१ पत्रुस 1:1-2
१ पत्रुस 1:1-2 नेपाली नयाँ संशोधित संस्करण (NNRV)
येशू ख्रीष्टको प्रेरित पत्रुसबाट पोन्टस, गलातिया, कापाडोकिया, एशिया र बिथिनियाभरि निर्वासित भई छरपष्ट भएकाहरूलाई, येशू ख्रीष्टको आज्ञापालन र उहाँका रगतको छिट्काइको निम्ति पवित्र आत्माद्वारा शुद्ध भई परमेश्वर पिताद्वारा उहाँको पूर्वज्ञानअनुसार चुनिएकाहरूलाई: अनुग्रह र शान्ति प्रशस्त हुँदैजाओस्।
१ पत्रुस 1:1-2 नेपाली समकालीन संस्करण (NCV)
येशू ख्रीष्टको प्रेरित पत्रुसबाट, परमेश्वरका चुनिएका, परदेशीहरू, जो पोन्टस, गलातिया, कापाडोकिया, एशिया तथा बिथिनिया प्रदेशहरूमा छरिएर रहेका छन्, येशू ख्रीष्टको आज्ञा पालन र उहाँको रगतको छिट्काउको निम्ति पवित्र आत्माद्वारा शुद्ध भएर परमेश्वर पिताको पूर्वज्ञानअनुसार छानिएकाहरूप्रति
१ पत्रुस 1:1-2 पवित्र बाइबल (NERV)
पत्रुस, येशू ख्रीष्टका प्रेरितद्वारा अभिवादन! परमेश्वरद्वारा चुनिएको जो आफ्ना घरदेखि टाढामा पोन्टस्, गलातिया, क्यापडोसिया, एशिया अनि बिथनियाभरि फैलिएर बसेका मानिसहरू प्रति। परमेश्वरले तिमीहरूलाई पवित्र मानिस बनाउनु भएको थियो। तिमीहरूलाई पवित्र तुल्याउने कार्य आत्माको हो। परमेश्वरको आज्ञाकारी र येशू ख्रीष्टको रगतले अभिषेक गरी शुद्ध पार्न तिमीहरू चुनिएका थियै। परमेश्वरको अनुग्रह तिमीहरूमा अधिक भन्दा अधिक बढेर जाओस्।
१ पत्रुस 1:1-2 सरल नेपाली पवित्र बाइबल (सरल नेपाली)
म प्रेरित पत्रुसबाट पोन्टस, गलातिया, कापाडोकिया, एशिया र बिथिनियामा विदेशिएर तितरबितर भई बसेका परमेश्वरले छान्नुभएका परमेश्वरका जनहरूलाई यो पत्र लेख्दै छु। अघिबाटै आफ्नो योजनाअनुसार परमेश्वर पिताले तिमीहरूलाई आफ्नै पवित्र जन हुनलाई छान्नुभएको हो। येशू ख्रीष्टको रगतले पवित्र भएर उहाँकै आज्ञा तिमीहरूले मान्न सक भनी उहाँले तिमीहरूलाई आत्माद्वारा आफ्नो बनाउनुभयो। तिमीहरूमाथि अनुग्रह र शान्ति प्रसस्त होस्।