हिब्रू 10:35-39
हिब्रू 10:35-39 नेपाली नयाँ संशोधित संस्करण (NNRV)
त्यसकारण आफ्नो यो भरोसा नत्याग, जसमा ठूलो इनामको प्रतिफल छ। परमेश्वरको इच्छा पूरा गर्न र प्रतिज्ञा गरिएको प्रतिफल प्राप्त गर्न तिमीहरूलाई स्थिर रहनु आवश्यक छ। किनकि अब एकै छिनमा, “आउनुहुनेचाहिँ आउनु नै हुनेछ, र बियाँलो गर्नुहुनेछैन। तर मेरो धार्मिक जनचाहिँ विश्वासद्वारा बाँच्नेछ, र यदि ऊ पछि हट्छ भनेता म उसँग खुशी हुनेछैनँ।” तर हामी पछि हट्ने र विनाश पारिनेहरूमध्येका होइनौं, तर विश्वास गरी बचाइएकाहरूमध्येका हौं।
हिब्रू 10:35-39 नेपाली समकालीन संस्करण (NCV)
यसकारण आफ्नो आत्मविश्वास नत्याग, जसमा ठूलो इनामको प्रतिफल छ। तिमीहरूले स्थिर भइरहनु खाँचो छ; किनकि तिमीहरूले परमेश्वरको इच्छा पूरा गरिसकेपछि उहाँले प्रतिज्ञा गर्नुभएको कुरा प्राप्त गर्नेछौ। किनकि धर्मशास्त्रमा लेखिएको छ, अब केही बेरमा “उहाँ, जो आउँदै हुनुहुन्छ, आउनुहुनेछ, विलम्ब गर्नुहुनेछैन।” अनि, “तर मेरो धर्मी जनचाहिँ विश्वासद्वारा नै जिउनेछ। अनि जो पछि हट्छ, म ऊसित प्रसन्न हुनेछैनँ।” तर हामीचाहिँ पछि हट्ने र नष्ट हुनेमध्येका होइनौं, तर हामी विश्वासद्वारा हाम्रो प्राण बचाइएकाहरू मध्येका हौं।
हिब्रू 10:35-39 पवित्र बाइबल (NERV)
यसर्थ उत्साह नहराऊ जुन तिमीहरूको अतीतमा थियो। तिम्रा उत्साहलाई प्रशस्त पुरस्कार दिइन्छ। तिमीहरूलाई चाहिएको धैर्य हो। परमेश्वरले चाहनु भएको कुरो गरेपछि उहाँले वाचा गरेको कुरो तिमीहरूले पाउने छौं। चाँडै नै, “जो आउनु हुँदैछ आउनुँ नै हुनेछ। उहाँले विलम्ब गर्नु हुनेछैन। जो अहिले मसित धर्मी छ, उसको विश्वासको कारणले जीवन पाउने छ। तर यदि त्यस मानिसले भयले मुख फर्काउँछ भने, म उसित प्रसन्न रहनेछैनँ।” तर हामी तिनीहरू मध्येका होइनौं जो डरले फर्कन्छन् र नष्ट भएकाछन्। होइन हामी त विश्वास भएका मानिसहरू हौं, र बचाइएका छौं।
हिब्रू 10:35-39 सरल नेपाली पवित्र बाइबल (सरल नेपाली)
यसैकारण हरेस नखाओ। तिमीलाई यसको ठूलो इनाम मिल्नेछ। परमेश्वरकै मनपर्ने काम गर्न र उहाँले प्रतिज्ञा गर्नुभएका कुराहरू पाउन तिमीहरू धीरजी होओ। धर्मशास्त्रमा लेखिएको छ, “अब आउनुहुने आइहाल्नुहुनेछ, बियाँलो गर्नुहुनेछैन।” “मेरो अघि धर्मी ठहरिएका जनहरूले चाहिँ विश्वास गर्नेछन् र बाँच्नेछन्, तर तीमध्ये कसैले मलाई त्यागेर गयो भने म त्यसलाई मन पराउनेछैनँ।” हामीहरू फर्केर बिनाशमा पुग्ने मानिसहरू होइनौं तर विश्वास गर्नेहरू र बचाइएकाहरू हौं।
