याकोब 5:7-9

त्यसो भए दाजुभाइ-दिदीबहिनीहरूहो, प्रभुको पुनःआगमन नभएसम्म धैर्य धारण गर। हेर, आफ्नो जमिनले बहुमूल्य फसल दिन्छ भनेर किसानले कसरी पर्खन्छ, अनि ऊ अघिल्‍लो र पछिल्‍लो वर्षाको लागि कसरी धैर्य गरी बस्दछ। तिमीहरू पनि धैर्य गर र हृदयमा स्थिर भएर बस; किनकि प्रभुको आगमन नजिक छ। हे दाजुभाइ-दिदीबहिनीहरूहो, एक-अर्काको विरुद्धमा गनगन नगर, नत्र ता तिमीहरू न्यायमा पर्नेछौ। न्यायकर्ता ढोकैमा उभिरहनुभएको छ!