Juan 2
2
Hesu oho mendahápe Canáme
1Ha mbohapy ára haguépe oiko menda pe táva Cana, Galiléa peguápe ha upépe oĩ avei Hesu sy.
2Ha oñeconvida avei Hesu ha hemimbo’ekuérape upe mendahápe.
3Ha opa rire pe víno, Hesu sy he’i ichupe: Opa ningo ichuguikuéra pe víno.
4Hesu katu he’i ichupe: Nde kuñakarai, mba’érehepa rejepy’apy. Ne’ĩra gueteri og̃uahẽ che hóra,
5Hesu sy katu he’i upe óga jára rembiguaikuérape: Pejapopa, Hesu he’íva guive peẽme.
6Oĩ ningo upépe 6 kambuchi ndetuicháva itaguiguáva, Judayguakuéra oiporúva oñemopotĩ hag̃ua, ha peteĩteĩme ija 100 lítro rupi.
7Ha Hesu he’i umi tembiguáipe: Pemyenyhẽ kambuchikuéra ýgui. Upémaramo ha’ekuéra omyenyhẽ hembe’y peve.
8Uperire Hesu he’i ichupekuéra: Peguenohẽ michĩmi ha peha’ãuka pe omyakãmbáva pe tembiapo ko mendahápe, ha ogueraha hikuái ichupe.
9Ha pe omyakãmbáva mendahápe oha’ãmi pe víno pyahu, ndoikuaáigui Hesu ojapo hague pe víno ýgui, umi tembiguái onohẽva’ekue pe y katu oikuaa porã; pe omyakãmbáva ohenói pe menarãme,
10ha he’i ichupe: Oimeraẽva ningo ome’ẽ pe iporãvéva raẽ, nde katu reñongatu pe iporãvéva ko’ág̃a peve.
11Ko mba’e Hesu ojapo techaukaha ramo oñepyrũvo hembiapo Cana, Galiléa peguápe, upéicha ohechauka ijyvága reko jajaipa ha hemimbo’ekuéra ojerovia hese.
12Ko’ã mba’e rire Hesu, isy, ityvyrakuéra ha hemimbo’ekuéra oho táva Capernaúmpe, ha aremi opyta hikuái upépe.
13Ha og̃uahẽmbávo Judayguakuéra páscua arete, Hesu oho Jerusalénpe.
14Hesu ojohu guapyhápe Ñanderuete rogaguasúpe umi ovendéva tóro ra’ykuéra, ovechakuéra ha pykasukuéra ha avei umi kuimba’e ocambiáva pirapire.
15Hesu ohechávo umi mba’e, ojapo peteĩ tukumbo sãgui omosẽmba hag̃ua Ñanderuete rogaguasúgui umi ovendévape tóro ra’ykuéra ha ovechakuéra, ha oity umi mesa oĩháme umi ocambiáva pirapire, oitývo pe pirapire yvýpe.
16Ha he’i umi pykasu ovendévape: Peguerahapa okápe, ani pejapo che Ru rógagui peteĩ ñemuha róga.
17Upérõ hemimbo’ekuéra imandu’a ojehaiha Ñanderuete kuatiañe’ẽme: Cherakate’ỹetereígui Ñanderuete rogaguasu rehe chepytupa, (Salmokuéra 69,9).
18Upéramo Judayguakuéra oñe’ẽ Hesu ndive ha he’i: Mba’eichagua techaukaha piko Nde rehechaukáta oréve ijaha ndéve rejapo hag̃ua ko mba’e kóva.
19Hesu ombohovái ichupekuéra ha he’i: Peity ko Ñanderuete rogaguasu, ha pe ára mbohapyhápe che amopu’ã jevýta.
20Upérõ Judayguakuéra he’i Hesúpe: 46 áñope oñemopu’ãva’ekue ko ogaguasu kóva, ha Nde piko remopu’ã jevýne mbohapy árape.
21Hesu katu oñe’ẽ hetére. Hesu rete ningo Ñanderuete rogaguasu voi.
22Ñanderuete omoingove jevývo Hesu Crístope omanova’ekue apytégui, hemimbo’ekuéra imandu’a ko ñe’ẽngue kóva rehe. Ha oguerovia hikuái umi ñe’ẽ ojehaíva Ñanderuete kuatiañe’ẽme ha pe ñe’ẽ Hesu he’iva’ekue ichupekuéra.
23Hesu Crísto oĩ ramo Jerusalénpe pe páscua aretépe, heta ojeroviáva hesete voi, ohechávo umi techaukaha Hesu ojapóva.
24Hesu katu, ndojeroviái hesekuéra oikuaa porãgui opavave pensamientokuéra.
25Natekotevẽi oikuaauka ichupe avave mba’épa oĩ tetãyguakuéra py’apýpe, Ha’e voi oikuaa porã opaite mba’e oĩva guive ipy’apypekuéra.
अहिले सेलेक्ट गरिएको:
Juan 2: ÑÑP2015
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
Ñanderuete Ñe’ẽ Porã © MISIÓN ALEMANA ENTRE LOS NATIVOS DEL PARAGUAY - HARALD FÜRSTENAU, 2015.
