UPUTUKILO 5
5
1Uno we mukanda wa yisemuko ya Alama. Ha tangwa lize Zambi watangile mutu, yamulinga mu kulifwa chenyi. 2Yaatanga lunga ni pwo. Yaawahisa nikwaluka jina ngwenyi, Alama, ha tangwa lize yaatanga. 3Alama yatwama kulakaji lia miaka ni makumi atatu a miaka mba yasema mwana wa lunga wa kulifwa nenyi, mwe mu chano chenyi. Yamuluka jina ngwenyi, Sete. 4Matangwa ja Alama kulutwe lia kusema Sete apwile makulakaji nake a miaka, nikusema ana a malunga ni ana a mapwo. 5Kashika matangwa eswe a mwono wa Alama makulakaji livwa a miaka ni makumi atatu a miaka, mba yafwa.
6Sete yatwama kulakaji Ha miaka ni miaka yitano, yasema Enoshe. 7Mba kulutwe lia kusema Enoshe Sete yatwama nawa makulakaji nake a miaka ni miaka shimbiali nikusema ana a malunga ni ana a mapwo. 8Kashika matangwa eswe a Sete apwile makulakaji livwa a miaka ni kumi lia miaka ni miaka yiali, mba yafwa.
9Enoshe yatwama makumi livwa a miaka, yasema Kenane. 10Mba kulutwe lia kusema Kenane Enoshe yatwama nawa makulakaji nake a miaka ni kumi lia miaka ni miaka yitano nikusema ana a malunga ni ana a mapwo. 11Kashika matangwa eswe a Enoshe apwile makulakaji livwa a miaka ni miaka yitano, mba yafwa.
12Kenane yatwama makumi shimbiali a miaka, yasema Mahalale. 13Mba kulutwe lia kusema Mahalale Kenane yatwama nawa makulakaji nake a miaka ni makumi awana a miaka, nikusema ana a malunga ni ana a mapwo. 14Kashika matangwa eswe a Kenane makulakaji livwa a miaka ni kumi lia miaka, mba yafwa.
15Mahalale yatwama makumi asambano a miaka ni miaka yitano, yasema Yara. 16Mba kulutwe lia kusema Yara Mahalale yatwama nawa makulakaji nake a miaka ni makumi atatu a miaka, nikusema ana a malunga ni ana a mapwo. 17Kashika matangwa eswe a Mahalale makulakaji nake a miaka ni makumi livwa a miaka ni miaka yitano, mba yafwa.
18Yara yatwama kulakaji lia miaka ni makumi asambano a miaka ni miaka yiali, yasema Enoke. 19Mba kulutwe lia kusema Enoke Yara yatwama nawa makulakaji nake a miaka nikusema ana a malunga ni ana a mapwo. 20Kashika matangwa eswe a Yara makulakaji livwa a miaka ni makumi asambano a miaka ni miaka yiali, mba yafwa.
21Enoke yatwama makumi asambano a miaka ni miaka yitano, yasema Metusela. 22Mba kulutwe lia kusema Metusela Enoke waliendelele ni Zambi makulakaji atatu a miaka nikusema ana a malunga ni ana a mapwo. 23Kashika matangwa eswe a Enoke apwile makulakaji atatu a miaka ni makumi asambano a miaka ni miaka yitano. 24Enoke waliendelele ni Zambi, hikeshiko, mumu Zambi yamuchizako.
25Metusela yatwama kulakaji lia miaka ni makumi nake a miaka ni miaka shimbiali, yasema Lameke. 26Mba kulutwe lia kusema Lameke Metusela yatwama nawa makulakaji shimbiali a miaka ni makumi nake a miaka ni miaka yiali nikusema ana a malunga ni ana a mapwo. 27Kashika matangwa eswe a Metusela makulakaji livwa a miaka ni makumi asambano a miaka ni miaka livwa, mba yafwa.
28Lameke yatwama kulakaji lia miaka ni makumi nake a miaka ni miaka yiali, yasema mwana wa lunga. 29Yamuluka jina ngwenyi, Noe, mumu ngwenyi, Yono kumakatuwahisa ha milimo yetu ni kukilikita cha moko jetu mumu ha mavu aze Zambi washingile. 30Kulutwe lia kusema Noe Lameke yatwama nawa makulakaji atano a miaka ni makumi livwa a miaka ni miaka yitano nikusema ana a malunga ni ana a mapwo. 31Kashika matangwa eswe a Lameke makulakaji shimbiali a miaka ni makumi shimbiali a miaka ni miaka shimbiali, mba yafwa.
32Noe wapwile ni makulakaji atano a miaka, Noe yasema Sheme, ni Hame, ni Yafwe.
अहिले सेलेक्ट गरिएको:
UPUTUKILO 5: Csa
हाइलाइट
शेयर गर्नुहोस्
कपी गर्नुहोस्
Want to have your highlights saved across all your devices? Sign up or sign in
Chokwe Bible © Bible Society in Angola, 1975.