MATIUS 11:4-5

Dangga Yesus arougb len, endagai: Yen yeihweda naugb yedecic dau areg yen youman dara yeiyohob gini, augwan asesa dou Yohanes. Anai yen yeiya, doba leng meriresmougb, kaba, merires esga naugb len leiya lo deitohob. Dara leng merohora agaim toua, len leisa lec merohora namcir. Dara leng garemos gogoufu et lenohob, kaba, len merus eingmos agauwesa ucugb deitohob. Dara leng merums etub toua, len merums esda naugb len louman lo asesohob toua. Dara leng lomom toua, len leisa merna agau deitohob. Dara leng merunggwereij, kaba, len toua louman Mer Geigouhw dau Allah enohob.