Génesis 14
14
Síkáku Abram Lot
1Rá ki̱vɨ̱ꞌ yukuán Amrafel, ya̱ kúvi te̱e tátúníꞌ re̱ꞌ rá ñuunꞌ Sinar, jín Arioc, ya̱ kúvi te̱e tátúníꞌ re̱ꞌ rá ñuunꞌ Elasar, jín Quedorlaomer, ya̱ kúvi te̱e tátúníꞌ re̱ꞌ ñuunꞌ Elam, jín Tidal, ya̱ kúvi te̱e tátúníꞌ re̱ꞌ rá ñuunꞌ Goim, 2nka̱ntáꞌán ráa jín Bera, ya̱ kúvi te̱e tátúníꞌ re̱ꞌ ñuunꞌ Sodoma, jín Birsa, ya̱ kúvi te̱e tátúníꞌ re̱ꞌ ñuunꞌ Gomorra, jín Sinab, ya̱ kúvi te̱e tátúníꞌ re̱ꞌ ñuunꞌ Adma, jín Semeber, ya̱ kúvi te̱e tátúníꞌ re̱ꞌ ñuunꞌ Zeboim, jín te̱e tátúníꞌ re̱ꞌ ñuunꞌ Bela, ya̱ suni naní Zoar. 3Jee nɨꞌɨ rá u̱ꞌu̱nꞌ te̱e tátúníꞌ yaꞌá nna̱saꞌá tútú ráa rá ñɨvɨ rá ñuunꞌ ráa nu̱u̱nꞌ ñuꞌun naní Sidim ya̱ káa‑a nteñu jie̱ꞌe̱ꞌ rá yuku, nu̱u̱nꞌ káá Nteñúꞌún U̱ꞌva̱ꞌ. #14:3 Nteñúꞌún ntu tékúꞌ (Mar Muerto) 4Jee u̱xu̱ꞌ u̱vi̱ꞌ (12) kui̱ya̱ꞌ nyɨ̱ꞌɨ rá u̱ꞌu̱nꞌ ñuunꞌ yaꞌá xi̱ntíín Quedorlaomer, soo kui̱ya̱ꞌ uxúꞌ u̱ni̱ꞌ (13) nnakui̱ñɨ̱ꞌ ráa si̱kɨ̱ꞌ re̱ꞌ sáva kene ráa xi̱ntíín re̱ꞌ.
5Jee kui̱ya̱ꞌ uxúꞌ ku̱mi̱ꞌ (14) ña̱jee nkenta Quedorlaomer jín rá te̱e tátúníꞌ ya̱ yɨ́tuvi táꞌán ráa jín re̱ꞌ jín rá ñɨvɨ ráa, jee nka̱ntáꞌán ráa jee ñakɨnꞌ ráa ya̱ta̱ꞌ rá ñɨvɨ refaíta, ya̱ nééꞌ rává ñuunꞌ Astarot Carnaim, jee ñakɨnꞌ ráa ya̱ta̱ꞌ rá ñɨvɨ zuzita, ya̱ nééꞌ rává ñuunꞌ Ham, jee ñakɨnꞌ ráa ya̱ta̱ꞌ rá ñɨvɨ emita, ya̱ nééꞌ rává ñuunꞌ Save‑quiriataim, 6jee ñakɨnꞌ ráa ya̱ta̱ꞌ rá ñɨvɨ horeo, ya̱ nééꞌ rává rá yuku ñuunꞌ Seir, jee nkenta ráa ñuunꞌ El‑parán, nu̱u̱nꞌ káá nu̱u̱nꞌ ñuꞌún saɨn. 7Jee nni̱kó ráa nkenta ráa nu̱u̱nꞌ ñuunꞌ En‑mispat, ya̱ suni naní Cades, jee nka̱ntáꞌán ráa ntɨɨn ráa nɨꞌɨ ñuꞌun rá ñɨvɨ Amalec jín rá ñɨvɨ amorreo, ya̱ nééꞌ rává ñuunꞌ Hazezontamar.
8I̱ña̱jée rá te̱e tátúníꞌ ráa rá ñuunꞌ Sodoma, Gomorra, Adma, Zeboim jín Bela ya̱ kúvi ñuunꞌ Zoar, ña̱ꞌa̱nꞌ ráa nsa̱túꞌva ráa rá ñɨvɨ ráa nu̱u̱nꞌ ñuꞌun Sidim ya̱ káa nteñu jie̱ꞌe̱ꞌ rá yuku sáva kantáꞌán ráa 9jín Quedorlaomer, ya̱ tátúníꞌ re̱ꞌ ñuunꞌ Elam, jín Tidal, ya̱ kúvi te̱e ya̱ tátúníꞌ re̱ꞌ ñuunꞌ Goim, jín Amrafel, kúvi te̱e ya̱ tátúníꞌ re̱ꞌ ñuunꞌ Sinar, jín Arioc, ya̱ kúvi re̱ꞌ te̱e ya̱ tátúníꞌ re̱ꞌ ñuunꞌ Elasar. Ku̱mi̱ꞌ rá te̱e tátúníꞌ jín rá se̱ꞌya ñuunꞌ ráa kántáꞌán ráa nkenta ráa si̱kɨ̱ꞌ rá u̱ꞌu̱nꞌ tátúníꞌ jín rá se̱ꞌya ñuunꞌ ráa.
10Jee ñuꞌun Sidim, ya̱ káa nteñu jie̱ꞌe̱ꞌ rá yuku, jee yukuán ni̱yo kue̱ꞌe̱ꞌ yaviꞌ ya̱ ñúꞌún chitú su̱jie kixín. Yukuán jee sáá ninu rá te̱e tátúníꞌ Sodoma jín Gomorra jín rá se̱ꞌya ñuunꞌ ráa nka̱ku ráa nu̱u̱nꞌ nka̱ntáꞌán ráa, jee nkoyo sáva ráa iniꞌ rá yaviꞌ vá, jee rá inka ka̱ꞌ ráa ya̱ nka̱ku ráa ninu ráa kua̱ꞌa̱nꞌ ráa nu̱u̱nꞌ rá yuku. 11Jee rá ñɨvɨ ya̱ náka rá ku̱mi̱ꞌ te̱e tátúníꞌ ntɨɨn ráa nɨꞌɨ rá nantíñú íyó rá ñuunꞌ Sodoma jín Gomorra, jín nɨꞌɨ ya̱ yájíꞌ jee nkene ráa kua̱ꞌa̱nꞌ ráa. 12Jee suni Lot, ya̱ nééꞌ re̱ꞌ ñuunꞌ Sodoma, jee kúvi re̱ꞌ se̱ꞌya ñaniꞌ Abram, jee suni ntɨɨn ráa re̱ꞌ jín rá nantíñú re̱ꞌ jee kua̱ꞌa̱nꞌ ráa jín‑i.
13Jee ɨɨn te̱e ya̱ nkáku re̱ꞌ jee ña̱nakani re̱ꞌ nu̱u̱nꞌ Abram ya̱ nkuvi. Jee Abram ví te̱e hebreo ya̱ kúvi se̱ꞌya ichiyúkúnꞌ ya̱ váji ráa ne̱ nu̱u̱nꞌ te̱e naní Heber, jee nééꞌ Abram nteñu rá tu̱ya̱á káꞌnú kúmí Mamré ya̱ kúvi re̱ꞌ tataꞌ amorreo jín ya̱ kúvi re̱ꞌ ñaniꞌ Escol jín Aner, jee yɨ́tuvi táꞌán ráa jín Abram. 14Sáá nteso̱ꞌo Abram ya̱ yɨ́ꞌɨ́ sa̱ji̱nꞌ re̱ꞌ xi̱ntíín rá te̱e ntɨɨn ráa maa jee nna̱stútú re̱ꞌ rá u̱ni̱ꞌ sientúꞌ xa̱ꞌu̱nꞌ u̱ni̱ꞌ (318) te̱e tu̱ꞌva ráa kantáꞌán ráa ya̱ nkaku ráa nu̱u̱nꞌ rá ñɨvɨ ya̱ néen kuéntáꞌ re̱ꞌ nu̱u̱nꞌ káá veꞌi re̱ꞌ. Jee nchi̱nikɨnꞌ ráa rá ñɨvɨ ya̱ náka rá ku̱mi̱ꞌ te̱e tátúníꞌ ne̱ ñuunꞌ Dan.
15Jee yakuááꞌ nta̱sáva re̱ꞌ rá te̱e kútáꞌán jín re̱ꞌ jee nka̱ntáꞌán ráa ñakɨnꞌ ráa ya̱ta̱ꞌ rá ñɨvɨ vá jee nchi̱nikɨnꞌ ráa nka̱ntáꞌán ráa jín rá te̱e yɨ́ꞌɨ́ rává xi̱ntíín rá tátúníꞌ ne̱ nkenta ráa ñuunꞌ Hoba ya̱ káá ichi norte Damasco. 16Jee nna̱keꞌen Abram nɨꞌɨ rá nantíñú ntɨ́ɨn rá te̱e yɨ́ꞌɨ́ rává xi̱ntíín rá kúmíꞌ te̱e tátúníꞌ jee suni nna̱keꞌen re̱ꞌ sa̱ji̱nꞌ re̱ꞌ Lot jín rá nantíñú sa̱ji̱nꞌ re̱ꞌ, jee suni nna̱keꞌen re̱ꞌ rá ñaꞌan jín rá inka ñɨvɨ ntɨ́ɨn rává jee ña̱na̱ka re̱ꞌ ráa nu̱u̱nꞌ ñuunꞌ ráa.
Jíkánꞌ táꞌvíꞌ Melquisedec ya̱ koo va̱ꞌa jín Abram
17Sáá nni̱kó Abram nku̱neí re̱ꞌ ñakɨnꞌ re̱ꞌ ya̱ta̱ꞌ Quedorlaomer jín rá te̱e tátúníꞌ ya̱ íñɨ́ jín‑i, jee te̱e tátúníꞌ ñuunꞌ Sodoma nkene‑e ña̱taꞌanꞌ‑a re̱ꞌ ñuꞌun Save ya̱ káa nteñu jie̱ꞌe̱ꞌ rá yuku, ya̱ naní Ñuꞌun nuꞌveꞌ káa jie̱ꞌe̱ꞌ rá yuku Tɨ́ɨn Te̱e Tátúníꞌ. 18Jee Melquisedec, ya̱ kuvi te̱e tátúníꞌ‑i ñuunꞌ Salem ña̱na̱ka‑a ya̱ kajiꞌ Abram jín rá ñɨvɨ kútáꞌán jín re̱ꞌ jín nu̱xi nixiꞌ uva koꞌo ráa. Jee Melquisedec ví su̱tu̱ꞌ yɨ́tíñú‑u nu̱u̱nꞌ Ndiosíꞌ máá ñáꞌnú nasɨ́kuitɨꞌ ka̱ꞌ. 19Jee ni̱ka̱nꞌ táꞌvíꞌ‑i nu̱u̱nꞌ Ndiosíꞌ ya̱ kɨ̱ꞌɨ̱nꞌ va̱ꞌa jín Abram jee nkachiꞌ‑i:
“Na̱ ka̱ꞌ netuꞌ ka̱ꞌ kuvi Abram saꞌá Ndiosíꞌ máá ñáꞌnú ka̱ꞌ,
ya̱ nsa̱ꞌá re̱ꞌ súkún jín ñɨ̱vɨ́.
20Jee netuꞌ ví Ndiosíꞌ máá ñáꞌnú ka̱ꞌ
ya̱ ntaji re̱ꞌ xi̱ntíín nú rá ñɨvɨ ntu̱fi̱ꞌ ta̱ꞌán ráa jín nú jee nxi̱náánꞌ nú ráa.”
I̱ña̱jée Abram njia̱ꞌa nu̱u̱nꞌ Melquisedec ni u̱ji̱ꞌ ni u̱ji̱ꞌ ta sientúꞌ nɨꞌɨ rá nantíñú nna̱niꞌinꞌ re̱ꞌ. 21Jee nkachiꞌ te̱e tátúníꞌ ñuunꞌ Sodoma nu̱u̱nꞌ Abram:
―Nataji rá ñɨvɨ ni̱ꞌ nu̱u̱nꞌ ni̱ꞌ jee kino̱o nú jín rá nantíñú nna̱keꞌen nú.
22Jee nna̱xiníkó Abram:
―Ya nna̱nenaꞌá ni̱ꞌ nsa̱náaꞌ ni̱ꞌ nu̱u̱nꞌ tu̱ꞌun káꞌánꞌ ni̱ꞌ nu̱u̱nꞌ I̱toꞌoꞌ ni̱ꞌ Ndiosíꞌ máá ñáꞌnú ka̱ꞌ ya̱ nsa̱ꞌá súkún jín ñɨ̱vɨ́, 23ya̱ sú ne̱ ɨɨn yu̱ꞌve̱ꞌ jín sú ne̱ ɨɨn ñɨɨn núꞌníꞌ ni̱jia̱nꞌ, nsáꞌ tɨɨn ni̱ꞌ ni ɨɨn nantíñú ntáká nantíñú nú, sáva ni nka̱chíꞌ nú: “maáníꞌ nsákúká ni̱ꞌ Abram”. 24Ntɨɨn ni̱ꞌ kua̱chi sáni ya̱ nyajiꞌ rá ñɨvɨ kútáꞌán ráa jín ni̱ꞌ, jee suni ku̱ꞌva sáva nantíñú nu̱u̱nꞌ rá te̱e ya̱ ña̱ꞌa̱nꞌ ráa jín ni̱ꞌ, Aner, Escol jín Mamré, sáni íyó ni̱ꞌi̱nꞌ ráa kino̱o jín ráa.
अहिले सेलेक्ट गरिएको:
Génesis 14: meh
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
© 2022, Wycliffe Bible Translators, Inc. All rights reserved.