हिब्रू 6:10-12
हिब्रू 6:10-12 नेपाली नयाँ संशोधित संस्करण (NNRV)
परमेश्वर अन्यायी हुनुहुन्न, र तिमीहरूका काम र उहाँको खातिर सन्तहरूका सेवामा तिमीहरूले देखाएको प्रेम उहाँले भुल्नुहुन्न। तिमीहरू अझै पनि त्यस्तै सेवा गरिराखेका छौ। हामी चाहन्छौं, कि तिमीहरू प्रत्येकले आफ्ना सम्पूर्ण आशा प्राप्त गर्नका निम्ति अन्त्यसम्मै त्यही तत्परता देखाउनेछौ, यस उद्देश्यले कि तिमीहरू सुस्त हुनेछैनौ, तर तिनीहरूका अनुकरण गर्नेछौ, जुनहरू विश्वास र धैर्यद्वारा प्रतिज्ञाका हकदार हुन्छन्।
हिब्रू 6:10-12 नेपाली समकालीन संस्करण (NCV)
परमेश्वर अन्यायी हुनुहुन्न, तिमीहरूले परमेश्वरका जनहरूलाई सहायता गर्यौ र अझ गरिरहने भई उहाँप्रति तिमीहरूको प्रेम देखाएकाले परमेश्वरले तिमीहरूका काम बिर्सनुहुनेछैन। हामी चाहन्छौं कि, तिमीहरूको आशा पक्का गर्नको लागि तिमीहरू हरेकले अन्त्यसम्म त्यस्तै परिश्रम देखाइरहो। हामी तिमीहरू अल्छे भएका चाहँदैनौं, तर तिनीहरूका देखासिकी गर्ने होओ, जसले विश्वास र धीरजद्वारा प्रतिज्ञा गरिएका थोकहरूको अधिकार पाए।
हिब्रू 6:10-12 पवित्र बाइबल (NERV)
परमेश्वर न्यायसँगत हुनुहुन्छ। परमेश्वरले तिमीहरूले गरेको कामको याद गर्नु हुनेछ। उहाँका मानिसहरूलाई सहायता गरेर तिमीहरूले देखाएको आफ्नो प्रेमलाई तिमीहरूको अटूट सहायतालाई परमेश्वरले सन्झनु हुनेछ। तब तिमीहरूको आशा पनि पूर्ण गरिने छ। तिमीहरू प्रत्येकले आफ्नो जीवनभरि यस्तै प्रयत्न गर्दै जाऊ भन्ने हामी चाहन्छौं। तब तिमीहरूको आशा पूर्ण हुने छ। अल्छे नहोऊ, हामी तिमीहरूलाई तिनीहरू जस्तै होऊ भन्ने चाहन्छौ जसले परमेश्वरका वचनवद्ध कुराहरू पाए। तिनीहरूले परमेश्वरका वचनहरू पाउँछन किनकि तिनीहरूको विश्वास र धैर्य छ।
हिब्रू 6:10-12 सरल नेपाली पवित्र बाइबल (सरल नेपाली)
तिमीहरूले परमेश्वरका भक्तहरूलाई सेवा गर्यौ र अझै गरिरहेका छौ। परमेश्वर अन्यायी हुनुहुन्न। तिमीहरूले गरेका यी सेवा र प्रेमलाई उहाँले बिर्सनुहुनेछैन। तिमीहरू सबैको यही जोश आखिरी समयसम्म रहिरहोस् र तिमीहरूको आशा पूरा हुनेछ, यही हाम्रो कामना छ। तिमीहरू अल्छी नहोओ, तर विश्वास गरेर प्रतिज्ञा गरेका कुराहरू पाउनेहरूजस्तै होओ भन्ने हामी चाहन्छौं।