलामको खम्बा झैं अनि काँसाको पर्खाल झैं बलियो र दृढ शहर बनाउनेछु। यहूदाको राज्यमा राजाहरू, नेताहरू, पूजाहारीहरू र सर्वसाधारण मानिस प्रत्येकको सामुन्ने तिमी उभिन सक्नेछौ। ती सबै मानिसहरू तिम्रो विरूद्धमा लड्नेछन् तर तिनीहरूले तिमीलाई पराजित गराउने छैनन्। किनभने म तिमीसँग छु, अनि म तिमीलाई बचाउने छु।” यो सन्देश परमेश्वरबाट आएको हो।

यर्मिया 1:17-19 सरल नेपाली पवित्र बाइबल (सरल नेपाली)

यर्मिया, तयार हो, गएर मैले तँलाई आज्ञा गरेका सबै कुरा तिनीहरूलाई सुना। अब तिनीहरूसित नडरा। नत्र म तँलाई तिनीहरूका सामु अझ बढी डराउने बनाउनेछु। ए यर्मिया, सुन्! यस देशका सबै जना, यहूदाका राजा, भारदार, पूजाहारी र मानिसहरू तेरो विरुद्धमा खडा हुनेछन्। तर आज तिनीहरूको सामना गर्ने शक्ति म तँलाई दिंदैछु। एउटा किल्‍लाले सुरक्षित गरिएको सहरजस्‍तो, फलामको खामो र काँसाको पर्खालजस्‍तो म तँलाई बलियो बनाउनेछु। तिनीहरू तेरो विरुद्ध लड्‍नेछन् तर तँमाथि विजय गर्नेछैनन् किनभने तेरो रक्षा गर्नलाई म तँसित हुनेछु। म, परमप्रभु बोलेको छु।”