दानिएल 2:20-23

शेयर गर्नुहोस्

दानिएल 2:20-23 पवित्र बाइबल, नेपाली समकालीन संस्करण (NCV)

र भने: “परमेश्‍वरको नामको प्रशंसा सदासर्वदा भइरहोस्; बुद्धि र शक्ति उहाँकै हुन्। उहाँले समय र ऋतुहरू परिवर्तन गर्नुहुन्छ; उहाँले राजाहरूलाई अधिकार दिएर खडा गर्नुहुन्छ र तिनीहरूबाट अधिकार खोसेर हटाउनु पनि हुन्छ। उहाँले बुद्धिमान्‌हरूलाई बुद्धि दिनुहुन्छ, र समझशक्ति भएकाहरूलाई ज्ञान दिनुहुन्छ। उहाँले गहिरा र गुप्‍तमा लुकेका कुराहरू प्रकट गर्नुहुन्छ; उहाँले अन्धकारमा के छ भनी जान्‍नुहुन्छ; अनि उहाँसँग ज्योतिले बास गर्छ। हे मेरा पितापुर्खाहरूका परमेश्‍वर, म तपाईंलाई धन्यवाद चढाउँछु र तपाईंको प्रशंसा गर्दछु: तपाईंले मलाई बुद्धि र शक्ति दिनुभएको छ, हामीले तपाईंसित मागेको कुरा मलाई प्रकट गरिदिनुभएको छ; अनि तपाईंले हामीलाई राजाको सपना जान्‍न दिनुभएको छ।”

दानिएल 2:20-23 सरल नेपाली पवित्र बाइबल (सरल नेपाली)

“परमेश्‍वर बुद्धिमान् र पराक्रमी हुनुहुन्‍छ! सदासर्वदा नै उहाँको जयजयकार गर! उहाँले नै समय र ऋतुहरू परिवर्तन गर्नुहुन्‍छ; उहाँले नै राजाहरू राख्‍नु र हटाउनुहुन्‍छ; उहाँले नै ज्ञानीलाई ज्ञान र बुझ्‍नलाई समझ दिनुहुन्‍छ। उहाँले गहिरा-गहिरा कुरा र रहस्‍यका कुराहरू प्रकट गर्नुहुन्‍छ; उहाँले नै अन्‍धकारमा के कुरा लुकेको छ भनी जान्‍नुहुन्‍छ र उहाँ आफैं नै ज्‍योतिले पूर्ण हुनुहुन्‍छ। हे मेरा पिता-पुर्खाहरूका परमेश्‍वर, म तपाईंलाई प्रशंसा गर्छु, म तपाईंलाई आदर दिन्‍छु, तपाईंले नै मलाई बल र बुद्धि दिनुभएको छ। तपाईंले मलाई प्रार्थनाको उत्तर दिनुभएको छ र तपाईंले राजाहरूलाई भन्‍नुपर्ने कुरा हामीलाई प्रकट गर्नुभएको छ।”

दानिएल 2:20-23 नेपाली नयाँ संशोधित संस्करण (NNRV)

र भने, परमेश्‍वरको नाउँ सदासर्वदै धन्यको होऊन्। बुद्धि र पराक्रम उहाँकै हुन्‌। उहाँले नै समय र ऋतुहरू परिवर्तन गर्नुहुन्‍छ। उहाँले राजाहरूलाई सिंहासनमा राख्‍नुहुन्‍छ र उनीहरूलाई अपदस्‍थ गर्नुहुन्‍छ। उहाँले समझदारहरूलाई बुद्धि दिनुहुन्‍छ अनि विवेकीहरूलाई ज्ञान दिनुहुन्‍छ। उहाँले गहिरा र लुकिएका कुराहरू प्रकट गर्नुहुन्‍छ, उहाँले अन्‍धकारमा के छ भनी जान्‍नुहुन्‍छ, र ज्‍योतिले उहाँमा वास गर्छ। हे मेरा पिता-पुर्खाका परमेश्‍वर, तपाईंलाई म धन्‍यवाद दिँदछु र तपाईंको प्रशंसा गर्दछु, तपाईंले मलाई बुद्धि र शक्ति दिनुभएको छ, हामीले मागेको कुरा तपाईंले मलाई प्रकट गर्नुभयो, तपाईंले हामीलाई राजाको सपना प्रकट गर्नुभयो।”

दानिएल 2:20-23 पवित्र बाइबल (NERV)

दानियलले भने, “परमेश्वरको नाउँको सदा-सर्वदा प्रशंसा गर! शक्ति र ज्ञान उहाँमा हुन्छ। उहाँले नै समय परिवर्त्तन गर्नुहुन्छ, उहाँले नै सालमा ऋतुहरू परिवर्त्तन गर्नुहुन्छ। उहाँले नै राजाहरू परिवर्त्तन गर्नुहुन्छ। उहाँले नै राजाहरूलाई शक्ति प्रदान गर्नुहुन्छ, र उहाँले नै खोस्नुहुन्छ। उहाँले नै बुद्धि दिएर मानिसहरू बुद्धिमानी बन्छन्, उहाँले मानिसहरूलाई ज्ञान दिनुहुन्छ, अनि मानिसहरू ज्ञानी हुन्छन्। उहाँले गहिरो अनि गुप्त रहस्यहरू प्रर्दशित गराउनु हुन्छ। उहाँले जान्नु हुन्छ अन्धकारमा के छ? अनि ज्योति उहाँसँगै छ। हे मेरो पिता-पुर्खाहरूका परमेश्वर, म तपाईंलाई धन्यवाद दिन्छु, अनि तपाईंको गुणगान गाउँछु। तपाईंले नै मलाई ज्ञान र शक्ति दिनुभयो। जुन कुरा हामीले सोध्यौं त्यसको रहस्य तपाईंले नै बताउँनु भयो। तपाईंले हामीलाई राजाको सपनाको विषयमा बताउँनु भयो।”