२ कोरिन्थी 3:17-18

शेयर गर्नुहोस्

२ कोरिन्थी 3:17-18 नेपाली नयाँ संशोधित संस्करण (NNRV)

अब प्रभु आत्‍मा हुनुहुन्‍छ, अनि जहाँ प्रभुका आत्‍मा हुनुहुन्‍छ, त्‍यहाँ स्‍वतन्‍त्रता हुन्‍छ। हामी सबै घुम्‍टो हटाइएको मुहारले प्रभुको महिमा प्रतिबिम्‍बित गर्दछौं, अनि एउटा महिमादेखि अर्को महिमातिर उक्‍लँदै उहाँको रूपमा बद्‌लिँदैजान्‍छौं। परमप्रभुबाट यो आउँछ, जो आत्‍मा हुनुहुन्‍छ।

२ कोरिन्थी 3:17-18 नेपाली समकालीन संस्करण (NCV)

अब प्रभु आत्मा हुनुहुन्छ, अनि जहाँ प्रभुको आत्मा हुनुहुन्छ, त्यहाँ स्वतन्त्रता हुन्छ। अनि हामी, जसले घुम्टो नलगाइएको मुहारले प्रभुको महिमा प्रतिविम्बित गर्छौं, प्रभुबाट आएको बढिरहने महिमासित उहाँको स्वरूपमा परिवर्तन भइरहेका छौं, जुन प्रभुबाट आउँछ, जो आत्मा हुनुहुन्छ।

२ कोरिन्थी 3:17-18 पवित्र बाइबल (NERV)

प्रभु, आत्मा हुनु हुन्छ। अनि जहाँ प्रभुको आत्मा छ त्यहाँ स्वतन्त्र हुन्छ। हाम्रो अनुहार ढाकिएको छैन। हामी सबै प्रभुको महिमा देखाउँछौं। हामी उनी जस्तै हुन परिवर्तन हुँदैछौं। यस परिवर्तनले हामीमा झन-झन महिमा ल्याउँछ।

२ कोरिन्थी 3:17-18 सरल नेपाली पवित्र बाइबल (सरल नेपाली)

किनभने प्रभु आत्‍मा हुनुहुन्‍छ। प्रभुका आत्‍मा भएको ठाउँमा स्‍वतन्‍त्रता हुन्‍छ। हामी सबैले खुल्‍ला चेहरामा प्रभुको चमक देखाउँदछौं। प्रभु आत्‍मा हुनुहुन्‍छ र उहाँबाट आउने त्‍यही चमकले हामीलाई उहाँजस्‍तै बनाउँदै अझ चहकिलो रूपतिर लैजान्‍छ।