२ शमूएल 18:9-10

शेयर गर्नुहोस्

२ शमूएल 18:9-10 नेपाली नयाँ संशोधित संस्करण (NNRV)

अब दाऊदका कतिपय मानिसहरूले अब्‍शालोमलाई देखे। तिनी एउटा खच्‍चरमा चढ़िरहेका थिए, तर जब त्‍यो खच्‍चर एउटा ठूलो फलाँटको रूखमुनिबाट भएर गयो, तब अब्‍शालोमको कपाल हाँगामा अल्‍झ्‍यो, तिनी झुण्‍डिए, अनि खच्‍चरचाहिँ त्‍यस हाँगामुनिबाट छिरिगयो। ती मानिसहरूमध्‍येको एक जनाले त्‍यो देखेर योआबलाई यसो भन्‍यो, “मैले अब्‍शालोमलाई एउटा फलाँटको रूखमा झुण्‍डिएका देखें।”

२ शमूएल 18:9-10 पवित्र बाइबल (NERV)

अब्शालोमले दाऊदका अधिकारीहरूलाई भेटे। अब्शालोम एउटा खच्चरमा चढेर टाढा भाग्ने चेष्टा गरे। खच्चर बजराँठको रूखको हाँगाहरू मुनि भाग्यो। त्यो हाँगो मोटो थियो, अब्शालोमको टाउको हाँगामा अल्झियो। खच्चर लगातार दौडिरह्यो अनि ऊ जमीन माथि हाँगामा झुण्डिए। एकजना मानिसले यो घटना देखे। उसले योआबलाई भने, “मैले बजराँठको रूखमा अब्शालोम झुण्डिरहेको देखें।”

२ शमूएल 18:9-10 सरल नेपाली पवित्र बाइबल (सरल नेपाली)

अचानक अब्‍शालोमको भेट दाऊदका केही मानिसहरूसित भयो। अब्‍शालोम एउटा खच्‍चरमा चढेका थिए। खच्‍चर एउटा फलाँटको रूखमुनिबाट भएर जाँदा अब्‍शालोमको टाउको एउटा हाँगामा अल्‍झियो। खच्‍चरचाहिँ दगुरेर गइहाल्‍यो; तर अब्‍शालोम रूखको हाँगामा झुण्‍डिए र हावामा झुलिरहे। दाऊदका मानिसहरूमध्‍ये एक जनाले उनलाई देख्‍यो र योआबलाई भन्‍यो, “हजुर, मैले अब्‍शालोमलाई एउटा फलाँटको रूखमा झुण्‍डिरहेको देखें!”