यशैया 65:11-12 - Compare All Versions

शेयर गर्नुहोस्

“तर तिमीहरू, जसले परमप्रभुलाई त्‍याग्‍छौ, र मेरो पवित्र पर्वतलाई बिर्सन्‍छौ, जसले भाग्‍य-देवको निम्‍ति टेबिल तयार गर्छौ, र भावी-देवीको निम्‍ति मिसाएको दाखमद्यले बाटाहरू भर्छौ, म तिमीहरूलाई तरवारको निम्‍ति खटाउनेछु, र तिमीहरू सबै काटिनलाई निहुरनेछौ। किनकि जब मैले तिमीहरूलाई बोलाएँ, तब तिमीहरूले जवाफ दिएनौ। जब म बोलें, तब तिमीहरूले ध्‍यानसित सुनेनौ। मेरो दृष्‍टिमा जे खराब थियो, तिमीहरूले त्‍यही काम गर्‍यौ, र मलाई मन नपर्ने काम गर्न तिमीहरूले रोज्‍यौ।”

“तर याहवेहलाई त्याग्नेहरूका निम्ति, जसले मेरो पवित्र पर्वतलाई बिर्सन्छन्, जसले गाद देवताको निम्ति टेबुल तयार गर्छन्, र मेनी देवीको निम्ति मिसाएको मद्यको कचौरा भर्छन्; म तिमीहरूलाई तरवारको निम्ति दिनेछु, र तिमीहरू सबै काटिनलाई घुँडा टेक्नेछौ; किनकि मैले तिमीहरूलाई बोलाएँ, तर तिमीहरूले जवाफ दिएनौ; मैले बोलाएँ, तर तिमीहरूले सुनेनौ। तिमीहरूले मेरो नजरमा दुष्‍ट काम गर्‍यौ र मलाई मन नपर्ने कुराहरू रोज्यौ।”

“तर तिमीहरूले परमप्रभुलाई त्याग्यौ, यसैले तिमीहरू दण्डित हुनेछौ। तिमीहरूले मेरो पवित्र पर्वत भुल्यौ। तिमीहरूले भाग्यलाई मान्न थाल्यौ। तिमीहरूले झूटो देवताहरूको भाग्य-देवलाई मान्न थाल्यौ। तर म तिमीहरूको भविष्यको निर्णय गर्दछु। अनि तिमीहरू तरवारद्वारा मारिनेछौ, सबै भनेर पनि निर्णय गर्दछु। तिमीहरू सबै नै मारिने छौ। किनभने मैले तिमीहरूलाई बोलाएँ तर तिमीहरूले अस्वीकार गर्यौ, जवाफ दिएनौ। म तिमीहरूसँग बोलें अनि तिमीहरूले सुनेनौ। तिमीहरूले त्यही काम गर्यौ जुन मैले पापपूर्ण हो भनें। मैले मन नपराउने कामहरू नै तिमीहरूले गर्ने निर्णय गर्यौ।”

“तर मलाई त्‍याग्‍नेहरू, जसले मेरो पवित्र डाँडा सियोनको वास्‍ता गर्दैनन् र भाग्‍यका देवताहरू गाद र मेनीलाई पुज्‍नेछन्, तिनीहरूको भाग्‍यमा मैले निष्‍ठुर मृत्‍यु लेखिदिएको छु किनभने मैले बोलाउँदा तिमीहरूले जवाफ दिएनौ वा म बोल्‍दा मेरो कुरा सुनेनौ। मेरो आज्ञा नमान्‍न र दुष्‍कर्म गर्न नै तिमीहरूले रोज्‍यौ।