УблапӀэ 4
4
ЯплӀэнэрэ шъхьэр
Къаинрэ Хэбэлрэ
1Адам ишъузэу Хьаом гохьагъ, сабый ащ ышъо хафи, Къаин#4:1 Къаин – ижъырэ джуртыбзэкӀэ къикӀырэр: бгъотын. къылъфыгъ. ЕтӀанэ къыӀуагъ: «Зиусхьаным къысити, сэ цӀыф згъотыгъэ!»
2ЕтӀани ащ Хэбэл, Къаин ыш, къылъфыгъ. Хэбэл мэлахъощтыгъ, Къаин чӀыгулэжьыщтыгъ. 3Уахътэ зытешӀэм ыуж, чӀыгум къырихыжьыгъэ лэжьыгъэм щыщ Къаин Зиусхьаным тынэу къыфихьыгъ. 4Хэбэли шъынэ щыпэлъфхэм шэу къакӀоцӀыкӀыгъэр къыфихьыгъ. 5Хэбэл итын Зиусхьаныр нэшӀукӀэ къеплъыгъ, ау Къаин итын ыгу рихьыгъэп. Арыти Къаин губжи, ынэгу къызэӀигъэхьагъ.
6«Сыда узкӀэгубжырэр? – Зиусхьаныр Къаин къеупчӀыгъ, – сыда унэгу къызфызэхэхьагъэр? 7ШӀу ошӀэмэ – пшъхьэ Ӏэты. ШӀу умышӀэмэ – пчъэӀупэм псэкӀодыр къыщыошэ. Ар о къыпкӀэхъопсы, ау о ащкӀэ тетыгъо зигъаӀ».
8Зэгорэм Къаин ышэу Хэбэл риӀуагъ: «НекӀо, шъофым тигъахь». – Ахэр шъофым зэкӀохэм, ащ Къаин Хэбэл щытебани, ыукӀыгъ.
9Арыти Зиусхьаным Къаин къыриӀуагъ: «Тыдэ щыӀа пшэу Хэбэл?» Къаин къыӀуагъ: «СшӀэрэп, сыда сэ сшы сырикъэрэгъула?»
10Зиусхьаным къыӀуагъ: «Сыда пшӀагъэр? Пшы ылъ ымакъэ чӀыгум къычӀэджыкӀызэ къысэджэ. 11Джы о нэлат къыптефагъ. Пшы ылъэу о пӀэкӀэ бгъэчъагъэр ришъунэу зэгозыгъэ чӀыгум уиштэжьырэп. 12Сыд фэдизрэ чӀыгур орэлэжьы, ащ нахьыбэрэ ащ о уигъэшхэжьыщтэп. Узыхафыгъэу, шъхьэегъэзыпӀэ уимыӀэу о чӀыгум утетыщт».
13Къаин Тхьэм риӀуагъ: «Пщыныжь къин ар, сэ ар сфэщэчыщтым нахьыб. 14Джы чӀыгум сытеофы, сэ О Уапашъхьэ ситыжьыщтэп. Сызыхафыгъэу, шъхьэегъэзыпӀэ симыӀэу сыхъущтышъ, хэти апэу сызӀукӀэрэм сиукӀыщт».
15Зиусхьаным ащ къыриӀуагъ: «Ары шъхьае хэтми Къаин зыукӀырэм фэдиблэу ыпщыныжьыщт». Арыти Зиусхьаным Къаин тамыгъэ къытырилъхьагъ, къыӀукӀэрэмэ аукӀын амылъэкӀынэу. 16Къаин Зиусхьаным ыпашъхьэ икӀыжьи, Нод чӀыгум, Ӏэдэн икъокӀыпӀэ лъэныкъокӀэ, тетӀысхьагъ.
Къаин къытекӀыгъэхэр Лэмэх нэс
17Къаин ишъуз гохьагъ, ащ сабый ышъо хафи, Хъанох къылъфыгъ. Къаин а уахътэм къалэ ыгъэпсыщтыгъэ – ащ ежь ыкъо ыцӀэ фиусыгъ – Хъанох. 18Хъанох Ӏирад къыфэхъугъ, Ӏирад къыфэхъугъ Мэхъуаел, Мэхъуаел къыфэхъугъ Матущаел, Матущаел къыфэхъугъ Лэмэх. 19Лэмэх шъузитӀу къыщагъ: зым ыцӀагъэр Ӏадэ, ятӀонэрэм ыцӀагъэр Цылэ. 20Ӏадэ Ябэл къылъфыгъ: ар былым Ӏэхъогъу зиӀэ щатырым чӀэсхэм ятэпӀэшъагъ. 21Ащ ыш ыцӀагъэр Иубэл; ар пщынэ тӀаркъомэ, сырынэмэ орэд къязыгъаӀорэмэ зэкӀэмэ ятэпӀашъэщтыгъ. 22Цылэ Тубал Къаин къылъфыгъ; ащ джэрзымрэ гъучӀымрэ Ӏэмэ псымэхэр ахишӀыкӀыщтыгъэ. Тубэл Къаин шыпхъоу НаӀамэ иӀагъ.
23Лэмэх ишъузмэ ариӀуагъ:
«Ӏадэрэ Цылэрэ, шъукъысэдэӀу!
ШъукъедэӀу, Лэмэх ишъузхэр, сэ къышъосӀощтым!
Хъулъфыгъэм сиуӀагъэти – сыукӀыгъ!
ЛӀыр къысэуагъэти – сыукӀыгъ!
24Къаин пае блэ пщынэжьыщтых,
Лэмэх пае – тӀокӀищырэ пшӀырэу блэ!»
Щэтрэ Енощрэ
25Адам ишъуз джыри гохьагъ. Ащ шъэожъые къыфэхъуи, Щэт#4:25 Щэт – ижъырэ джуртыбзэкӀэ къикӀырэр: тын къыфишӀыгъ. фиусыгъ. Ащ къикӀыщтыгъэр: «Къаин ыукӀыгъэ Хэбэл ычӀыпӀэкӀэ Тхьэм шъао къыситыгъ». 26Щэти шъао къыфэхъугъ, ащ Енощ фиусыгъ.
Джащ къыщегъэжьагъэу цӀыфхэм Тхьэм «Зиусхьан» фауси, агъэлъапӀэзэ елъэӀухэу аублагъ.
अहिले सेलेक्ट गरिएको:
УблапӀэ 4: АдыТГ
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
© Институт перевода Библии, 2002-2023