Mateo 3
3
1Alisi mu nsiku zyenizyo wavukaga Yohana Moja, 2alitanizya mwibalangu lya Uyahudi, uhaya, Mupiluke moyo, 3kwisi vutemi wʼilunde wegelaga. Kwisi uyo ali mwenuyo wayombilwe na mufumbuzi Yesaya, alihaya,
Muzwi gwa umo alihamuka mwibalangu:
Muyivezelezye nzila yamwa Guku,
Mutugelanizye tufufuyila twakwe.
4Alisi Yohana mwenuyu wazwalage kizwalo cha vuyenze wa ntwangavulende na musipi gwa ndili mu mukimbili gwakwe, na chakulya chakwe chavage nzige na vuki wa mwipolu. 5Mwitungo ilo vajaga kuwakwe vana Yerusalema vose na vana Uyahudi vose na va chalo 6chose cha bihi na Yordani; na vogivagwa nawe mu mongo Yordani aho valigaziumilizya mavukenaguzi gavo. 7Alisi aho wavavonaga Vafarisayo na Vasadukayo vingi vizile ha voja wakwe, wavawilaga, Inwe vuvyalwa wa nzoka, nani wavahugukaja inwe kukipela 8kisila kilakiza? Sisyo mufyambye fisumo filigelanila ha kupiluka moyo. 9Na muleke kwiganika mu myoyo yinwe ati, tuli nawe vava Abrahamu; kwisi ndimuwila inwe ati, Mulungu alikovola kumuhembukizya Abrahamu vana ku mawe genaya. 10Alisi lelo mbasa yitulilwe hʼitina lya muti, haho kila muti hogwene gukafyambizye fisumo fisoga gukubutwa na gukutagilwa mu moto. 11Nene ndimoja inwe na minzi ha kupiluka moyo, alisi mwenuyo homwene aliza hanuma yane ali na nguzu kukila nene, na nene nkasikile isima ninga kusomba filatu fyakwe; mwenuyo akumoja inwe na Roho Nsondo na moto. 12Ali nʼitangwa mu kukono kwakwe, akulupyagula lumbuga lwakwe na akuzipona ngano mu nhungugu zyakwe, alisi mamuyaye akugatwimila mu moto hogwene kuzima ngʼo. 13Haho Yesu wizaga kufuma ku Galilaya kusika 14Yordani kumwa Yohana, kigele ogiwe nawe. Alisi Yohana wamuhangilizaja na wahaya, Nene ndifunda 15kogiwa naʼho, na veve uliza kuwane? Alisi Yesu witavukaga na wamuwilaga, Yizumiwe lelo, kwisi syenisyo yilitudima iswe kumazya ludonho lose; haho wazumaja. 16Na aho Yesu wamalaga kogiwa na wafumaga ku minzi, ilunde lyamulugukilaga na wayivonaga Roho ya Mulungu yilisoka kitisi nkunda yilimudemela. 17Na muzwi kufuma kwilunde gulihaya, Mwenuyu ali Mwana wane, mutoneke homwene ndimudehela.
अहिले सेलेक्ट गरिएको:
Mateo 3: Nym51
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
Nyamwezi New Testament © Bible Society of Tanzania, 1951.
