মার্ক 9
9
1 অটহঅ গে যীশু ইঙ্কূ কে গামৎ কুয়া, ইঞ আপে কে সার্তি গেঞ গামাপে তানা, অকয় কু নেডেপে তিন্গুয়া কানা, আপে ক্থ্ক হড় মেনা পেয়া, অকয় কু দ গজ রাঃআ যাহানা আ আস্বাদ কাপে নামেয়া। অকা পর্যন্ত ঈশ্বর রাঃআ পরগনা পরাঃআক্রম লঅ হিজু কায় নেল নামেয়া।
যীশু রাঃআ রূপসদর।
2তুরুই মাহা তায়্ম যীশু দ পিতর, যাকোব, হেৎদ যহনকে সাতরে দহ কাতে নিরিবিলি মিয়াৎ সাল্গী বুরু চেতাং তে ইদি কেৎ কুয়ায়্য় , হেৎদ ইনি দ উঙকু আ সমাংরে রূপে পাল্টা কেৎআয়্য়
3হেৎদ আয়া আ কিচি ই জুল লেকা সাফা, হেৎদ কুঠিন ধপ ধ্পেনা, ধারতি রিঙ্কূ যাহায় কিচি সাফাকু নেকা কাকু গালাং দাড়িয়া।
4ইলিয় হেৎদ মুশি ইনি ল অ কিন নাপামেনা; হাঁকিন যীশু লঅ থুতি জাগার তানা।
5ইন্তং পিতর যীশু কে গাম কুলি কিআয়, প্রভু, নেডে আবুয়া আ তাহীন বেসা; আলে আপিয়া কুম্বা বানায়ালে, মিয়াৎ আবেনা নাতিনাং, মিয়াৎ মুশি রাঃআ নাতিনাং, অটঃ মিয়াৎ ইলিয় রাঃআ নাতিনাং।
6চিয়া চি কিনা গাম হযুয়া পিতরদ যাহানা আ কায় আটকার নাম লাত্যায়। চিয়া চেলা কু দ খুব্গেযকু বর লেনা।
7ইনা তায়্ম মিয়াৎ রিবিল হিচেন্তে ইঙ্কূ কে উবুল দানাং কেৎ কুয়া; হেৎদ ইনা রিবিল হাতে মিয়াৎ জাগার হিচেনা, ইনিদ ইঞাআ দুলাড়িয়া হন, ইনি রাঃআ থুতি আয়ুমেপে।
8ইনা তায়্ম আচ্কাগে ইঙ্কূ হান্তে নাতে কয়অ ভাড়া কেৎআ কু জাহায়কে কাকু নেল নাম লাৎ কুয়া, একলাগে যীশুদ চেলাকু লঅ তিন্গুয়া কানায়।
9বুরু চেতান হাতে আড়গু আড়গু তে যীশুদ কাজাগতে মানা কেৎ কুয়া, আপে অকা কুপে নেল কেৎআ যাহায় কে আল্পে গামা কুয়া, ইন্তং অব্দি গচ কু রাঃআ তালা হাতে মান্মি হন গচ হাতেৎ কায় জিউৎ বিরিৎ রুয়াড়ায়।
10ইন্তং গচ কু রাঃআ তালা হাতে বিরিৎ রুয়াড় কিনাআ তানা, ইঙ্কূ নিয়া বাব্ত্তে আকু আকু কু কুলি ভাড়ান্তে আকুয়াআ তালারেগে কু দহ কেৎআ।
11ইনা তায়্ম চেলাকুদ যীশু কেকু কুলি কিয়া, শাস্ত্র কটালকু মাকু গামেয়া, মাড়াং তে ইলিয়কে হিজু হয়ুয়া?
12 যীশু ইঙ্কূ কে গামাৎ কুয়া, হে সর্তিগে, ইলিয় মাড়াংতে হিজু আয় হেৎদ যাবতীয় বেপার কু বেস্গটা তে পুনস্থাপন নে গেয়ায়্ হেৎদ মান্মি হন রাঃআ বাব্ত্তে চিল্কা গে অল মেনা আ, ইনি কে গাদা হারকেৎ নামেয়ায় হেৎদ ঘেন্না নাম হ্যুযায়।
13 মেন্খান ইঞ আপেকে গামাপে তানা, ইলিয় রাঃআ বাব্ত্তে শাস্ত্ররে চিল্কা অল মেনা আ, এনে এঙ্কাগে ইনি দ হিচ্ লেনায়, হেৎদ মান্মি ইনি রাঃআ চেতাং রে যা খুশি ইনাগে কু করাঃআ তাৎঃআ।
বঙ্গাতে বর লেনায় মিয়াৎ কড়া হন কে যীশু বেশ কিইয়ায়। মথি 17:14-21 ; লুকা 9:37-43
14ইনা তায়্ম যীশু ইঙ্কু আপিয়া চেলা কু লঅ এটা চেলা কুরাঃআ হান্ডে হিচ্ কাতেকু নেল কেৎ আ ইঙ্কূ আ গটা কাতা গাদা হড়, হেৎদ কটাল কু ইঙ্কূ লঅ বাক ঝুড়ি তানা কু।
15ইনিকে নেল থরাঃআ যত হড় কুব্গে কু হাহাড়ায় না, হেৎদ ইনি রাঃআ হান্ডে নির হিচ্ কাতে জহার কিয়া কু।
16যীশু দ ইঙ্কূ কে কুলি কেৎ কুয়ায়্য় য়, নুকু লঅ আপে কিনা আ বাব্ত্তে বাক ঝুড়ি তানা পে ?
17এন্খান্গে উন্কুয়া তালা হাতেৎ মিয়ুড় গাম রুয়াড় কেৎআ য়, এ প্রভু, ইঞআ হন কে আমাঃ হান্ডে আগু লিয়াঞ ইনিকে ববা আত্মা নাম তিআ; ইনিদ কায় থুতি ডাড়ি টানায়;
18চিন্তং ববা কে ক্দেরেগে যুগ্নিদেব্তা নামিয়ায় এন্ডে গে তাওয়া য়াই, হেৎদ ইনি রাঃআ মচা হরতে ফত উডুং আ হেৎদ ডাটা কড় মড় ইয়ায়, অটহঅ কাট চাবাআয়; ইঞ আমাঃ আ চেলা কুকে গামৎ কুকেনায়ঞ ছাড়া নাতি নাং, মেন্খান ইঙ্কূ কাকু দাড়ি লাৎআ।
19যীশু আয়ায়া চেলা কুকে গাম রুয়াড় কেৎকুয়া, হে কা পাতিয়ান জাতি, ইঞ দ চিমিন কাল উৎরাঃআং আপে লঅঞ তাহিনা? চিমিন কাল উৎরাঃআং আপেয়াআ হাম্বল গয়াআ পেয়াঞ ? ইনিকে ইঞাআ হান্ডে আগুই পে।
20চেলা কু দ ইনিকে যীশু রাঃআ হান্ডে আগু কিয়া কু; যীশু কে নেল থরাঃআ বঙ্গা আত্মাদ হানিকে খুব আটতে মচড়া কাতে হাসারে তাওয়া কাতে ফত উডুং লঅ গে গাড়া গড়ি নায়।
21ইন্তং যীশু হানি রাঃআ অপু তেৎ কে কুলি কি আয়, নিই রাঃআ চিলং হাতেৎ নেকা হযু তানা ? হানি গাম রুয়াড় কেৎআয় হুডিঙ হন হাতেৎ গে;
22হেৎদ হানি বঙ্গা আত্মা হিই কে বিনাশ নাতিনাং গাদাসা সিঙ্গেল রে অটহঅ গাদাসা দাআরে চাডু লিআয়; মেন্খান আবেন চি যাহানাআ করাঃআ দাড়িয়া বেন, তবে খান আলে কে দায়া কাতে উপকার লেবেন।
23যীশু গাম রুয়াড় কেৎআয়, চি দাড়িয়া বেন! অকয় পাতিয়া আয় ইনি রাঃআ পক্ষে যত গে সম্বব।
24ইন্তং ইনি হন রাঃআ বা তেৎ কিকিচ কাতে মেৎ দাআ জর কাতে গাম কেৎআ য়, পাতিয়া তানাঞ, ইঞআ কাপাতিয়া রাঃআ প্রতিকারেম।
25ইনা তায়্ম মিসাতে যত হড় যীশু রাঃআ কাতা নির হুন্ডিতানাকু নেল কাতে যীশু ইনি বঙ্গা আত্মাকে দমকা কাতে গামা কি আয় এই ববা কংকা আত্মা, ইঞ আমকে হুকুমাম তানাঞ, নিই রাঃআ হান্ডে হাতে উডুং গদম, হেৎদ যাহা হুনাং নিই রাঃআ হান্ডে আলম রুয়াড় হিজু আ।
26ইন্তং ইনি কিকিচ কাতে হানিকে কুঠিন জোরতে মচড়া কাতে উডুং সেএঃনায়; ইনাতে হনটা গ্জিচ লেকা গিতিচ গিডিয় নায়, এন্খান্গে গাদা হড়কু গাম কেৎআ, ইনিদ গ্চে নায় পেরে।
27মেন্খান যীশুদ ইনি রাঃআ তিহি সাপ কাতে ইনি কে বিরিৎ কিচ খানে বিরিৎ নায়।
28ইনা তায়্ম যীশুদ অড়াঃতে হিচেন খান ইনি রাঃআ চেলা কুদ একলারে কুলি কিয়াঃআ কু, আলে চিয়া হানি ববা কংকা আত্মা হন কে কালে ছাড়া দাড়িয়া লিঃআ?
29ইনি গাম রুয়াড় কেৎআ য়, বিন্তি বিনা এঙ্কাতেদ নুকু যাইত কাকু উদু নিরাঃআ।
যীশু আয়ায়্য় গচঃঅ বাব্ত্তে নিয়া লঅ বারসা গাম রুয়াড় কেৎআয়। মথি 17:22 -23; লুকা 9:43-45 ।
30ইনা ডিপা হাতে চেলা কু লঅ যীশু উদুইমাহা তে গালিলি রাঃআ তালা হরকাতে তাড়ম ইদি কেৎআ কু, হেৎদ ইনি রাঃআ ইচ্ছা কা তাহি লেনা, যাহায় কু সারি ঞামে কাঃআ কু মেন্তে।
31চিয়া চি যীশু আয়াঃআ চেলা কুকে উপমা এম কাতে গামাৎ কুয়া, মান্মি হন কে বাইরি কুরাঃআ তিহিরে স্ম্পা তুকাঃআয়; ইঙ্কূ ইনিকে গ্চিয়াকু; গচতুকা লেনখানে আপিমাহা হুলাং রে অটহঅ গে বিরিৎ রুয়াড়ায়।
32মেন্খান ইঙ্কূ ইনা জাগার কাকু আটকার ঞামলাঃআ, হেৎদ যীশু কে কুকলিতে বর কেৎআ কু।
সার্তি কায়তে মানতান অকয় হেৎদ ধরম হরাঃআরে তাড়মতে এটকে টড়েৎ এম গিইচ রাঃআ দশা কিনা আ, ইনা বাব্ত্তে চেচেদ। মথি 18:1 -5 ; লুকা 9:46-48 ।
33ইনা তায়্ম ইঙ্কূ দ কফরনাহামে তেকু হিচেনা ; হেৎদ অড়াতে কু বলঃঅ আদেরেন খান ইনি ইঙ্কূ কে কুলি কেৎকুয়া, হরাঃআ তালারে কিনাঃআ বাব্ত্তেপে বাখঝৈড়ী কেনাঃআ?
34চেলাকু দ থীর থারাঃআ কানাকু, চিয়াৎ চি অকয় মানতান আয়, নিয়া বাব্ত্তে হরাঃআরে আকুআকু গে বাকঝৈড়ী কেনা।
35ইন্তং ইনি ১২ চেলা কুলঃঅ দুপ হুঁডি কাতে গামাৎ কুয়ায়্য় য়, যাহায় যদি মাড়াং অং সানাম তানা, ইন্খান জ্ত্চ রাঃআ তায়্মরে তাহীন মে হেৎদ জ্ত্চ রাঃআ ঞেল আতেন রে তাহিনমে।
36ইনা তায়্ম মিয়াৎ হুঁডিং হন কে হাতা কাতেৎ আকুয়াআ তালারে তিঙগু কিইয়ায়্য় হেৎদ ইনিকে কয়ঙ কাতে ইঙ্কূ কে গামাৎ কুয়া,
37 অকয় গে ইঞাঃআ ঞতুমতে হিঁঃই লেকা হুঁডিং হন কে আতাং ইয়াপে, ইনি দ ইঞ কেগে আতাংইঞাপে; হেৎদ অকয় ইঞ কে আতাংইঞায়, ইনি দ ইঞ কে দ ল্হয়, মেন্খান অকয় ইঞ কে কুলতিঃ ইঞায়, আপুঞ কেগে আতাং তিঃআয়।
অকয় ইঞায় বিপ্ক্ক ল্হয় ইনিদ স্প্ক্ক। লুকা 9:49-50
38যহন ইনিকে কুলি কিঃআয় এ গুরু, আলে মিয়াৎ হড়কে আমাঃ ঞতুম তে বঙ্গা কে কুদা গিডি লে নেল লিঃআ, হেৎদ আলে ইনিকে লে মানা লিঃআ, চিয়াঃ চি ইনি দ আবুয়াঃআ সুতুঃ হড় ল্হয়।
39মেন্খান যীশু গাম রুয়াড় কেৎ ৎ আয়, হানিকে আলপে মানা ইয়া, চিয়াঃ চি এনেএনকান যাহায় বানুঃ কুয়া, অকয় ইঞাঃআ ঞতুম তে দাড়িয়ান কামী করাঃআ কাতে আল্গা তেগে ইঞাঃআ নিন্দা দাড়িঃআয়।
40 চিয়াঃআ চি অকয় আবুয়াঃআ বিপক্ষ লহয়, ইনি দ আবুয়াঃআ পক্ষ।
41 বাস্তবরে যাহায় আপেকে খ্রীস্ট রাঃআ হড় মেন্তে মিৎ টাটিয়া দাঃআ নু তে কু এমা পেয়া, ইঞ আপেকে সার্তি গেঞ গামাপে তানা, ইনিদ যাহা লেকাতে আয়াঃআ সির্পা হাতে কায় হাটিং ভেগারঃআয়।
কাই রাঃআ কারণ। মথি 18:6 -9
42 হেৎদ নুকু হুডাং লেকা হড় পাতিয়া নাকু, ইঙ্কূ য়া তালা হাতে যাহায় কে পাছে যাহায় ব্যাট কাটাইয়ায় কাই নাতিনাং, বরং হানি রাঃআ হটঃরে গাদা মারাঃআং যাঁতা তল কাতে হানিকে দরেয়া দাঃআ রে বুহাল গিডি লেন্খান আয়ায়্য় পক্ষে বেশ হয়ুয়া।
43 অটহঅ গে আমাঃআ তিহি পাছে আমকে ব্যাটকাটা মায় কাই নাতিনাং, তবেখান ইনাদ মাঃআ গিডিম;
44 বারিয়া তিহি তাহি কাতে নরক তে, হানে ইনা ধাউ ধাউ জুলঃ সেঙ্গেল তে, সেন হাতে, বরংচ মিয়াৎ তিহিতে জীবন তে বলআদেরঃ আমাঃ বেশ হয়ুয়া।
45 অটহঅ আমাঃআ কাটা পাছে ব্যাটকাটা মায় কাই নাতিনাং, তবেখান ইনাদ মাঃআ গিডিম; বারাঃআন কাটা তাহী কাতেত নরক তে চাডুঃ/খাঞ্জ হাতে বরংচ খড়দা কাতে জীবন তে বলআদেরঃ আমাঃ বেশ হয়ুয়া।
46 অটহঅ আমাঃআ মেৎ পাছে ব্যাটকাটা মায় কাই নাতিনাং, তবেখান ইনাদ হটর উঁডুঙ কাতে দুহাড় গিডিম;
47 বারিয়া মেৎ তাহী কাতে নরক তে খাঞ্জঃ হাতে বরংচ কাঁড়া কাতে মিয়াৎ মেৎ তে ঈশ্বর রাঃআ পরগনা তে বলআদেরঃ আমাঃ বেশ হয়ুয়া;
48নরখরেমা হড় রাঃআ তিজু কাকু গচঃআ, হেৎদ সিঙ্গেল হঃঅ কা চাব্বাঃআ ।#জিসাই 66:24
49 বস্তুতঃ জ্তচ্ হড়কুকে সেঙ্গেল লেকা বুলুংতে বুলুংগদঃ হয়ুঃগেয়া, হেৎদ জ্তচ্ বলি কুকে বুলুংতে বুলুংগদঃ হয়ুঃআ,
50 বুলুং দ বেশ গেয়া, মেন্খান বুলুং রাঃআ বুলুং রাঃআহাম পাছে আদঃআ, তবেখান আমাঃআ কিনাঃরে ইনা স্বাদেম এমেয়া ? আপে আপান আপিন রাঃআ অন্তরে বুলুং দহয় পে, হেৎদ আপান আপিন সুলুক তে তাহীন পে।
अहिले सेलेक्ट गरिएको:
মার্ক 9: KTn
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
CC BY SA
