1 कोरिन्थी 9:19-23

म कुनै मानिसको अधीनमा नभई सबैबाट स्वतन्त्र भए तापनि जति सक्दो धेरैलाई जितूँ भनेर मैले आफूलाई हरेक व्यक्‍तिको सेवक तुल्याएको छु। यहूदीहरूलाई जित्न म यहूदीझैं भइदिएँ, व्यवस्थाको अधीनमा रहेकाहरूलाई जित्नलाई म व्यवस्थाको अधीनमा रहेकाहरूझैं भइदिएँ। व्यवस्थाका अधीनमा नभएकाहरूलाई जित्न सकूँ भनेर म व्यवस्थाको अधीनमा नरहेको झैं भइदिएँ। यद्यपि म परमेश्‍वरको व्यवस्थाबाट स्वतन्त्र छैनँ, तर ख्रीष्‍टको व्यवस्थाको अधीनमा छु, कि तिनीहरूलाई जित्न सकूँ, जो व्यवस्थाको अधीनमा छैनन्। कमजोरहरूलाई जित्न सकूँ भनेर म कमजोरहरूका लागि कमजोर भइदिएँ। म सबैको निम्ति सबै भइदिएँ, ताकि हर प्रयासद्वारा कसै न कसैलाई बचाउन सकूँ। सुसमाचारको खातिर मैले यी सबै कुरा गरें, ताकि म यस सुसमाचारको आशिषमा सहभागी बनूँ।