हिब्रू 6:13-15
हिब्रू 6:13-15 नेपाली नयाँ संशोधित संस्करण (NNRV)
परमेश्वरले अब्राहामलाई प्रतिज्ञा गर्नुहुँदा शपथ खान आफूभन्दा अझ ठूला अरू कुनै नभएकाले आफ्नै नाउँमा यसो भनेर शपथ खानुभयो, “म निश्चय तँलाई आशिष् दिनेछु, र तेरो वृद्धि गर्नेछु।” र यसरी धैर्य धारण गरेर अब्राहामले प्रतिज्ञा प्राप्त गरे।
हिब्रू 6:13-15 पवित्र बाइबल, नेपाली समकालीन संस्करण (NCV)
जब परमेश्वरले अब्राहामसँग प्रतिज्ञा गर्नुभयो, तब शपथ खानलाई अरू कुनै ठूलो नाम नभएकोले उहाँले आफ्नै नाममा शपथ खाएर यसो भन्नुभयो, “म निश्चय तँलाई आशिष् दिएर धेरै सन्तान दिनेछु।” अनि यसरी धैर्यसाथ प्रतीक्षा गरेपश्चात् अब्राहामले प्रतिज्ञा गरिएको थोक प्राप्त गरे।
हिब्रू 6:13-15 पवित्र बाइबल (NERV)
परमेश्वरले अब्राहामलाई प्रतिज्ञा दिनु भएको थियो। परमेश्वर भन्दा ठूलो कोही छैन, यसर्थ परमेश्वर स्वयंले आफ्नो नाउँमा उनलाई शपथ दिनुभयो कि उहाँले आफ्नो वचन पूरा गर्नु हुनेछ। परमेश्वरले भन्नुभयो, “म तिमीलाई निश्चितरूपले आशीर्वाद दिदँछु। म तिमीलाई धेरै सन्तान दिनेछु।” यो कुरो हुनलाई अब्राहामले धैर्यसाथ पर्खे। अनि पछि; अब्राहामले परमेश्वरको वचन पाए।
हिब्रू 6:13-15 सरल नेपाली पवित्र बाइबल (सरल नेपाली)
परमेश्वरले अब्राहामसँग प्रतिज्ञा गर्नुहुँदा आफूभन्दा ठूलो कोही नभएकोले उहाँले आफ्नै नाउँ लिएर शपथ खानुभयो। उहाँले भन्नुभयो, “म तिमीलाई साँच्चै आशिष् दिनेछु, तिम्रा सन्तानहरू धेरै-धेरै बनाइदिनेछु।” अब्राहामले धीरज गरेर पर्खे अनि परमेश्वरले प्रतिज्ञा गर्नुभएको आशिष् पाए।