متى 28

سِيذِيثْنغ عِيْسَى يكَّر-د زِي ڒْموْث

1وَامِي يعْذُو نْهَار ن سّبْث ن لْعِبَادَا، غَار ڒفْجَر ذِي نْهَار ن ڒْحَد ثُوْسَا-د مَرْيَم ثَمَݣْدَلِيث ذ مَرْيَم نّغْنِي حمَا اَذ ࢲرنْت اَنْضڒ ن عِيْسَى. 2عْلَاغَفْلَا ثنْهزّ ثْمُوْرْث يج ونْهزِّي ذ اَمقّْرَان ڒَاحقَّاش ثهْوَا-د يجّن ن لْمَلَائِكَا ن أَربِّـي زݣ وجنَّا، ثكّس اَزْرُو نِّي خ ثوَّارْث ثقِّيم خَاس. 3ؤُذم نّس يتْشعْشِيع س نُّوْر اَم وَاسَّام، أَرُّوْض نّس نتَّا ذ اَشمْڒَاڒ اَمشْنَاو اَذْفڒ. 4ئِعسَّاسن ن ونْضڒ ݣّْوْذن زَّايس ترْجِيجِين، قِّيمن اَم يمتِّينن.

5ثنْدق-د لْمَلَائِكَا نِّي ثنَّا-ٱسنْت إِ ثمْغَارِين: "وَار تݣّْوْذنْت شَا، نش سّْنغ بلِّي ثْرزُّونْت خ عِيْسَى يتْوَاصلّْبن. 6نتَّا وَار ذَا يدْجِي شَا، ئِكَّر-د زِي ڒْموْث عْلَاحْسَاب مَامّش ينَّا زِي قْبڒ. أَرَاحنْت-يد اَذ تࢲرنْت اَمْشَان نِّي مَانِي تُوْغَا يدْجَا. 7رُوْحنْت ذغْيَا غَار يمحْضَارن نّس إِنِينْت-اَسن اَقَا يكَّر-د زِي ڒْموْث. أَذ يرَاح غَار ثْمُوْرْث ن لْجَلِيل اَكنِّيو يرَاجَا ذِنِّي. ذِنِّي إِي ث غَا ثࢲرم، قَا نِّيغ-اَوم-ث."

8كَّرنْت نِثنْتِي رُوْحنْت ذغْيَا زݣ ونْضڒ نِّي، ݣّْوْذنْت وَلَكِن فَرْحنْت اَطَّاس. تَازّْڒنْت اَذ سِّيوْضنْت ڒخْبَار-أَ غَار يمحْضَارن ن عِيْسَى.

9سّنِّي يمڒْقَا اَكِسنْت عِيْسَى ينَّا-ٱسنْت: "آزُوْل." قَارّْبنْت غَارس طّْفنْت ذݣ يضَارن نّس سجّْذنْت-اَس.

10ڒخْدّنِّي ينَّا-ٱسنْت عِيْسَى: "وَار تݣّْوْذنْت شَا. رُوْحنْت سِيوْضنْت ڒخْبَار إِنِينْت إِ أَيثْمَا: رُوْحث غَار ثْمُوْرْث ن لْجَلِيل ذِنِّي إِي ذَايِي غَا ثࢲرم."

11وَامِي رُوْحنْت نِثنْتِي، ڒبْعَاض ن ڒْعَسْكَار نِّي يتْعسّْسن خ ونْضڒ ذوْڒن غَار ثنْدِينْت سِّيوْضن-اَسن ڒخْبَار إِ اَرُّوْيَاس ن ڒْفُقَهَا خ مَارَّا مِين يوقْعن. 12مُوْنن اَرُّوْيَاس نِّي ن ڒْفُقَهَا اَك يمقّْرَانن ن أَيث-إِسْرَائِيل. وَامِي مْشَاوَارن جَارَاسن، ؤُشِين-اَسن يجّن ن لْعَدَد ن تْمنْيَاث إِ ڒْعَسْكَار نِّي. 13نَّان-اَسن إِ ڒْعَسْكَار: "أَذ تِينِيم إِ يِوْذَان قَا ؤُسِين-د يمحْضَارن نّس س دْجِيڒث، يْسِين دَّات نّس وَامِي تُوْغَا نشِّين نطّص. 14أُو مڒَا يَارَّا-د لْحَاكم ڒخْبَار، أَ نمْسفْهَام اَكِذس اَكنِّيو نسْبعّذ خ لْمُشْكِلَا-يَا." 15كَّرن يْسِين تْمنْيَاث نِّي ڒْعَسْكَار، ݣِّين عْلَاحْسَاب مَامّش ثن وصَّان. أَمنِّي ينْتَاشَر وَاوَاڒ جَار أَيث-إِسْرَائِيل غَار ڒخُّو.

ڒُوْصِيّث ن سِيذِيثْنغ عِيْسَى ثَنݣَّارُوْت

16رُوْحن حِيطَاش نِّي ن يمحْضَارن غَار ثْمُوْرْث ن لْجَلِيل غَار وذْرَار نِّي عْلَاحْسَاب مَامّش تُوْغَا ثن يوصَّا عِيْسَى زِي قْبڒ. 17وَامِي ث ࢲْرِين، سجّْذن-اَس وَلَكِن ذِنِّي ڒبْعَاض عَاذ شكّن. 18ئِقَارّب-د غَارْسن عِيْسَى يسِّيوڒ اَكِذْسن ينَّا-ٱسن:

"ثمُّوْش-اَيِي مَارَّا سُّلْطَا ذݣ وجنَّا ذ ثْمُوْرْث. 19إِيوَا رُوْحث غَار يِوْذَان ن مَارَّا ڒݣْنُوْس، أَرّم-ثن ذ يمحْضَارن ينُو. طهَّارم-ثن س وَامَان س يِيسم ن بَابَا ذ مِّيس ذ أَرُّوْح يقدّْسن. 20سْڒمْذم-اَسن اَذ ݣّن مَارَّا مِينْزِي كنِّيو وصِّيغ. أَقَا نش اَكِذْوم يڒِيغ ڒبْدَا اَڒ غَا يفْنَا زْمَان!"

अहिले सेलेक्ट गरिएको:

متى 28: ريف

हाइलाइट

शेयर गर्नुहोस्

कपी गर्नुहोस्